ഡി.എൽ.പി ബോർഡ് കരാറുകാരൻ പുനഃസ്ഥാപിച്ചു മാള: മാള ഇന്ദിര ഭവന് സമീപമുണ്ടായിരുന്ന റോഡ് പരിപാലന ബോർഡ് (ഡി.എൽ.പി ബോർഡ്) കരാറുകാരൻ റോഡ് നിർമാണം നടന്ന സ്ഥാനത്ത് പുനഃസ്ഥാപിച്ചു. മാള ജങ്ഷനിൽ സ്ഥാപിക്കേണ്ട ബോർഡ് ആണ് ഏറെ മാറ്റി സ്ഥാപിച്ചത്. ഇത് സംബന്ധിച്ച് മാധ്യമം കഴിഞ്ഞ ദിവസം വാർത്ത നൽകിയിരുന്നു. അനാസ്ഥ ചൂണ്ടിക്കാട്ടി മാള പള്ളിപ്പുറം സ്വദേശി ഷാന്റി ജോസഫ് തട്ടകത്ത് പരാതി നൽകിയിരുന്നു. മാള ടൗൺ റോഡിൽ നിന്ന് ആരംഭിച്ച് കെ.എസ്.ആർ.ടി.സിക്ക് സമീപമുള്ള പാലത്തിന്റെ വടക്ക് വരെ റോഡ് വീതികൂട്ടിയതുമായി ബന്ധപ്പെട്ട് സ്ഥാപിച്ച പരിപാലന ബോർഡാണ് കരാറുകാരൻ മാറ്റിസ്ഥാപിച്ചത്. ജനങ്ങൾ കാഴ്ചക്കാരല്ല, കാവൽക്കാരാണ് എന്ന വാചകത്തോടെയുള്ള ബോർഡ് റോഡിൽ നിന്ന് ഏറെ മാറിയാണ് ഉണ്ടായിരുന്നത്. 2019 നിർമിച്ച ഈ റോഡിന്റെ പരിപാലന കാലാവധി 2022 ഡിസംബറിൽ അവസാനിക്കും. റോഡ് നിർമാണം കഴിഞ്ഞുള്ള മൂന്ന് വർഷം തകർച്ച ഉണ്ടായാൽ പുനർനിർമിക്കാൻ കരാറുകാരന് ഉത്തരവാദിത്തമുണ്ട്. ഫോട്ടോ: സ്ഥാനചലനം സംഭവിച്ച ഡി.എൽ.പി ബോർഡ് TCM - MLA-DLP - Board
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.