സാന്ത്വന സ്പര്‍ശം അദാലത്തിെൻറ വേദിയില് റാന്നി താലൂക്കിലെ റേഷന്‍ കാര്ഡ് വിതരണം
മന്ത്രി എ.സി മൊയ്തീന്‍, മന്ത്രി എ.കെ. ശശീന്ദ്രന് എന്നിവര് ചേര്ന്ന്
വിതരണം ചെയ്യുന്നു
പത്തനംതിട്ട: സാന്ത്വന സ്പര്‍ശം പരാതി പരിഹാര അദാലത്തിെൻറ ഭാഗമായി ജില്ലയില്‍ രണ്ടാംദിനം രണ്ടു താലൂക്കുകള്‍ക്കായി നടത്തിയ അദാലത്തില്‍ 2409 പരാതികള്‍ പരിഹരിച്ചു.മുഖ്യമന്ത്രിയുടെ ദുരിതാശ്വാസ നിധിയില്‍നിന്ന് 18,01,000 രൂപ ധനസഹായം വിതരണം ചെയ്തെന്നും തദ്ദേശ സ്വയംഭരണ വകുപ്പ് മന്ത്രി എ.സി. മൊയ്തീന്‍ പറഞ്ഞു. കോന്നി താലൂക്കില്‍നിന്ന് 1392 പരാതികളും റാന്നി താലൂക്കില്‍നിന്ന് 1017 പരാതികളുമാണ് ലഭിച്ചത്.
അദാലത് ദിനത്തില്‍ കോന്നിയില്‍നിന്ന് 458 പുതിയ പരാതികളും റാന്നിയില്‍നിന്ന് 248 പരാതികളും ലഭിച്ചു. റാന്നി താലൂക്കിലെ ആറ് പട്ടയങ്ങളും റാന്നി, കോന്നി താലൂക്കുകളിലായി 97 റേഷന്‍ കാര്‍ഡുകളും വിതരണം ചെയ്തു. മന്ത്രി എ.കെ. ശശീന്ദ്രനും അദാലത്തിന് നേതൃത്വം നല്‍കി.
മല്ലപ്പള്ളി, തിരുവല്ല താലൂക്കുകളുടെ സാന്ത്വന സ്പര്‍ശം പരാതി പരിഹാര അദാലത് വ്യാഴാഴ്ച തിരുവല്ല സെൻറ് ജോണ്‍സ് കത്തീഡ്രല്‍ ഓഡിറ്റോറിയത്തില്‍ നടക്കും. രാവിലെ തിരുവല്ല താലൂക്കില്‍ നിന്നുള്ളവര്‍ക്കും ഉച്ചക്ക് ശേഷം മല്ലപ്പള്ളി താലൂക്കിലുള്ളവര്‍ക്കും പങ്കെടുക്കാമെന്നും മന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.