അംഗൻവാടിക്ക് ഭീഷണിയായ മരം മുറിച്ചു മാറ്റുന്നില്ല; ഒറ്റയാൾ സമരവുമായി പ്രദേശവാസിയുടെ പ്രതിഷേധം

റാ​ന്നി: അം​ഗ​ൻ​വാ​ടി​ക്ക് ഭീ​ഷ​ണി​യാ​യ മ​രം മു​റി​ച്ചു മാ​റ്റാ​ത്ത​തി​ൽ പ്ര​തി​ഷേ​ധി​ച്ച് പ്ര​ദേ​ശ​വാ​സി​യുടെ ഒ​റ്റ​യാ​ൾ സ​മ​രം ശ്ര​ദ്ധേ​യ​മാ​യി. വാ​യും മു​ഖ​വും തു​ണി​കൊ​ണ്ട് മൂ​ടി​ക്കെ​ട്ടി നെ​ഞ്ച​ത്തും പു​റ​ത്തും പ്ല​ക്കാ​ർ​ഡു​ക​ൾ കെ​ട്ടി വെ​ച്ച് അ​ധി​കൃ​ത​രു​ടെ ക​ണ്ണു തു​റ​പ്പി​ക്കാ​ൻ റാ​ന്നി ടൗ​ണി​ൽ കൂ​ടി ന​ട​ന്നു​നീ​ങ്ങി​യ പു​തു​ശ്ശേ​രി​മ​ല തേ​വ​ര തു​ണ്ടി​യി​ൽ രാ​ജ​ൻ ന​ട​ത്തി​യ ഒ​റ്റ​യാ​ൾ സ​മ​രം വേ​റി​ട്ട​താ​യി. പു​തു​ശ്ശേ​രി​മ​ല എ​ട്ടാം വാ​ർ​ഡി​ലെ 16ാം ന​മ്പ​ർ അം​ഗ​ൻ​വാ​ടി​യോ​ട് അ​ധി​കൃ​ത​ർ കാ​ണി​ക്കു​ന്ന അ​വ​ഗ​ണ​ന​ക്കെ​തി​രെ​യാ​യി​രു​ന്നു സ​മ​രം. അ​ധ്യ​യ​ന വ​ർ​ഷം ആ​രം​ഭി​ക്കാ​ൻ ഏ​താ​നും ദി​വ​സ​ങ്ങ​ൾ ബാ​ക്കി നി​ൽ​ക്കു​മ്പോ​ഴും മ​രം മു​റി​ച്ചു​മാ​റ്റാ​ൻ ന​ട​പ​ടി​യാ​യി​ട്ടി​ല്ല. ചോ​ർ​ന്നൊ​ലി​ക്കു​ന്ന കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി​ക​ളും ഇ​തു​വ​രെ ന​ട​ത്തി​യി​ട്ടി​ല്ല. കാ​ടു​ക​യ​റി​യ പ​രി​സ​രം ഇ​ഴ​ജ​ന്തു​ക്ക​ളു​ടെ താ​വ​ള​മാ​യി.

സ​മ​ര ശേ​ഷം പ​രാ​തി​ക​ൾ രേ​ഖാ മൂ​ലം പ​ഞ്ചാ​യ​ത്ത് അ​ധി​കൃ​ത​ർ​ക്ക് ന​ൽ​കി​യ​താ​യി രാ​ജ​ൻ പ​റ​ഞ്ഞു. ന​ട​പ​ടി ഉ​ണ്ടാ​യി​ല്ലെ​ങ്കി​ൽ ശ​ക്ത​മാ​യ സ​മ​ര​മു​ണ്ടാ​കു​മെ​ന്ന മു​ന്ന​റി​യി​പ്പോ​ടെ​യാ​ണ് രാ​ജ​ൻ മ​ട​ങ്ങി​യ​ത്. അ​തേ​സ​മ​യം മ​രം നീ​ക്കം ചെ​യ്യ​ണ​മെ​ങ്കി​ൽ വ​നം വ​കു​പ്പ് വി​ല തി​ട്ട​പ്പെ​ടു​ത്തേ​ണ്ട​തു​ണ്ടെ​ന്നും ലേ​ലം ചെ​യ്യാ​നു​ള്ള നി​യ​മ​പ​ര​മാ​യ ന​ട​പ​ടി​ക​ൾ കൈ​ക്കൊ​ണ്ടി​ട്ടു​ണ്ടെ​ന്നും റാ​ന്നി പ​ഞ്ചാ​യ​ത്ത് പ്ര​സി​ഡ​ന്‍റ്​ കെ.​ആ​ർ. പ്ര​കാ​ശ് പ​റ​ഞ്ഞു.