ജണ്ടായിക്കലിലെ വാതക ശ്മശാനത്തിന്റെ ട്രയൽ റൺ നടത്തുന്നു
റാന്നി: പഴവങ്ങാടി ഗ്രാമപഞ്ചായത്തിൽ ജണ്ടായിക്കലിൽ റാന്നി, പഴവങ്ങാടി, അങ്ങാടി, ചെറുകോൽ പഞ്ചായത്തുകളുടെ സഹകരണത്തോടെ നിർമിച്ച വാതക ശ്മശാനത്തിന്റെ ട്രയൽ റൺ നടത്തി. 12 ഗ്യാസ് സിലിണ്ടർ സ്ഥാപിച്ചാണ് ട്രയൽ റൺ നടത്തിയത്.
പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനില്‍കുമാർ, വൈസ് പ്രസിഡന്റ് ജോൺ എബ്രഹാം, ഗ്രാമപഞ്ചായത്ത് സ്ഥിരം സമിതി അധ്യക്ഷ ഷേർളി ജോർജ്, വാർഡ് മെംബർ ഷൈനി രാജീവ്, അംഗങ്ങളായ അനീഷ് ഫിലിപ്പ്, എം.ജി. ശ്രീകുമാർ, റൂബി കോശി, ജിജി വർഗീസ്, കോസ്റ്റ് ഫോർഡ് കോഓഡിനേറ്റർ ബിജു പി. ജോൺ ജീവനക്കാർ എന്നിവർ സംബന്ധിച്ചു. മറ്റ് മൂന്ന് പഞ്ചായത്തുമായി കൂടിയാലോചിച്ച് ഉദ്ഘാടന തീയതി പ്രഖ്യാപിച്ച് പൊതുജനങ്ങൾക്കായി തുറക്കുമെന്ന് പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനിൽകുമാർ, വൈസ് പ്രസിഡന്റ് ജോൺ എബ്രഹാം എന്നിവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.