കല്ലേലി സ്കൂളിന്​ സമീപം കാട്ടാനക്കൂട്ടം

കോ​ന്നി: ക​ല്ലേ​ലി ജി.​ജെ.​എം യു.​പി സ്കൂ​ളി​ന് സ​മീ​പ​ത്ത്​ കാ​ട്ടാ​ന​ക്കൂ​ട്ടം ഇ​റ​ങ്ങി​യ​ത്​ ഭീ​തി പ​ര​ത്തി. വ്യാ​ഴാ​ഴ്ച രാ​വി​ലെ 6.30ഓ​ടെ​യാ​ണ്​ സ്കൂ​ളി​ന്​ സ​മീ​പം ഇ​വ​യെ ക​ണ്ട​ത്. സ്കൂ​ളി​ന് സ​മീ​പ​ത്തെ റ​ബ​ർ​തോ​ട്ട​ത്തി​ലൂ​ടെ ഇ​റ​ങ്ങി​വ​ന്ന ആ​ന​ക്കൂ​ട്ടം, ക​ല്ലേ​ലി തോ​ട്ടാ​വ​ള്ളി​ൽ സി.​എ​സ്. ജോ​യി​യു​ടെ വാ​ഴ​ത്തോ​ട്ട​ത്തി​ലെ​ത്തി വാ​ഴ​ക​ൾ ന​ശി​പ്പി​ച്ച ശേ​ഷം മ​ൺ​തി​ട്ട ഇ​ടി​ച്ചി​റ​ങ്ങി റോ​ഡി​ലൂ​ടെ വ​ന​ത്തി​ലേ​ക്ക് തി​രി​ച്ചു​പോ​യി.

ക​ല്ലേ​ലി സ്കൂ​ളി​ലെ ആ​റാം ക്ലാ​സ്​ വി​ദ്യാ​ർ​ഥി​യാ​യ ജി​ഫി​നാ​ണ്​ ആ​ദ്യം ആ​ന​യെ ക​ണ്ട​ത്. സ്‌​കൂ​ളി​ന് സ​മീ​പ​ത്ത് താ​മ​സി​ക്കു​ന്ന ജി​ഫി​ൻ കൂ​ട്ടു​കാ​ര​നൊ​പ്പം സൈ​ക്കി​ളി​ൽ പോ​കു​മ്പോ​ൾ ആ​ന റ​ബ​ർ​തോ​ട്ട​ത്തി​ലൂ​ടെ ഇ​റ​ങ്ങി വ​രു​ന്ന​താ​ണ് ക​ണ്ട​ത്. പി​ന്നീ​ട് കു​ട്ടി​ക​ൾ സ​മീ​പ​വാ​സി​ക​ളെ അ​റി​യി​ക്കു​ക​യും ഇ​വ​ർ സ്ഥ​ല​ത്ത് എ​ത്തു​മ്പോ​ൾ സ്കൂ​ളി​ന് സ​മീ​പ​ത്ത്​ നാ​ല് ആ​ന​ക​ൾ നി​ല​യു​റ​പ്പി​ച്ച​താ​യും ക​ണ്ടു. പി​ന്നീ​ട്​ ഏ​റെ​നേ​ര​ത്തി​ന് ശേ​ഷ​മാ​ണ് ആ​ന​ക​ൾ കാ​ട്ടി​ലേ​ക്ക് മ​റ​ഞ്ഞ​ത്.

കാ​ട്ടാ​ന സ്കൂ​ളി​ന് സ​മീ​പ​ത്ത് വ​രെ എ​ത്തി​യ​തോ​ടെ ഭീ​തി​യി​ലാ​ണ് കു​ട്ടി​ക​ളും അ​ധ്യാ​പ​ക​രും. സ്കൂ​ളി​ന് സ​മീ​പം അം​ഗ​ൻ​വാ​ടി​യും പ്ര​വ​ർ​ത്തി​ക്കു​ന്നു​ണ്ട്. ക​ല്ലേ​ലി ഭാ​ഗ​ത്തു​ള്ള കു​ട്ടി​ക​ൾ അ​ട​ക്കം ആ​ന​കൂ​ട്ടം ഇ​റ​ങ്ങി​യ വ​ഴി​യി​ൽ കൂ​ടി​യാ​ണ് സ്‌​കൂ​ളി​ലേ​ക്ക് എ​ത്തു​ന്ന​ത്. ആ​ന​ക​ൾ സ്ഥി​ര​മാ​യി ഇ​റ​ങ്ങി തു​ട​ങ്ങി​യ​തോ​ടെ ഭീ​തി​യി​ലാ​ണ് ര​ക്ഷി​താ​ക്ക​ളും. ആ​ദ്യ​മാ​യാ​ണ് സ്കൂ​ളി​ന് സ​മീ​പ​ത്ത് കാ​ട്ടാ​ന എ​ത്തു​ന്ന​തെ​ന്ന്​ അ​ധ്യാ​പ​ക​രും പ​റ​യു​ന്നു.