പത്തനംതിട്ട: ദൈവത്തെ അറിഞ്ഞ് ജീവിക്കുന്ന അമ്മമാരുടെ മക്കൾ ലോകത്തിന് മാതൃകയായിരിക്കുമെന്നും ഏതുപ്രതിസന്ധിയിലും നിർമല ഹൃദയമുള്ളവരായിത്തീരാൻ നമുക്ക് കഴിയണമെന്നും ഡോ. യുഹാനോൻ മാർ പോളിക്കാർപ്പോസ് മെത്രാപ്പോലീത്ത പറഞ്ഞു. 105ാമത് മധ്യ തിരുവിതാംകൂർ ഓർത്തഡോക്സ് കൺവെൻഷനോടനുബന്ധിച്ച് സെന്റ് സ്റ്റീഫൻസ് കത്തീഡ്രലിൽ നടന്ന മർത്തമറിയം സമാജം സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യജീവിതത്തിലെ ഏറ്റവും വലിയ സർവകലാശാലയാണ് കുടുംബം. മാതാവിനെക്കാളും വലുത് ഈ ലോകത്ത് ഒന്നുമില്ല. ഫാ. ജിജി സാമൂവേൽ അധ്യക്ഷത വഹിച്ചു . മർത്തമറിയം സമാജം അഖില മലങ്കര ജനറൽ സെക്രട്ടറി പ്രഫ. മേരി മാത്യു മുഖ്യപ്രഭാഷണം നടത്തി. ഫാ. ഗബ്രിയേൽ ജോസഫ് വത്സമ്മ ചെറിയാൻ, കുഞ്ഞമ്മ മാത്യു, മിനി ജിജി, അലീസ് ജോയിക്കുട്ടി എന്നിവർ സംസാരിച്ചു. രാവിലെ നടന്ന ധ്യാനത്തിന് ഫാ. ജോൺ ടി. വർഗീസ് നേതൃത്വം നൽകി. ഫാ. ജോർജ് വർഗീസ് വട്ടപ്പറമ്പിൽ കോർഎപ്പിസ്കോപ്പ അധ്യക്ഷത വഹിച്ചു. ഫാ. ഗബ്രിയേൽ ജോസഫ്, ഫാ. കോശി വി. വർഗീസ് എന്നിവർ സംസാരിച്ചു. ശനിയാഴ്ച രാവിലെ 10ന് ഫാ. ജോർജ് മാത്യുവിന്റെ അധ്യക്ഷതയിൽ കൂടുന്ന ഐനാംസ് സംഗമത്തിൽ ഫാ. തോമസ് വർഗീസ് ചാവടിയിൽ ക്ലാസിന് നേതൃത്വം നൽകും. photo... മാക്കാംകുന്ന് സെന്റ് സ്റ്റീഫൻസ് കത്തീഡ്രലിൽ മർത്തമറിയം വനിതസംഗമം ഡോ. യൂഹാനോൻ മാർ പോളിക്കാർപ്പോസ് മെത്രാപ്പോലീത്ത ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.