അപ്പർ കുട്ടനാട്ടിൽ ശുചീകരണം

തിരുവല്ല: വെള്ളമിറങ്ങിത്തുടങ്ങിയതോടെ അപ്പർ കുട്ടനാടൻ മേഖലയിലെ വീടുകളും സ്ഥാപനങ്ങളും ശുചീകരിക്കുന്ന ജോലി ആരംഭിച്ചു. പെരിങ്ങര, കടപ്ര, കല്ലുങ്കൽ, നിരണം, നെടുമ്പ്രം, തിരുമൂലപുരം എന്നിവിടങ്ങളിലെ നൂറുകണക്കിന് വീടുകളിൽ വെള്ളം കയറിയിരുന്നു. ഈ പ്രദേശങ്ങളിലെ നിരവധി വീടുകൾക്കുള്ളിൽ ഇപ്പോഴും വെള്ളം കെട്ടിനിൽക്കുന്നുണ്ട്. മഴ മാറി വെയിൽ തെളിഞ്ഞതോടെ രണ്ടുദിവസത്തിനകം വീടുകൾക്കുള്ളിലടക്കം കെട്ടിനിൽക്കുന്ന വെള്ളം ഒഴിയുമെന്ന പ്രതീക്ഷയിലാണ് പ്രദേശവാസികൾ.