മാലിന്യം ശേഖരിച്ച്​ വിറ്റ്​ ലാപ്​ടോപ്​ വാങ്ങൽ: പദ്ധതിയിൽ കുന്നന്താനം സെൻറ് മേരീസ് ഗവ. ഹൈസ്കൂളും

മാലിന്യം ശേഖരിച്ച്​ വിറ്റ്​ ലാപ്​ടോപ്​ വാങ്ങൽ: പദ്ധതിയിൽ കുന്നന്താനം സൻെറ് മേരീസ് ഗവ. ഹൈസ്കൂളും മല്ലപ്പള്ളി: സംസ്ഥാന സർക്കാറി​ൻെറയും ഹരിതകേരളം മിഷ​ൻെറയും നേതൃത്വത്തിൽ 'മാലിന്യത്തിൽനിന്ന്​ ലാപ്​ടോപ്​' പദ്ധതിക്ക്​ ജില്ലയിൽനിന്ന്​ കുന്നന്താനം വിദ്യാലയം സൻെറ്​ മേരീസ് ഗവ. ഹൈസ്കൂളിനെ തെരഞ്ഞെടുത്തു. പത്തനംതിട്ട, കോട്ടയം ജില്ലകളുടെ അതിർത്തി ഗ്രാമമായ പാലക്കൽത്തകിടിയിലാണ് വിദ്യാലയം എന്നതുകൊണ്ട് ജില്ലയിലെ കുന്നന്താനം പഞ്ചായത്തി​ൻെറ രണ്ട് മുതൽ ആറ് വരെ വാർഡുകളിലും കോട്ടയം ജില്ലയിലെ കറുകച്ചാൽ, മാടപ്പള്ളി പഞ്ചായത്തുകളിൽ സ്കൂളിന് സമീപമുള്ള വാർഡുകളിലുമാണ് ആദ്യഘട്ടം പദ്ധതി നടപ്പാക്കുന്നത്. ഓൺലൈൻ വിദ്യാഭ്യാസത്തിന്​ സൗകര്യം ഇല്ലാത്ത കുട്ടികൾക്ക് സമൂഹം ഒന്നിച്ചുനിന്ന് സൗകര്യം ലഭ്യമാക്കുന്ന ഇടപെടലുകൾ നടന്നുവരുന്ന സാഹചര്യത്തിലാണ്​ ഹരിതകേരള മിഷൻ പദ്ധതിക്ക് തുടക്കമിടുന്നത്. മിഷ​ൻെറ നേതൃത്വത്തിൽ വിവിധ തദ്ദേശ സ്ഥാപനങ്ങൾ കേന്ദ്രീകരിച്ച് പാഴ്വസ്തുക്കൾ ശേഖരിച്ച് മാലിന്യ സംസ്കരണം ഫലപ്രദമായി നടക്കുന്നുണ്ട്​. മാലിന്യം ശേഖരിച്ച് വിൽക്കുവാനും അതിൽനിന്ന് ലഭിക്കുന്ന തുക ഓൺലൈൻ സൗകര്യമില്ലാത്ത കുട്ടികൾക്ക് പ്രയോജനപ്പെടുത്തുന്നതാണ്​ 'മാലിന്യത്തിൽനിന്ന്​ ലാപ്​ടോപ്​' പദ്ധതി. ഞായറാഴ്ച ആരംഭിച്ച് അധ്യാപക ദിനത്തിൽ സമാപിക്കുന്ന പദ്ധതിക്ക്​ സ്കൂൾ നേതൃത്വം നൽകും. കുന്നന്താനം ഗ്രാമപഞ്ചായത്ത് പ്രസിഡൻറ്​ ശ്രീദേവി സതീഷ് ബാബു യോഗം ഉദ്ഘാടനം ചെയ്തു. ഗ്രാമപഞ്ചായത്ത്​ അംഗം മറിയാമ്മ കോശി അധ്യക്ഷതവഹിച്ചു. ഹരിത കേരള മിഷൻ ജില്ല കോഓഡിനേറ്റർ ആർ. രാജേഷ് പദ്ധതി വിശദീകരിച്ചു. ഗ്രാമപഞ്ചായത്ത് അംഗങ്ങളായ വി.പി. രാധാമണിയമ്മ, ഗിരീഷ് കുമാർ, സ്കൂൾ ഹെഡ്മിസ്ട്രസ്​ കെ. ജമീല ബീഗം, പി.ടി.എ പ്രസിഡൻറ് എസ്.വി. സുബിൻ, കുടുംബശ്രീ സി.ഡി.എസ് ചെയർപേഴ്സൻ കമലമ്മ നാരായണൻ, പ്രമീള സുരേഷ്, ഷിജു എം.സാംസൺ, അധ്യാപകരായ ജയ്മോൻ ബാബുരാജ്, നിർമല, വീണ, ജിജു വൈക്കത്തുശ്ശേരി എന്നിവർ സംസാരിച്ചു. ജില്ല പഞ്ചായത്ത്​ അംഗം സി.കെ. ലതാകുമാരി ചെയർപേഴ്സനായും ഹെഡ്മിസ്ട്രസ്​ കെ. ജമീല ബീഗം കൺവീനറായും രൂപവത്​കരിച്ച 101 അംഗ സംഘാടക സമിതി പ്രവർത്തനങ്ങൾക്ക് നേതൃത്വം നൽകും. ഗ്രാമപഞ്ചായത്ത്​ അംഗം ചെയർമാനും ഹരിതകർമസേന അംഗങ്ങൾ കൺവീനറായും വാർഡ്/ പ്രാദേശിക സംഘാടക സമിതിക്കും രൂപംനൽകും.