ജീവനക്കാരില്ലാതെ കലക്​ടറേറ്റ്

പത്തനംതിട്ട: മന്ത്രിസഭയു​ടെ ഒന്നാം വാർഷികം പ്രമാണിച്ച്​ ജില്ല സ്​റ്റേഡിയത്തിൽ നടക്കുന്ന പ്രദർശന വിപണനമേള വിജയിപ്പിക്കാനായി കലക്​ടറേറ്റിലെ ജീവനക്കാരെ സ്​റ്റേഡിയത്തിൽ നിയോഗിച്ചു. മുഴുവൻ ജീവനക്കാരെയും എത്തിക്കാൻ എ.ഡി.എമ്മിന്‍റെ പ്രത്യേക നിർദേശം അതത്​ സെക്​​ഷൻ സൂപ്രണ്ടുമാർക്ക്​ നൽകിയിരുന്നതായി ജീവനക്കാർ പറഞ്ഞു. ഇതേ തുടർന്നാണ്​ തങ്ങൾ പോയതെന്ന്​ ജീവനക്കാർ പറയുന്നു. കലക്ടറേറ്റിൽ മൊത്തം ഒമ്പത്​ സെക്​ഷനിലായി 120ഓളം ജീവനക്കാരാണുള്ളത്​. രാവിലെ വിവിധ ആവശ്യങ്ങളുമായി ബന്ധപ്പെട്ട്​ കലക്ടറേറ്റിൽ എത്തിയ പൊതുജനങ്ങൾക്ക്​ ഒഴിഞ്ഞ കസേരകളാണ്​ കാണാൻ കഴിഞ്ഞത്. ​ഏറെനേരം കാത്തുനിന്ന്​ നിരാശരായവർ മടങ്ങിപ്പോകുകയും ചെയ്തു. ദൂ​രെ സ്ഥലങ്ങളിൽ നിന്നുപോലും ധാരാളമാളുകൾ എത്തിയിരുന്നു. രാവിലെ 11 നായിരുന്നു പ്രദർശനമേളയുടെ ഉദ്​ഘാടനം. 179 സ്റ്റാൾ പ്രവർത്തിക്കുന്നതിൽ 79 എണ്ണം വിവിധ സർക്കാർ വകുപ്പുകളുടേതാണ്​. സ്​റ്റാളുകൾ പ്രവർത്തിക്കുന്നത്​ കാരണം വിവിധ സർക്കാർ ഓഫിസുകളുടെ പ്രവർത്തനവും ഒരാഴ്ച താളം തെറ്റും. വിവിധ വകുപ്പുകളുടെ വാഹനങ്ങൾകൊണ്ട്​ സ്​റ്റേഡിയവും പരിസരവും നിറഞ്ഞിട്ടുണ്ട്​. പടം.. mail... കലക്​ടറേറ്റിൽ ജീവനക്കാർ ഇല്ലാതെ ഒഴിഞ്ഞുകിടക്കുന്ന കസേരകൾ