കാട്ടുപന്നി ശല്യം രൂക്ഷം; നിയന്ത്രണ നടപടികളിൽ മെ​ല്ലെപ്പോക്ക്

മു​ത​ല​മ​ട: കാ​ട്ടു​പ​ന്നി ശ​ല്യം നി​യ​ന്ത്രി​ക്കു​ന്ന​തി​നു​ള്ള ന​ട​പ​ടി​ക​ൾ ഇ​ഴ​യു​ന്നു. അ​തേ​സ​മ​യം, പ​ന്നി​ക്കൂ​ട്ടം നാ​ട്ടി​ൽ ഇ​റ​ങ്ങി​യ​തി​നെ തു​ട​ർ​ന്നു​ള്ള അ​പ​ക​ട​ങ്ങ​ൾ ആ​വ​ർ​ത്തി​ക്കു​ക​യാ​ണ്. ക​ഴി​ഞ്ഞ ഒ​രാ​ഴ്ച​യി​ൽ മാ​ത്രം നെ​ന്മാ​റ, കൊ​ല്ല​ങ്കോ​ട് മേ​ഖ​ല​യി​ൽ മാ​ത്രം കാ​ട്ടു​പ​ന്നി ഇ​രു​ച​ക്ര വാ​ഹ​ന​ത്തി​ലി​ടി​ച്ച് 14 അ​പ​ക​ട​ങ്ങ​ളി​ൽ 18 പേ​ർ​ക്ക് പ​രി​ക്കേ​റ്റു.

പൊ​ൽ​പ്പു​ള്ളി കൂ​ളി​മു​ട്ടം മാ​രി​യ​മ്മ​ൻ​കോ​വി​ലി​ന് സ​മീ​പ പ​ന്നി സ്കൂ​ട്ട​റി​നു കു​റു​കെ ചാ​ടി​യ​തി​നെ​ത്തു​ട​ർ​ന്ന് ട്ര​ഷ​റി ജീ​വ​നക്കാ​ര​നാ​യ മു​ത​ല​മ​ട ആ​ട്ട​യാ​മ്പ​തി കെ. ​ര​മേ​ഷി​ന് (39)പ​രി​ക്കേ​റ്റി​രു​ന്നു. തോ​ളെ​ല്ലി​ൽ മൂ​ന്നു​പൊ​ട്ട​ൽ ഉ​ണ്ടാ​യ​തി​നെ തു​ട​ർ​ന്ന് നെ​ന്മാ​റ​യി​ലെ സ്വ​കാ​ര്യ ആ​ശു​പ​ത്രി​യി​ൽ ശ​സ്ത്ര​ക്രി​യ ന​ട​ത്തി. പ​ട്ട​ഞ്ചേ​രി, കൊ​ല്ല​ങ്കോ​ട്, വ​ട​വ​ന്നൂ​ർ, കൊ​ടു​വാ​യൂ​ർ, മു​ത​ല​മ​ട എ​ന്നീ മേ​ഖ​ല​ക​ളി​ൽ ഒ​രാ​ഴ്ച​ക്കി​ടെ 13ല​ധി​കം അ​പ​ക​ട​ങ്ങ​ൾ പ​ന്നി​ക​ൾ കാ​ര​ണം സം​ഭ​വി​ച്ചി​ട്ടു​ണ്ട്.

നാ​ട്ടി​ൻ​പു​റ​ങ്ങ​ളി​ൽ വ​ർ​ധി​ച്ചു വ​രു​ന്ന പ​ന്നി​ക​ളെ നി​യ​ന്ത്രി​ക്കു​ന്ന​തി​ന് വ​നം വ​കു​പ്പ് പ​ഞ്ചാ​യ​ത്തു​ക​ളെ ചു​മ​ത​ല​പ്പെ​ടു​ത്തി​യതോ​ടെ കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കാ​ത്ത​താ​ണ് പ​ന്നി​ക​ളു​ടെ എ​ണ്ണം വ​ർ​ധി​ച്ച​തെ​ന്ന് ക​ർ​ഷ​ക​ർ പ​റ​ഞ്ഞു. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ ഫ​ണ്ടി​ല്ലെ​ന്ന പേ​രി​ൽ ഷൂ​ട്ട​ർ​മാ​ർ​ക്ക് വേ​ത​നം ന​ൽ​കു​ന്നി​ല്ലെ​ന്ന പ​രാ​തി വ്യാ​പ​ക​മാ​യി​ട്ടു​ണ്ട്. മ​നു​ഷ്യ വ​ന്യ​ജീ​വി സം​ഘ​ർ​ഷം കു​റ​ക്കു​ന്ന​തി​ന്റെ ഭാ​ഗ​മാ​യി സം​സ്ഥാ​ന ദു​ര​ന്ത​നി​വാ​ര​ണ നി​ധി​യി​ൽ നി​ന്ന് പ​ഞ്ചാ​യ​ത്തു​ക​ൾ​ക്ക് ഇ​തി​നാ​യി ഒ​രു ല​ക്ഷം രൂ​പ വ​രെ പ്ര​തി​വ​ർ​ഷം ചെല​വ​ഴി​ക്കാ​നു​ള്ള അ​നു​മ​തി​യും ന​ൽ​കി​യി​രു​ന്നു.

എ​ന്നാ​ൽ പ​ഞ്ചാ​യ​ത്തു​ക​ൾ ഫ​ണ്ട് ല​ഭ്യ​മാ​യി​ല്ലെ​ന്നും മ​റ്റും പ​റ​ഞ്ഞ് ക​ഴി​ഞ്ഞ നാ​ലു​വ​ർ​ഷ​മാ​യി ഷൂ​ട്ട​ർ​മാ​ർ​ക്ക് പ്ര​തി​ഫ​ലം ന​ൽ​കു ന്നി​ല്ല. ഇ​തോ​ടെ നാ​ട്ടി​ലി​റ​ങ്ങി കൃ​ഷി നാ​ശം വ​രു​ത്തു​ന്ന കാ​ട്ടു​പ​ന്നി​ക​ളെ നി​യ​​ന്ത്രി​ക്കാ​ൻ ക​ർ​ഷ​ക​ർ പി​രി​വെ​ടു​ത്ത് തു​ക സ​മാ​ഹ​രി​ച്ചാ​ണ് അം​ഗീ​കൃ​ത ഷൂ​ട്ട​ർ​മാ​ർ​ക്ക് വാ​ഹ​നം ഏ​ർ​പ്പാ​ടാ​ക്കി ന​ൽ​കു​ന്ന​ത്. സ​ർ​ക്കാ​ർ മാ​ന​ദ​ണ്ഡ പ്ര​കാ​രം ജ​ഡം സം​സ്ക​രി ക്കു​ന്ന​ത് ഈ ​നി​ല​യി​ലാ​ണ്. വ​നം വ​കു​പ്പി​ന്റെ പാ​ന​ലി​ൽ ഉ​ൾ​പ്പെ​ട്ട ഷൂ​ട്ട​ർ​മാ​ർ ഒ​രു പ​ഞ്ചാ​യ​ത്തി​ൽ അ​ഞ്ചു പേ​ർ വേ​ണ​മെ​ന്ന ക​ർ​ഷ​ക​രു​ടെ ആ​വ​ശ്യം ഉ​ണ്ടെ​ങ്കി​ലും ന​ട​പ്പാ​യി​ല്ല. ലൈ​സ​ൻ​സു​ള്ള തോ​ക്കു​ട​മ​ക​ളു​ടെ ക്ഷാ​മം പ​രി​ഹ​രി​ച്ചി​ട്ടു​മി​ല്ല. പ​ന്നി​ക​ളു​ടെ നി​യ​ന്ത്ര​ണം വ​നം വ​കു​പ്പ് ഏ​റ്റെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.