ഭ​വാ​നി പു​ഴ​യി​ൽ ര​ണ്ട് യു​വാ​ക്ക​ളെ കാ​ണാ​താ​യി

അ​ഗ​ളി: അ​വ​ധി ആ​ഘോ​ഷി​ക്കാ​ൻ ത​മി​ഴ്നാ​ട്ടി​ൽ​നി​ന്ന് അ​ട്ട​പ്പാ​ടി​യി​ലെ​ത്തി​യ പ​ത്ത് പേ​രി​ൽ ര​ണ്ടു​പേ​രെ കാ​ണാ​നി​ല്ല. അ​ഗ​ളി പ​ര​പ്പ​ൻ​ത​റ​യി​ൽ ഭ​വാ​നി പു​ഴ​യി​ൽ കു​ളി​ക്കാ​നി​റ​ങ്ങി​യ​താ​യി​രു​ന്നു ഇ​വ​ർ. ത​മി​ഴ്നാ​ട് തൂ​ത്തു​ക്കു​ടി കാ​യ​ൽ​പ​ട്ട​ണം സ്വ​ദേ​ശി ഭൂ​പ​തി രാ​ജ് (26), കോ​യ​മ്പ​ത്തൂ​ർ അ​ണ്ണൂ​ർ ഗ​ണേ​ശ​പു​രം സ്വ​ദേ​ശി പ്ര​ദീ​പ് രാ​ജ് (23) എ​ന്നി​വ​രെ​യാ​ണ് കാ​ണാ​താ​യ​ത്.

വെ​ള്ളി​യാ​ഴ്ച വൈ​കീ​ട്ട് നാ​ലോ​ടെ കോ​യ​മ്പ​ത്തൂ​ർ ഗ​ണേ​ശ​പു​ര​ത്തു​ള്ള സ്വ​കാ​ര്യ ക​മ്പ​നി​യി​ലെ ജീ​വ​ന​ക്കാ​രാ​യ പ​ത്തു​പേ​ര​ട​ങ്ങു​ന്ന സം​ഘം അ​ട്ട​പ്പാ​ടി​യി​ൽ അ​വ​ധി ആ​ഘോ​ഷി​ക്കാ​ൻ എ​ത്തി​യ​താ​യി​രു​ന്നു. സൈ​ല​ൻ​റ് വാ​ലി​യി​ലെ പു​ഴ​യു​ടെ വൃ​ഷ്ടി പ്ര​ദേ​ശ​ങ്ങ​ളി​ലെ ക​ന​ത്ത മ​ഴ കാ​ര​ണം പു​ഴ​യി​ൽ നീ​രൊ​ഴു​ക്ക് വ​ർ​ധി​ച്ചി​രു​ന്നു. ഇ​ത് അ​വ​ഗ​ണി​ച്ച് യു​വാ​ക്ക​ൾ പു​ഴ​യി​ൽ ഇ​റ​ങ്ങി​യ​താ​ണ് അ​പ​ക​ട കാ​ര​ണം.

അ​ഗ​ളി പൊ​ലീ​സും മ​ണ്ണാ​ർ​ക്കാ​ട് ഫ​യ​ർ ആ​ൻ​ഡ് റെ​സ്ക്യൂ സം​ഘ​വും സ്ക്യൂ​ബ ഡൈ​വി​ങ് സം​ഘ​വും ര​ണ്ട് ദി​വ​സ​ങ്ങ​ളി​ലാ​യി തി​ര​ച്ചി​ൽ ന​ട​ത്തി​യെ​ങ്കി​ലും ഇ​വ​രെ ക​ണ്ടെ​ത്താ​നാ​യി​ല്ല. ശ​ക്ത​മാ​യ നീ​രൊ​ഴു​ക്കും വ​ന​മേ​ഖ​ല​യി​ലെ ക​ന​ത്ത മ​ഴ​മൂ​ലം പു​ഴ​യി​ലു​ണ്ടാ​കു​ന്ന അ​ടി​യൊ​ഴു​ക്കും ഡാ​മി​ലെ സ്ലൂ​യി​സ് ഷ​ട്ട​റു​ക​ൾ ഉ​യ​ർ​ത്തു​ന്ന​ത് മൂ​ലം ജ​ല​നി​ര​പ്പി​ലു​ണ്ടാ​കു​ന്ന ഉ​യ​ർ​ച്ച​യും വെ​ള്ള​ത്തി​നു​ള്ളി​ലെ ക​ല​ക്ക​വും വെ​ളി​ച്ച​ക്കു​റ​വും തി​ര​ച്ചി​ലി​ന് ഭീ​ഷ​ണി​യാ​യി മാ​റു​ക​യാ​ണ്. ര​ക്ഷാ​പ്ര​വ​ർ​ത്ത​ന​ത്തി​നി​ടെ തി​ര​ച്ചി​ലി​നെ​ത്തി​ച്ച വാ​ട്ട​ർ ബോ​ട്ട് ഒ​ഴു​ക്കി​ൽ​പെ​ട്ട് മ​റ​ഞ്ഞ​തും തി​രി​ച്ച​ടി​യാ​യി. പു​ഴ​യി​ൽ ര​ണ്ട് പേ​രെ കാ​ണാ​താ​യ​ത് അ​റി​ഞ്ഞി​ട്ടും പു​ഴ​യി​ലി​റ​ങ്ങു​ന്ന സ​ഞ്ചാ​രി​ക​ൾ​ക്ക് കു​റ​വു​ണ്ടാ​യി​ല്ല. പൊ​ലീ​സ് എ​ത്തി​യ ശേ​ഷ​മാ​ണ് ഇ​വ​രെ പു​ഴ​യി​ൽ​നി​ന്ന് മാ​റ്റി​യ​ത്.