ഭക്ഷണത്തിൽ പാളംതെറ്റുന്ന റെയിൽവേ; ട്രെയിനുകളിൽ ഭക്ഷണം ഇങ്ങനെ മതിയോ​?

പാ​ല​ക്കാ​ട്: ട്രെ​യി​നു​ക​ളി​ൽ ഭ​ക്ഷ​ണം വി​ത​ര​ണം ചെ​യ്യു​ന്ന​ത് വൃ​ത്തി​ഹീ​ന​മാ​യെ​ന്ന്​ ആ​ക്ഷേ​പം. ഏ​റെ തി​ര​ക്കു​ള്ള ജ​ന​റ​ൽ കോ​ച്ചു​ക​ളി​ൽ​പോ​ലും തു​റ​ന്നു​വെ​ച്ച ഭ​ക്ഷ​ണ​സാ​ധ​ന​ങ്ങ​ളു​മാ​യി കൈ​യു​റ ധ​രി​ക്കാ​തെ വി​ത​ര​ണ​ത്തി​നെ​ത്തു​ന്ന​ത്​ പ​തി​വ്​ കാ​ഴ്​​ച​യാ​ണ്. അ​ഴു​ക്കു​പു​ര​ണ്ട ഏ​പ്ര​ണു​ക​ളും മു​ഷി​ഞ്ഞ വ​സ്ത്ര​വു​മൊ​ക്കെ​യാ​യി വൃ​ത്തി​ഹീ​ന​മാ​യ രീ​തി​യി​ൽ ഭ​ക്ഷ​ണം വി​ത​ര​ണം ചെ​യ്യു​ന്ന​ത്​ സാം​ക്ര​മി​ക രോ​ഗ​ങ്ങ​ൾ വ്യാ​പി​ക്കാ​ന​ട​ക്കം കാ​ര​ണ​മാ​കു​മെ​ന്നി​രി​ക്കെ അ​ധി​കൃ​ത​ർ അ​നാ​സ്ഥ തു​ട​രു​ക​യാ​ണെ​ന്ന്​ യാ​ത്ര​ക്കാ​ർ പ​റ​യു​ന്നു.

ട്രെ​യി​നു​ക​ളി​ൽ വി​ത​ര​ണ​ത്തി​നെ​ത്തി​ക്കു​ന്ന ഭ​ക്ഷ​ണ​ത്തി​ന്‍റെ അ​ള​വ്​ സം​ബ​ന്ധി​ച്ചും അ​മി​ത​വി​ല ഈ​ടാ​ക്കു​ന്ന​ത്​ സം​ബ​ന്ധി​ച്ചും പ​രാ​തി​ക​ളു​ണ്ട്. റെ​യി​ൽ​വേ​യി​ൽ ആ​രോ​ഗ്യ​വി​ഭാ​ഗ​വും ഓ​രോ ഡി​വി​ഷ​നി​ലും അ​മ്പ​തോ​ളം ഹെ​ൽ​ത്ത് ഇ​ൻ​സ്പെ​ക്ട​ർ​മാ​രു​മു​ണ്ട്. ഇ​വ​ർ​ക്കാ​ണ്​ റെ​യി​ൽ​വേ സ്റ്റേ​ഷ​നി​ലെ​യും ട്രെ​യി​നു​ക​ളി​ലെ​യും ഭ​ക്ഷ​ണ​സാ​ധ​ന​ങ്ങ​ളു​ടെ ഗു​ണ​നി​ല​വാ​രം ഉ​റ​പ്പാ​ക്കാ​നു​ള്ള ചു​മ​ത​ല. എ​ന്നാ​ൽ, റെ​യി​ൽ​വെ സ്റ്റേ​ഷ​നു​ക​ളി​ലും ട്രെ​യി​നു​ക​ളി​ലും ഗു​ണ​നി​ല​വാ​രം പ​രി​ശോ​ധി​ക്ക​പ്പെ​ടാ​റി​ല്ല. പ​തി​നാ​യി​ര​ക്ക​ണ​ക്കി​ന് യാ​ത്ര​ക്കാ​ർ ആ​ശ്ര​യി​ക്കു​ന്ന റെ​യി​ൽ​വേ​യി​ൽ ഭ​ക്ഷ്യ​സു​ര​ക്ഷ സ്ക്വാ​ഡു​പോ​ലു​മി​ല്ല.

യാ​ത്ര​ക്കാ​ര്‍ പ​രാ​തി​ക​ളു​മാ​യി എ​ത്താ​നു​ള്ള സാ​ധ്യ​ത കു​റ​വാ​ണെ​ന്ന​ത് പ​ല​പ്പോ​ഴും ഇ​ത്ത​ര​ക്കാ​ർ​ക്ക്​ സൗ​ക​ര്യ​മാ​വു​ന്നു. ഭ​ക്ഷ്യ​വി​ഷ​ബാ​ധ റി​പ്പോ​ര്‍ട്ട് ചെ​യ്യ​പ്പെ​ട്ടാ​ല്‍ റെ​യി​ല്‍വേ​യു​ടെ ഭ​ക്ഷ്യ​സു​ര​ക്ഷ ഓ​ഫി​സ​റു​ടെ പ​രി​ശോ​ധ​ന​യ്ക്ക​പ്പു​റം മി​ക്ക​യി​ട​ത്തും ഒ​ന്നും ഉ​ണ്ടാ​കു​ന്നി​ല്ലെ​ന്നും പ​രാ​തി​യു​ണ്ട്. കേ​ര​ള, മം​ഗ​ള, നേ​ത്രാ​വ​തി, ശ​ബ​രി, ആ​ല​പ്പു​ഴ-​ധ​ൻ​ബാ​ദ് തു​ട​ങ്ങി​യ ദീ​ർ​ഘ​ദൂ​ര എ​ക്സ​പ്ര​സ് ട്രെ​യി​നു​ക​ളി​ൽ പാ​ൻ​ട്രി കാ​ർ പ്ര​വ​ർ​ത്തി​ക്കു​ന്നു​ണ്ട്. മേ​യി​ലാ​ണ് ഒ​മ്പ​ത് കൂ​ട്ടി​ക​ള​ട​ക്കം 11 പേ​ർ​ക്ക് ട്രെ​യി​ൻ യാ​ത്ര​ക്കി​ട​യി​ൽ ഭ​ക്ഷ്യ​വി​ഷ​ബാ​ധ​യേ​റ്റ​ത്.