പത്തിരിപ്പാല: മൗണ്ട് സീന സ്കൂളിന് സമീപത്ത് ബിവറേജസ് കോർപറേഷന്റെ വെയർഹൗസ് തുടങ്ങാനുള്ള നീക്കത്തിനെതിരെ വെൽഫെയർ പാർട്ടി പ്രതിഷേധവുമായി രംഗത്ത്. ഇതു സംബന്ധിച്ച് കഴിഞ്ഞ ദിവസം പ്രാഥമിക പരിശോധനക്കെത്തിയ ബിവറേജസ് കോർപ്പറേഷൻ ജനറൽ മാനേജരെയും സംഘത്തേയും വെൽഫെയർ പാർട്ടി നേതാക്കൾ നേരിൽ കണ്ട് പ്രതിഷേധമറിയിച്ചു. മൗണ്ട് സീന സ്കൂൾ, പള്ളി എന്നി സ്ഥാപനങ്ങളുടെ സമീപമാണെന്നും വെയർ ഹൗസ് ഇവിടെ തുടങ്ങാനുള്ള നീക്കത്തിൽനിന്ന് പിന്മാറണമെന്നും നേതാക്കൾ ജനറൽ മാനേജറോട് അഭ്യർഥിച്ചു. നടപടിയുമായി മുന്നോട്ട് പോയാൽ ശക്തമായ സമരവുമായി വെൽഫെയർ പാർട്ടി മുന്നോട്ട് പോകുമെന്നും നേതാക്കൾ അറിയിച്ചു. ഒറ്റപ്പാലം മണ്ഡലം പ്രസിഡന്റ് ഫൈസൽ അമ്പലപാറ, സെക്രട്ടറി ഉമർ ഫാറൂക്, അനസ് സക്കീർ, ജാഫർ പത്തിരിപ്പാല, സക്കീർ ഹുസ്സൈൻ, മുജീബുറഹിമാൻ എന്നിവരുടെ നേതൃത്വത്തിലാണ് പ്രതിഷേധം അറിയിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.