അ​ടി​മു​ടി മാ​റ്റ​വു​മാ​യി ഒ​റ്റ​പ്പാ​ലം റെ​യി​ൽ​വേ സ്റ്റേ​ഷ​ൻ

ഒ​റ്റ​പ്പാ​ലം: ഒ​റ്റ​പ്പാ​ലം റെ​യി​ൽ​വേ സ്റ്റേ​ഷ​നി​ൽ ന​വീ​ക​ര​ണ പ്ര​വൃ​ത്തി​ക​ൾ അ​ന്തി​മ​ഘ​ട്ട​ത്തി​ൽ. അ​ടി​സ്ഥാ​ന സൗ​ക​ര്യ വി​ക​സ​ന​വും സൗ​ന്ദ​ര്യ​വ​ത്ക​ര​ണ​വും പൂ​ർ​ണ​ത​യി​ലെ​ത്തു​ന്ന​തോ​ടെ റെ​യി​ൽ​വേ സ്റ്റേ​ഷ​ന്റെ മു​ഖ​ച്ഛാ​യ മാ​റും. അ​മൃ​ത് ഭാ​ര​ത് പ​ദ്ധ​തി​യി​ൽ അ​നു​വ​ദി​ച്ച 10.76 കോ​ടി രൂ​പ ചെ​ല​വി​ട്ടു​ള്ള പ്ര​വൃ​ത്തി​ക​ളാ​ണ് ന​ട​ക്കു​ന്ന​ത്.

2023 ന​വം​ബ​റി​ൽ ആ​രം​ഭി​ച്ച് 2024 ഫെ​ബ്രു​വ​രി​യി​ൽ പൂ​ർ​ത്തി​യാ​ക്കാ​ൻ ല​ക്ഷ്യ​മി​ട്ട പ​ദ്ധ​തി​യാ​ണി​ത്. നി​ർ​മാ​ണ പ്ര​വൃ​ത്തി​ക​ൾ എ​ങ്ങു​മെ​ത്താ​ത്ത​തി​നെ തു​ട​ർ​ന്ന് കാ​ലാ​വ​ധി നീ​ട്ടി​ന​ൽ​കു​ക​യാ​യി​രു​ന്നു.

പ്ര​വേ​ശ​ന​ക​വാ​ടം മോ​ടി​പി​ടി​പ്പി​ക്ക​ൽ, പ്ലാ​റ്റ്‌​ഫോ​മു​ക​ളി​ലെ മേ​ൽ​ക്കൂ​ര നി​ർ​മാ​ണം, പാ​ർ​ക്കി​ങ് കേ​ന്ദ്ര​ങ്ങ​ൾ യാ​ഥാ​ർ​ഥ്യ​മാ​ക്ക​ൽ, റോ​ഡ് ന​വീ​ക​ര​ണം, ആ​ധു​നി​ക ശൗ​ച്യാ​ല​യ​ങ്ങ​ളോ​ടു​കൂ​ടി​യ പു​രു​ഷ-​വ​നി​ത കാ​ത്തി​രി​പ്പു​മു​റി​ക​ൾ, മെ​ച്ച​പ്പെ​ട്ട ലൈ​റ്റി​ങ് സം​വി​ധാ​നം, യാ​ത്ര​ക്കാ​ർ​ക്ക് വി​വ​ര​ങ്ങ​ൾ അ​റി​യാ​നു​ള്ള സം​വി​ധാ​നം, കു​ടി​വെ​ള്ള സം​വി​ധാ​നം തു​ട​ങ്ങി​യ​വ ഉ​ൾ​പ്പെ​ട്ട​താ​ണ് പ​ദ്ധ​തി. നേ​ര​ത്തെ​യു​ണ്ടാ​യി​രു​ന്ന പാ​ർ​ക്കി​ങ് കേ​ന്ദ്രം വി​പു​ലീ​ക​രി​ക്കു​ക​യും ര​ണ്ട്‍ പു​തി​യ കേ​ന്ദ്ര​ങ്ങ​ൾ കൂ​ടി നി​ർ​മി​ക്കു​ക​യും ചെ​യ്തു. ഇ​വി​ട​ങ്ങ​ളി​ൽ നി​ലം ഇ​ന്റ​ർ​ലോ​ക്ക് ചെ​യ്തും വി​ള​ക്കു​ക​ൾ സ്ഥാ​പി​ച്ചും മ​നോ​ഹ​ര​മാ​ക്കി.

ഒ​ന്നാം ന​മ്പ​ർ പ്ലാ​റ്റ് ഫോം ​ന​വീ​ക​രി​ക്കു​ക​യും മേ​ൽ​ക്കൂ​ര സ്ഥാ​പി​ക്കു​ക​യും ചെ​യ്തു. ഇ​രി​പ്പി​ട​ങ്ങ​ളും ഫാ​നു​ക​ളും പു​തി​യ​വ സ്ഥാ​പി​ച്ചു. സ്റ്റേ​ഷ​നി​ൽ ശീ​തി​ക​രി​ച്ച കാ​ത്തി​രി​പ്പു​കേ​ന്ദ്രം സ​ജ്ജീ​ക​രി​ച്ചു. ടി​ക്ക​റ്റ് കൗ​ണ്ട​റു​ക​ൾ ന​വീ​ന​രീ​തി​യി​ലാ​ക്കി.

സ്റ്റേ​ഷ​ൻ പ്ര​വേ​ശ​ന ക​വാ​ട​ത്തി​ന് പു​തി​യ മു​ഖ​മാ​യി. ഒ​റ്റ​പ്പാ​ലം സ്റ്റേ​ഷ​നോ​ട് റെ​യി​ൽ​വേ​യു​ടെ അ​വ​ഗ​ണ​ന​ക​ളെ​ക്കു​റി​ച്ച് നി​ര​ന്ത​രം പ​രാ​തി​ക​ൾ പ​തി​വാ​ണ്. അ​ടി​സ്ഥാ​ന സൗ​ക​ര്യ​ക്കു​റ​വും ദീ​ർ​ഘ​ദൂ​ര ട്രെ​യി​നു​ക​ൾ​ക്ക് സ്റ്റോ​പ്പി​ല്ലാ​ത്ത​തു​മാ​ണ് മു​ഖ്യ പ​രാ​തി. സ്റ്റേ​ഷ​ൻ ന​വീ​ക​ര​ണ​ത്തോ​ടെ പ​രാ​തി​ക​ൾ​ക്ക് ത​ൽ​ക്കാ​ല​ത്തേ​ക്ക് അ​റു​തി​യാ​കും.