ഒ​റ്റ​പ്പാ​ലം ന​ഗ​ര​സ​ഭ ബ​സ് സ്റ്റാ​ൻ​ഡ് കോ​ൺ​ക്രീ​റ്റ് വീ​ണ്ടും അ​ട​ർ​ന്നു​വീ​ണു

ഒ​റ്റ​പ്പാ​ലം: പൊ​ളി​ക്കു​ന്ന​തി​നെ​തി​രെ വ്യാ​പാ​രി​ക​ൾ കോ​ട​തി​യെ സ​മീ​പി​ച്ച ന​ഗ​ര​സ​ഭ ബ​സ് സ്റ്റാ​ൻ​ഡ് കെ​ട്ടി​ട​ത്തി​ൽ​നി​ന്ന് വീ​ണ്ടും കോ​ൺ​ക്രീ​റ്റ് അ​ട​ർ​ന്നു​വീ​ണു. ത​ല​നാ​രി​ഴ​ക്കാ​ണ് അ​പ​ക​ടം വ​ഴി​മാ​റി​യ​ത്. ക​ഴി​ഞ്ഞ ദി​വ​സം പു​ല​ർ​ച്ചെ​യാ​ണ് സ്റ്റാ​ൻ​ഡി​ൽ​നി​ന്ന് ബ​സു​ക​ൾ പു​റ​ത്തേ​ക്ക് പോ​കു​ന്ന ഭാ​ഗ​ത്തെ സീ​ലി​ങ്ങി​ൽ​നി​ന്ന് കോ​ൺ​ക്രീ​റ്റ് അ​ട​ർ​ന്ന് നി​ലം​പൊ​ത്തി​യ​ത്. ബ​സ് ക​വാ​ടം വി​ട്ട ഉ​ട​നെ​യാ​ണ് കോ​ൺ​ക്രീ​റ്റ് അ​ട​ർ​ന്നു വീ​ണ​ത്.

അ​ര നൂ​റ്റാ​ണ്ട് പ​ഴ​ക്ക​മു​ള്ള കെ​ട്ടി​ട​ത്തി​ന് ബ​ല​ക്ഷ​യം പ്ര​ക​ട​മാ​ണ്. നി​ര​വ​ധി ത​വ​ണ കെ​ട്ടി​ട​ത്തി​ൽ നി​ന്നും കോ​ൺ​ക്രീ​റ്റ് അ​ട​ർ​ന്ന് വീ​ഴു​ക​യും ഒ​ന്നു​ര​ണ്ട് സ​ന്ദ​ർ​ഭ​ങ്ങ​ളി​ൽ ആ​ളു​ക​ൾ​ക്ക് പ​രി​ക്കേ​ൽ​ക്കു​ക​യും ചെ​യ്‌​ത​താ​ണ്. കാ​ല​പ്പ​ഴ​ക്കം നേ​രി​ട്ട കെ​ട്ടി​ടം പൊ​ളി​ച്ച് പു​തി​യ​ത് നി​ർ​മി​ക്കു​ന്ന​തി​ന്റെ ഭാ​ഗ​മാ​യി വ്യാ​പാ​രി​ക​ൾ​ക്ക് ക​ഴി​ഞ്ഞ ദി​വ​സം ഒ​ഴി​യാ​ൻ ആ​വ​ശ്യ​പ്പെ​ട്ട് ന​ഗ​ര​സ​ഭ ര​ണ്ടാം ത​വ​ണ​യും നോ​ട്ടീ​സ് ന​ൽ​കി​യി​രു​ന്നു. ഇ​തി​നെ​തി​രെ വ്യാ​പാ​രി​ക​ൾ ഹൈ​കോ​ട​തി​യെ സ​മീ​പി​ച്ചി​രു​ന്നു. ഇ​തേ​തു​ട​ർ​ന്ന് ജ​നു​വ​രി 10 വ​രെ പൊ​ളി​ക്ക​ൽ ന​ട​പ​ടി​ക​ൾ നി​ർ​ത്തി​വെ​ക്കാ​നാ​ണ് കോ​ട​തി ഉ​ത്ത​ര​വി​ട്ട​ത്.

ന​ഗ​ര​സ​ഭ നി​യോ​ഗി​ച്ച അ​ഭി​ഭാ​ഷ​ക​ൻ വി​ശ​ദ രേ​ഖ​ക​ൾ സ​മ​ർ​പ്പി​ക്കാ​ൻ സ​മ​യം ആ​വ​ശ്യ​പ്പെ​ട്ട​തി​നെ തു​ട​ർ​ന്നാ​ണ് കോ​ട​തി​യു​ടെ ഉ​ത്ത​ര​വ്. സ​ഹ​ക​ര​ണ ബാ​ങ്ക് ഉ​ൾ​പ്പെ​ടെ 33 വ്യാ​പാ​ര​സ്ഥാ​പ​ന​ങ്ങ​ളു​ള്ള​തി​ൽ 17 ക​ട​മു​റി ഉ​ട​മ​ക​ളാ​ണ് കെ​ട്ടി​ടം പൊ​ളി​ക്കു​ന്ന​തി​നെ​തി​രെ കോ​ട​തി​യെ സ​മീ​പി​ച്ച​ത്. കെ​ട്ടി​ടം പൊ​ളി​ക്ക​രു​തെ​ന്ന ആ​വ​ശ്യ​വു​മാ​യി വ്യാ​പാ​രി​ക​ൾ കോ​ട​തി​യെ സ​മീ​പി​ച്ച സാ​ഹ​ച​ര്യ​ത്തി​ൽ അ​ന്തി​മ ഉ​ത്ത​ര​വ് ഉ​ണ്ടാ​കു​ന്ന​ത് വ​രെ ന​ട​പ​ടി​ക​ൾ തു​ട​രാ​നും ക​ഴി​യാ​ത്ത അ​വ​സ്ഥ​യാ​ണ്. കാ​ല​പ്പ​ഴ​ക്കം ചെ​ന്ന കെ​ട്ടി​ടം പൊ​ളി​ക്ക​ണ​മെ​ന്ന ആ​വ​ശ്യ​മു​യ​ർ​ന്നു തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. ഒ​ടു​വി​ൽ ന​ഗ​ര​സ​ഭ നി​യോ​ഗി​ച്ച തൃ​ശൂ​ർ എ​ൻ​ജി​നീ​യ​റി​ങ് കോ​ള​ജി​ലെ വി​ദ​ഗ്‌​ധ സം​ഘം ന​ട​ത്തി​യ പ​രി​ശോ​ധ​ന​യി​ലും ബ​ല​ക്ഷ​യം സ്ഥി​രീ​ക​രി​ക്കു​ന്ന റി​പ്പോ​ർ​ട്ടാ​ണ് ന​ൽ​കി​യ​ത്.

ഇ​തി​ന്റെ കൂ​ടി അ​ടി​സ്ഥാ​ന​ത്തി​ലാ​യി​രു​ന്നു കെ​ട്ടി​ടം പൊ​ളി​ക്കാ​നും പു​തി​യ​ത് നി​ർ​മി​ക്കാ​നു​മു​ള്ള തീ​രു​മാ​നം. നാ​ഷ​ന​ൽ ട്രാ​ൻ​സ്‌​പോ​ർ​ട്ടേ​ഷ​ൻ പ്ലാ​നി​ങ് ആ​ൻ​ഡ് റി​സ​ർ​ച് സെ​ന്റ​ർ (നാ​റ്റ് പാ​ക്) സം​ഘം നേ​ര​ത്തെ ന​ട​ത്തി​യ പ​രി​ശോ​ധ​ന​യി​ൽ കെ​ട്ടി​ട​ത്തി​ന്റെ ഇ​ടു​ങ്ങി​യ ക​വാ​ട​ങ്ങ​ൾ മൂ​ല​മു​ള്ള അ​പ​ക​ട സാ​ധ്യ​ത ഉ​ൾ​പ്പ​ടെ എ​ടു​ത്തു​പ​റ​ഞ്ഞി​രു​ന്ന​തു​മാ​ണ്. പാ​ല​ക്കാ​ട്-​കു​ള​പ്പു​ള്ളി പാ​ത​യി​ൽ ഒ​റ്റ​പ്പാ​ലം ന​ഗ​ര​മ​ധ്യ​ത്തി​ലാ​ണ് ന​ഗ​ര​സ​ഭ​യു​ടെ പ​ഴ​യ ബ​സ് സ്റ്റാ​ൻ​ഡ് കെ​ട്ടി​ടം.