ദേ​ശീ​യ​പാ​ത​യി​ൽ അ​ടി​സ്ഥാ​ന സൗ​ക​ര്യ​ങ്ങ​ളി​ല്ല; ശ​ബ​രി​മ​ല തീ​ർ​ഥാ​ട​ക​ർ വ​ല​യു​ന്നു

പാ​ല​ക്കാ​ട്: ശ​ബ​രി​മ​ല തീ​ർ​ഥാ​ട​നം ആ​രം​ഭി​ച്ച​തോ​ടെ ദേ​ശീ​യ​പാ​ത 544 ൽ ​തി​ര​ക്ക് വ​ർ​ധി​ച്ചു. ഇ​ത​ര സം​സ്ഥാ​ന​ങ്ങ​ളി​ൽ നി​ന്നു​ള്ള തീ​ർ​ഥാ​ട​ക​ർ കൂ​ടു​ത​ലും എ​ത്തു​ന്ന​ത് വാ​ള​യാ​റി​ലൂ​ടെ​യാ​ണ്. ദി​നം​പ്ര​തി നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് അ​തി​ർ​ത്തി ക​ട​ന്ന് ശ​ബ​രി​മ​ല​യി​ലേ​ക്കും, തി​രി​കെ​യും പോ​കു​ന്ന​ത്. ഇ​ത്ത​രം യാ​ത്ര​ക്കാ​ർ​ക്ക് പൊ​തു​വി​ശ്ര​മ കേ​ന്ദ്ര​ങ്ങ​ളോ ശൗ​ചാ​ല​യ​ങ്ങ​ളോ ഇ​ല്ല.

ദേ​ശീ​യ​പാ​ത വി​ക​സ​ന​ത്തി​ന് മു​മ്പ് പാ​ത​ക്ക് ഇ​രു​വ​ശ​വും ത​ണ​ൽ​മ​ര​ങ്ങ​ൾ ഉ​ണ്ടാ​യി​രു​ന്നു. ഇ​വി​ട​ങ്ങ​ളി​ലാ​യി​രു​ന്നു ഭ​ക്ഷ​ണം പാ​കം ചെ​യ്യ​ലും വി​ശ്ര​മ​വും. പാ​ത വി​ക​സ​ന​ത്തി​ന്റെ ഭാ​ഗ​മാ​യി മ​ര​ങ്ങ​ൾ മു​റി​ച്ചു​മാ​റ്റി.

ശൗ​ചാ​ല​യ​ങ്ങ​ൾ ഇ​ല്ലാ​ത്ത​തി​നാ​ൽ പൊ​തു​നി​ര​ത്തു​ക​ളി​ൽ പ്രാ​ഥ​മി​ക ആ​വ​ശ്യ​ങ്ങ​ൾ ന​ട​ത്താ​ൻ നി​ർ​ബ​ന്ധി​ക്ക​പ്പെ​ടു​ന്ന സാ​ഹ​ച​ര്യ​മാ​ണു​ള്ള​ത്. ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി പ്ര​ധാ​ന ക​വ​ല​ക​ളി​ൽ ശൗ​ചാ​ല​യ​വും, വി​ശ്ര​മ​കേ​ന്ദ്ര​ങ്ങ​ളും വേ​ണ​മെ​ന്ന യാ​ത്ര​ക്കാ​രു​ടെ ദീ​ർ​ഘ​നാ​ള​ത്തെ ആ​വ​ശ്യം അ​ധി​കൃ​ത​ർ ത​ള്ളി​ക്ക​ള​യു​ക​യാ​ണ്. അ​പ​ക​ട​ങ്ങ​ൾ വ​ർ​ധി​ച്ച​തി​നെ​തു​ട​ർ​ന്ന് ദേ​ശീ​യ​പാ​ത​യി​ൽ ദീ​ർ​ഘ​ദൂ​ര വാ​ഹ​ന​ങ്ങ​ളി​ലെ ഡ്രൈ​വ​ർ​മാ​ർ​ക്ക് വി​ശ്ര​മ​കേ​ന്ദ്ര​ങ്ങ​ൾ ഒ​രു​ക്കു​മെ​ന്ന് അ​ധി​കൃ​ത​ർ പ​റ​ഞ്ഞെ​ങ്കി​ലും എ​ങ്ങു​മെ​ത്തി​യി​ട്ടി​ല്ല.