പിടിയിലായ അഫ്സൽ എക്സൈസ് സംഘത്തിനൊപ്പം
പാലക്കാട്: കെ.എസ്.ആർ.ടി.സി ബസിൽ കടത്തിക്കൊണ്ടുവരുകയായിരുന്ന 4.120 കിലോഗ്രാം കഞ്ചാവുമായി കോട്ടയം സ്വദേശി പിടിയിൽ. കോട്ടയം പനച്ചിക്കാട് വില്ലേജിൽ പൂവതത്തുരുത്ത് ദേശത്ത് പുത്തൻപറമ്പിൽ വീട്ടിൽ അഫ്സലിനെ (19) ആണ് ചൊവ്വാഴ്ച വാളയാർ എക്സൈസ് ചെക്ക്പോസ്റ്റിൽ നടത്തിയ വാഹനപരിശോധനക്കിടെ പിടികൂടിയത്. കോയമ്പത്തൂർ-തൃശൂർ റൂട്ടിൽ ഓടുന്ന കെ.എസ്.ആർ.ടി.സി ബസിലെ യാത്രക്കാരനായിരുന്നു.
എക്സൈസ് സർക്കിൾ ഇൻസ്പെക്ടർ പി. രമേഷിന്റെ നിർദേശാനുസരണം ചെക്ക്പോസ്റ്റിലെ എക്സൈസ് ഇൻസ്പെക്ടർ പ്രേമാനന്ദകുമാറും സംഘവും നടത്തിയ വാഹനപരിശോധനയിലാണ് പ്രതിയെ പിടികൂടിയത്. അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് മനോഹരൻ, ഷിബുകുമാർ, ഗ്രേഡ് പ്രിവന്റിവ് ഓഫിസറായ സജീഷ്, സിവിൽ എക്സൈസ് ഓഫിസറായ അരുൺ, സുബിൻ, അശ്വന്ത്, വുമൺ സിവിൽ എക്സൈസ് ഓഫിസർ രഞ്ജിനി എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.