പാലക്കാട്ടെ യുവാക്കളുടെ മരണം; ഷോ​ക്കേ​റ്റ​ത് കാ​ട്ടു​പ​ന്നി​ക്കാ​യി ഒ​രു​ക്കി​യ കെ​ണി​യി​ൽ​നി​ന്ന്

പാ​ല​ക്കാ​ട്: ക​രി​ങ്ക​ര​പ്പു​ള്ളി​യി​ലെ വ​യ​ലി​ൽ കു​ഴി​ച്ചി​ട്ട നി​ല​യി​ൽ ക​ണ്ടെ​ത്തി​യ ര​ണ്ട് യു​വാ​ക്ക​ൾ മ​രി​ച്ച​ത് ഷോ​​ക്കേ​റ്റ​തി​നെ​ത്തു​ട​ർ​ന്നാ​ണെ​ന്ന് പോ​സ്റ്റ്മോ​ർ​ട്ട​ത്തി​ൽ തെ​ളി​ഞ്ഞു. സ്ഥ​ല​മു​ട​മ പ​ന്നി​ക്കാ​യി ഒ​രു​ക്കി​യ വൈ​ദ്യു​ത​ക്കെ​ണി​യി​ൽ​പ്പെ​ട്ടാ​ണ് പു​തു​ശ്ശേ​രി കാ​ളാ​ണ്ടി​ത്ത​റ​യി​ൽ സ​തീ​ഷ് (22), കൊ​ട്ടേ​ക്കാ​ട് കാ​ര​ക്കോ​ട്ടു​പു​ര തെ​ക്കേം​കു​ന്നം ഷി​ജി​ത്ത് (22) എ​ന്നി​വ​ർ മ​രി​ച്ച​ത്. സ്ഥ​ല​മു​ട​മ ആ​ന​ന്ദ് കു​മാ​റി​നെ (46) അ​റ​സ്റ്റ് ചെ​യ്തു. വ​യ​ർ കീ​റി​യ ശേ​ഷം മൃ​ത​ദേ​ഹ​ങ്ങ​ൾ പാ​ട​ത്ത് കു​ഴി​യെ​ടു​ത്ത് കു​ഴി​ച്ചി​ട്ട​ത് ഇ​യാ​ളാ​ണെ​ന്ന് പാ​ല​ക്കാ​ട് ജി​ല്ല പൊ​ലീ​സ് സൂ​പ്ര​ണ്ട് ആ​ർ. ആ​ന​ന്ദ് പ​റ​ഞ്ഞു.

അ​ടി​പി​ടി​ക്കേ​സി​ലു​ൾ​പ്പെ​ട്ട സ​തീ​ഷ്‌, ഷി​ജി​ത്ത്‌, അ​ഭി​ൻ, അ​ജി​ത്ത് എ​ന്നി​വ​രെ​ത്തേ​ടി തി​ങ്ക​ളാ​ഴ്ച പു​ല​ർ​ച്ചെ ക​സ​ബ പൊ​ലീ​സ്‌ പ്ര​ദേ​ശ​ത്തെ​ത്തി​യി​രു​ന്നു. പൊ​ലീ​സ്‌ വാ​ഹ​നം ക​ണ്ട​തോ​ടെ സ​തീ​ഷും ഷി​ജി​ത്തും പാ​ട​ത്തേ​ക്ക് ഓ​ടി. പി​റ്റേ​ന്ന് ക​സ​ബ സ്റ്റേ​ഷ​നി​ൽ കീ​ഴ​ട​ങ്ങി​യ മ​റ്റ് ര​ണ്ട് പേ​ർ സ​തീ​ഷി​നെ​യും ഷി​ജി​ത്തി​നെ​യും കാ​ണാ​നി​ല്ലെ​ന്ന് പ​രാ​തി​പ്പെ​ട്ടു. ഇ​വ​രെ പൊ​ലീ​സ് അ​ന്വേ​ഷി​ക്കു​ന്ന​തി​നി​ടെ​യാ​ണ് ചൊ​വ്വാ​ഴ്ച വൈ​കീ​ട്ട് അ​മ്പ​ല​പ്പ​റ​മ്പ് പാ​ൽ​നീ​രി കോ​ള​നി​ക്ക് സ​മീ​പ​ത്തെ പാ​ട​ത്ത് മൃ​ത​ദേ​ഹ​ങ്ങ​ൾ കു​ഴി​ച്ചി​ട്ട നി​ല​യി​ൽ ക​ണ്ടെ​ത്തി​യ​ത്. ബു​ധ​നാ​ഴ്ച രാ​വി​ലെ​യാ​ണ് മൃ​ത​ദേ​ഹ​ങ്ങ​ൾ പു​റ​​ത്തെ​ടു​ത്ത​ത്. ഒ​രാ​ളു​ടെ കാ​ലി​ന് മു​ക​ളി​ൽ മ​റ്റൊ​രാ​ളു​ടെ ത​ല വ​രു​ന്ന രീ​തി​യി​ൽ ഒ​ന്നി​ന് മു​ക​ളി​ൽ ഒ​ന്നാ​യാ​ണ് മൃ​ത​ദേ​ഹ​ങ്ങ​ൾ കി​ട​ന്നി​രു​ന്ന​ത്. വ​സ്ത്രം ഉ​ണ്ടാ​യി​രു​ന്നി​ല്ല.

കാ​ട്ടു​പ​ന്നി ശ​ല്യം​ത​ട​യാ​ൻ താ​ൻ സ്ഥാ​പി​ച്ച വൈ​ദ്യു​ത​ക്കെ​ണി​യി​ൽ​പ്പെ​ട്ടാ​ണ് യു​വാ​ക്ക​ൾ മ​രി​ച്ച​തെ​ന്നും പ​രി​ഭ്രാ​ന്തി​യി​ൽ കു​ഴി​ച്ചി​ട്ട​താ​ണെ​ന്നും സ്ഥ​ല​മു​ട​മ ആ​ന​ന്ദ്കു​മാ​ർ മൊ​ഴി ന​ൽ​കി. സ്ഥ​ല​മു​ട​മ പാ​ട​ത്ത് കു​ഴി​യെ​ടു​ക്കു​ന്ന​ത് ക​ണ്ട​താ​യി സ​മീ​പ​വാ​സി​ക​ളും മൊ​ഴി ന​ൽ​കി. ച​തു​പ്പി​ൽ കു​ഴി​ച്ചു​മൂ​ടി​യ മൃ​ത​ദേ​ഹ​ങ്ങ​ൾ പൊ​ങ്ങി​വ​രാ​തി​രി​ക്കാ​നാ​ണ് ക​ത്തി​കൊ​ണ്ട് വ​യ​ർ കീ​റി​യ​​ത​ത്രെ. യു​വാ​ക്ക​ളു​ടെ വ​സ്ത്ര​ങ്ങ​ൾ അ​ഴി​ച്ചെ​ടു​ത്ത്, സ​മീ​പ​ത്തെ മ​ല​മ്പു​ഴ മെ​യി​ൻ ക​നാ​ലി​ൽ ഉ​​പേ​ക്ഷി​ച്ചു. പ്ര​ദേ​ശ​ത്തെ ക​നാ​ലി​ന് സ​മീ​പ​ത്ത് നി​ന്ന് യു​വാ​ക്ക​ളു​ടെ ചെ​രു​പ്പും വ​സ്ത്ര​ങ്ങ​ളും ക​ണ്ടെ​ത്തി.

തെ​ക്കേം​കു​ന്നം സ്വ​ദേ​ശി മ​ണി​ക​ണ്ഠ​ന്റെ​യും ഉ​ദ​യ​കു​മാ​രി​യു​ടെ​യും മ​ക​നാ​യ ഷി​ജി​ത്ത് പെ​യി​ന്റി​ങ് തൊ​ഴി​ലാ​ളി​യാ​ണ്. സ​ഹോ​ദ​ര​ങ്ങ​ൾ: ര​ഞ്ജി​ത്ത്, ശ്രീ​ജി​ത്ത്. കാ​ളാ​ണ്ടി​ത്ത​റ​യി​ൽ കൃ​ഷ്ണ​കു​മാ​രി​യു​ടെ​യും പ​രേ​ത​നാ​യ മാ​ണി​ക്യ​ന്റെ​യും മ​ക​നാ​ണ് സ​തീ​ഷ്. കൂ​ലി​പ്പ​ണി​ക്കാ​ര​നാ​ണ്. ദീ​പ​യാ​ണ് സ​ഹോ​ദ​രി. മൃ​ത​ദേ​ഹ​ങ്ങ​ൾ ബു​ധ​നാ​ഴ്ച വൈ​കീ​ട്ട് ബ​ന്ധു​ക്ക​ൾ​ക്ക് വി​ട്ടു​ന​ൽ​കി. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.