ഇടക്കുർശ്ശി പാത്തി പാലത്ത് നവീകരിച്ച റോഡ് കുത്തിപ്പൊളിച്ച നിലയിൽ
കല്ലടിക്കോട്: നവീകരിച്ച റോഡ് കുത്തിപ്പൊളിച്ചതായി പരാതി. നാലുദിവസം മുമ്പ് ടാറിങ് നടത്തിയ ഇടക്കുർശ്ശി മൂന്നേക്കർ കാളിയോട് റോഡിൽ പാത്തി പാലം ഭാഗത്താണ് റോഡിന്റെ അരിക് കുത്തി പൊളിച്ചതായി ഞായറാഴ്ച രാവിലെ കാണപ്പെട്ടത്. കരിമ്പ ഗ്രാമപഞ്ചായത്തിലെ 16ാം വാർഡ് ചെമ്പനത്തിട്ട പ്രദേശത്തിലുൾപ്പെടുന്നതാണ് ഈ റോഡ്.
പഞ്ചായത്ത് ഫണ്ട് ഉപയോഗിച്ചാണ് റോഡ് ടാറിങ് നടത്തിയത്. 120 മീറ്റർ സ്ഥലത്തെ റോഡാണ് നവീകരിച്ചത്. റോഡ് നവീകരിച്ച ശേഷം കുത്തിപ്പൊളിച്ച സംഭവത്തെപ്പറ്റി പൊലീസിലും കരിമ്പ ഗ്രാമപഞ്ചായത്തിലും പരാതി നൽകുമെന്ന് 16ാം വാർഡ് കോൺഗ്രസ് കമ്മിറ്റി പ്രസിഡന്റ് പി. വിൽസൺ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.