അലനല്ലൂർ കൂമഞ്ചിറ-പെരിമ്പടാരി കമ്പനിപ്പടി റോഡ്
അലനല്ലൂർ: കൂമഞ്ചിറ-പെരിമ്പടാരി കമ്പനിപടി റോഡിന് സംസ്ഥാന സർക്കാർ ഫണ്ട് ഒന്നര കോടി രൂപ വകയിരുത്തിയതായി അഡ്വ: എൻ. ഷംസുദ്ദീൻ എം.എൽ.എ അറിയിച്ചു. വർഷങ്ങൾക്ക് മുമ്പ് ടാർ ചെയ്ത റോഡ് പലയിടങ്ങളിൽ പൊട്ടിപ്പൊളിഞ്ഞ് കുഴികൾ രൂപപ്പെട്ടിരുന്നു. തിരുവിഴാംകുന്നിൽനിന്ന് അലനല്ലൂരിലേക്കുള്ള എളുപ്പ മാർഗമാണ് ഈ റോഡ്. അലനല്ലൂർ ഹയർ സെക്കൻഡറി സ്കൂൾ, ഗ്രാമപഞ്ചായത്ത് ഓഫിസ്, ആശുപത്രി, വില്ലേജ് ഓഫിസ്, ബാങ്ക് തുടങ്ങിയയിടങ്ങളിലേക്ക് വിവിധ ആവശ്യങ്ങൾക്ക് സഞ്ചരിക്കാനുള്ള ഏക റോഡാണിത്. ടെൻഡർ നടപടികൾ പൂർത്തിയായാൽ വേനലോടെ ടാറിങ് ആരംഭിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.