മണ്ണാര്ക്കാട്: നഗര സൗന്ദര്യവത്കരണത്തിന്റെ ഭാഗമായി നടപ്പാതകളിലെ കൈവരികളില് സ്ഥാപിച്ചിട്ടുള്ള പൂച്ചെടികള് ചിലര് മോഷ്ടിക്കുന്നതും നശിപ്പിക്കുന്നതും പതിവാകുന്നത് നഗരസഭക്കും വ്യാപാരികള്ക്കും ഒരുപോലെ തലവേദനയാകുന്നു. പൂച്ചെടികള് സ്ഥാപിച്ച ശേഷം മൂന്നുതവണയാണ് മോഷണം നടന്നിരിക്കുന്നത്. സി.സി.ടി.വി ദൃശ്യങ്ങള് പുറത്തുവിട്ടതിനെ തുടര്ന്ന് രണ്ടുതവണ എടുത്തവര് തിരിച്ചെത്തിച്ച് ക്ഷമാപണം നടത്തുകയും ചെയ്തിരുന്നതായി വ്യാപാരികള് പറയുന്നു. കഴിഞ്ഞദിവസം നെല്ലിപ്പുഴയില് നിന്നാണ് ചെടിച്ചട്ടി കൊണ്ട് പോയിരിക്കുന്നത്. ഇതിന്റെയും സി.സി.ടി.വി ദൃശ്യങ്ങള് പുറത്തുവന്നിട്ടുണ്ട്. ഈ സാഹചര്യത്തില് ചെടികള് മോഷ്ടിക്കുകയും നശിപ്പിക്കുകയും ചെയ്യുന്നവര്ക്കെതിരെ നടപടി ആവശ്യപ്പെട്ട് നഗരസഭ ചെയര്മാന് സി. മുഹമ്മദ് ബഷീര് മണ്ണാര്ക്കാട് ഡിവൈ.എസ്.പിക്ക് പരാതി നല്കി. നഗരസഭയുടെയും വ്യാപാരി വ്യവസായി സംഘടനകളുടെയും സഹകരണത്തോടെ ദേശീയപാതയുടെ ഇരുവശത്തും പൂച്ചെട്ടികള് സ്ഥാപിച്ച് പരിപാലിച്ചുവരുന്ന പദ്ധതി വിജയകരമായി പൂര്ത്തീകരിച്ചിട്ടുള്ളതാണെന്നും എന്നാല്, പദ്ധതിക്ക് തുരങ്കം വെക്കുന്ന തരത്തിലാണ് ചെടികള് മോഷ്ടിക്കുകയും നശിപ്പിക്കുകയും ചെയ്യുന്നതെന്നും ചെയര്മാന് പരാതിയില് പറഞ്ഞു. കുറ്റക്കാരെ കണ്ടെത്തി മാതൃകാപരമായി ശിക്ഷിക്കണമെന്നും ആവശ്യപ്പെട്ടു. ദേശീയപാത നവീകരണത്തോടെ പുതിയ മുഖച്ഛായ കൈവന്ന നഗരത്തിലെ നടപ്പാതയുടെ കൈവരികളില് പൂച്ചെട്ടികള് സ്ഥാപിച്ചത് കുളിര്മ പകരുന്ന കാഴ്ചയാണ്. ഒരു ചെടിച്ചട്ടി സ്ഥാപിക്കുന്നതിന് മുന്നൂറ് രൂപയോളമാണ് ചെലവ് വന്നിട്ടുള്ളത്. നെല്ലിപ്പുഴ മുതല് കുന്തിപ്പുഴ വരെ 1250 ഓളം ചെടിച്ചട്ടികള് സ്ഥാപിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.