കൂറ്റനാട്: മലറോഡിലുള്ള ടയർ കടയിൽ മോഷണ ശ്രമം. വെള്ളിയാഴ്ച പുലർച്ച മൂന്നോടെയായിരുന്നു സംഭവം. ബൈക്കിലാണ് മോഷ്ടാക്കളെത്തിയത്. ശബ്ദം കേട്ട് സമീപവാസികൾ എത്തിയതോടെ ബൈക്ക് ഉപേക്ഷിച്ച് മോഷ്ടാക്കൾ രക്ഷപ്പെട്ടു. നാട്ടുകാർ അറിയിച്ചതോടെ ചാലിശ്ശേരി, തൃത്താല പൊലീസ് സ്ഥലത്തെത്തി. പട്ടാമ്പി പരിസര സ്വദേശികളുടെതാണ് ബൈക്കെന്നാണ് സൂചന. അന്വേഷണം ഊർജിതമാക്കിയതായി പൊലീസ് അറിയിച്ചു. ------------------------------------------------------------------------- തൃത്താല ഫെസ്റ്റ് ശനിയാഴ്ച തൃത്താല: തൃത്താല ഫെസ്റ്റ് ശനിയാഴ്ച ആഘോഷിക്കും. രാവിലെ ഒമ്പത് മുതൽ 11 വരെ ആന, ബാന്റ് വാദ്യം എന്നിവയുടെ അകമ്പടിയോടെ നഗരപ്രദക്ഷിണം നടക്കും. വൈകീട്ട് നാലിന് മേഴത്തൂരിൽനിന്ന് 15 ആഘോഷ കമ്മിറ്റികൾ അണിനിരക്കുന്ന ഘോഷയാത്ര തൃത്താല കുമ്പിടി തിരിവിലേക്ക് പുറപ്പെടും. 20 ആനകളും ബാൻറ് വാദ്യകലാകാരന്മാരും ഘോഷയാത്രയിൽ അണിനിരക്കും. ഫെസ്റ്റിനോടനുബന്ധിച്ച് ശനിയാഴ്ച വൈകീട്ട് നാലുമുതൽ ഏഴു വരെ തൃത്താല സെന്ററിൽ ഗതാഗത നിയന്ത്രണം ഏർപ്പെടുത്തും. വെള്ളിയാഴ്ച വൈകീട്ട് തൃത്താല ഫെസ്റ്റ് വാണിഭം നടന്നു. പരുതൂർ ഗ്രാമപഞ്ചായത്തിൽ പുഞ്ചക്കൃഷിക്ക് തുടക്കം തൃത്താല: പരുതൂരില് മുടപ്പക്കാട് പുഞ്ചകൃഷിക്ക് തുടക്കമായി. പുഞ്ചകൃഷി ചെയ്യുന്നതിനായി മുന്നോട്ടുവന്ന മുടപ്പക്കാട് പാടശേഖര സമിതിയെ ഭരണസമിതി അനുമോദിച്ചു. കൃഷി ഓഫിസർ ശ്രീലക്ഷ്മി, വൈസ് പ്രസിഡന്റ് നിഷിദദാസ് വാർഡ് മെംബർമാരായ എ.കെ. എം അലി, സൗമ്യ സുഭാഷ്, മിനിമോൾ, പാഠശേഖര സമിതി കൺവീനർ സെയ്തുപ്പ, പി.ടി. ഷംസുദ്ദീൻ, സലിം മുടപ്പക്കാട് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.