വ​ഴി​തെ​റ്റി​യെ​ത്തി കാ​ട്ടാ​ന​ക​ൾ; നാ​ടി​നെ വി​റ​പ്പി​ച്ച് എ​ട്ട് മ​ണി​ക്കൂ​ർ

തു​വ്വൂ​ർ: കൂ​ട്ടം​വി​ട്ടും വ​ഴി​തെ​റ്റി​യു​മെ​ത്തി​യ കാ​ട്ടാ​ന​ക​ൾ തു​വ്വൂ​രി​ലെ​യും ക​രു​വാ​ര​കു​ണ്ടി​ലെ​യും ജ​ന​ങ്ങ​ളെ ഭീ​തി​യി​ൽ നി​ർ​ത്തി​യ​ത് എ​ട്ടു​മ​ണി​ക്കൂ​ർ. പ​റ​യ​ൻ​മേ​ട് വ​ന​മേ​ഖ​ല​യി​ൽ​നി​ന്നി​റ​ങ്ങി​യ പി​ടി​യാ​ന​യും കു​ട്ടി​യു​മാ​ണ് ചൊ​വ്വാ​ഴ്ച പു​ല​ർ​ച്ച തു​വ്വൂ​ർ വെ​ള്ളോ​ട്ടു​പാ​റ വ​രെ​യെ​ത്തി​യ​ത്.

നൂ​റു​ക​ണ​ക്കി​നാ​ളു​ക​ളു​ടെ ശ്ര​മ​ഫ​ല​മാ​യി ഉ​ച്ച​ക്ക് ഒ​ന്നോ​ടെ​യാ​ണ് ഇ​വ കാ​ടു​ക​യ​റി​യ​ത്. പ​റ​യ​ൻ​മേ​ടി​ൽ​നി​ന്ന് പ​ന​ഞ്ചോ​ല വ​ഴി ഭ​വ​നം​പ​റ​മ്പി​ൽ സം​സ്ഥാ​ന പാ​ത മു​റി​ച്ചു​ക​ട​ന്നാ​ണ് ആ​ന​ക​ളെ​ത്തി​യ​ത്. മാ​മ്പു​ഴ പ​ടു​മു​ണ്ട, ഫാ​ക്ട​റി, അ​ക്ക​ര​പ്പു​റം, മാ​തോ​ത്ത് വ​ഴി റെ​യി​ൽ​പാ​ത​യും ക​ട​ന്ന് തു​വ്വൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ന​ടു​ത്തെ​ത്തി​യ ആ​ന​ക​ൾ പു​ള്ളി​പ്പാ​ട​ത്തെ റ​ബ​ർ തോ​ട്ട​ത്തി​ൽ ത​മ്പ​ടി​ച്ചു. പ​ത്ത് കി​ലോ​മീ​റ്റ​റി​ലേ​റെ ദൈ​ർ​ഘ്യ​മു​ള്ള ഈ ​വ​ഴി​യ​ത്ര​യും ജ​നം തി​ങ്ങി​ത്താ​മ​സി​ക്കു​ന്ന​തും കൃ​ഷി​യി​ട​ങ്ങ​ൾ നി​റ​ഞ്ഞ​തു​മാ​ണ്. രാ​ത്രി​യാ​യ​തി​നാ​ൽ ആ​രും വി​വ​ര​മ​റി​ഞ്ഞി​ല്ല.

പു​ള്ളി​പ്പാ​ട​ത്ത് ആ​ന​ക​ളെ ക​ണ്ട​തോ​ടെ വ​നം​വ​കു​പ്പി​നെ​യും പൊ​ലീ​സി​നെ​യും നാ​ട്ടു​കാ​ർ വി​വ​ര​മ​റി​യി​ച്ചു.​അ​പ്പോ​ഴേ​ക്കും വ​ൻ​തോ​തി​ൽ ആ​ളു​ക​ൾ ത​ടി​ച്ചു​കൂ​ടി. വ​ന​പാ​ല​ക​രും ആ​ർ.​ആ​ർ.​ടി​യും പൊ​ലീ​സും ട്രോ​മാ​കെ​യ​റും നാ​ട്ടു​കാ​രും ചേ​ർ​ന്ന് ഇ​വ​യെ കാ​ടു​ക​യ​റ്റാ​നാ​യി പി​ന്നെ ശ്ര​മം. പ​ക്ഷേ, നാ​ലു​പാ​ടും ആ​ളു​ക​ൾ നി​റ​ഞ്ഞ​തി​നാ​ൽ തി​രി​കെ പോ​കാ​ൻ വ​ഴി​യി​ല്ലാ​തെ ആ​ന​ക​ൾ പ​ര​ക്കം​പാ​ഞ്ഞ​ത് വെ​ല്ലു​വി​ളി​യാ​യി.

ഒ​ടു​വി​ൽ പൊ​ലീ​സ് ജ​ന​ക്കൂ​ട്ട​ത്തെ നീ​ക്കി. തു​ട​ർ​ന്ന് തെ​ക്കും​പു​റം റോ​ഡ് വ​ഴി റെ​യി​ൽ പാ​ത മു​റി​ച്ചു​ക​ട​ത്തി ആ​ന​ക​ളെ നാ​യാ​ടി​പ്പാ​റ​യി​ലെ​ത്തി​ച്ചു. ഇ​വി​ടെ​നി​ന്ന് കൃ​ഷി​ഭൂ​മി​ക​ളി​ലൂ​ടെ ഒ​ലി​പ്പു​ഴ​യും ക​ട​ന്ന് ഇ​രി​ങ്ങാ​ട്ടി​രി അ​ങ്ങാ​ടി​ക്ക് സ​മീ​പം സം​സ്ഥാ​ന പാ​ത​യും മു​റി​ച്ചു​ക​ട​ത്തി​യാ​ണ് പ​റ​യ​ൻ​മാ​ട് മ​ല​വാ​ര​ത്തി​ലേ​ക്ക് ആ​ന​ക​ളെ തി​രി​കെ ക​യ​റ്റി​യ​ത്. പ​ട​ക്കം പൊ​ട്ടി​ച്ചാ​ണ് ഇ​വ​യെ പി​ന്തി​രി​പ്പി​ച്ച​ത്.

സ​ഞ്ചാ​ര​വ​ഴി വീ​ടു​ക​ൾ നി​റ​ഞ്ഞ​താ​യ​തും കു​ട്ടി​യു​ള്ള​തി​നാ​ൽ ആ​ന​ക​ൾ ഇ​ട​യ്ക്കി​ടെ അ​ക്ര​മ​ണ​സ്വ​ഭാ​വം കാ​ട്ടി​യ​തും ആ​ശ​ങ്ക​യു​ണ്ടാ​ക്കി. എ​ന്നാ​ൽ, കാ​ര്യ​മാ​യ നാ​ശ​ന​ഷ്ട​ങ്ങ​ളു​ണ്ടാ​ക്കാ​തെ ഉ​ച്ച​ക്ക് ഒ​ന്നോ​ടെ ഇ​വ പി​ൻ​വാ​ങ്ങി.

ഒ​രു വ​ർ​ഷം മു​മ്പ് ഇ​രി​ങ്ങാ​ട്ടി​രി​യി​ൽ റോ​ഡ് മു​റി​ച്ചു​ക​ട​ന്ന ആ​ന​ക​ൾ കൃ​ഷി​യി​ട​ത്തി​ൽ കു​ടു​ങ്ങി​യി​രു​ന്നു. വ​ർ​ഷ​ങ്ങ​ൾ​ക്ക് മു​മ്പ് ഒ​റ്റ​യാ​ൻ വ​ഴി​തെ​റ്റി തു​വ്വൂ​ർ മാ​തോ​ത്ത് വ​രെ എ​ത്തി​യി​രു​ന്ന​താ​യും നാ​ട്ടു​കാ​ർ ഓ​ർ​ക്കു​ന്നു. കാ​ളി​കാ​വ് റേ​ഞ്ച് ഓ​ഫി​സ​ർ പി. ​വി​നു, ക​രു​വാ​ര​കു​ണ്ട് സ്റ്റേ​ഷ​ൻ ഹൗ​സ് ഓ​ഫി​സ​ർ സി.​കെ. നാ​സ​ർ എ​ന്നി​വ​രു​ടെ നേ​തൃ​ത്വ​ത്തി​ൽ നി​ല​മ്പൂ​ർ സൗ​ത്ത്, നോ​ർ​ത്ത് ആ​ർ.​ആ​ർ.​ടി, ച​ക്കി​ക്കു​ഴി ഫോ​റ​സ്റ്റ് സ്റ്റേ​ഷ​ൻ, പാ​ണ്ടി​ക്കാ​ട്, മേ​ലാ​റ്റൂ​ർ പൊ​ലീ​സ് എ​ന്നി​വ​രാ​ണ് സ്ഥ​ല​ത്തെ​ത്തി​യ​ത്.