ശലഭങ്ങൾക്ക് മായാലോകം തുറന്ന് പുനർജീവ

തി​രൂ​ർ: ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ​ക്ക് വെ​ർ​ച്വൽ റി​യാ​ലി​റ്റി​യി​ലൂ​ടെ ആ​സ്വാ​ദ​ന​ത്തി​നൊ​പ്പം തെ​റ​പ്പി​ക്കും സൗ​ക​ര്യ​മൊ​രു​ക്കു​ന്ന ന്യൂ​ത​ന വി​ദ്യ​യൊ​രു​ക്കി ക​ലോ​ത്സ​വ​ത്തി​നെ​ത്തി​യ ശ​ല​ഭ​ങ്ങ​ൾ​ക്ക് മാ​യാ​ലോ​കം തു​റ​ന്ന് പു​ന​ർ​ജീ​വ ടെ​ക്നോ​ള​ജീ​സ് സൊ​ലൂ​ഷ​ൻ. ജി​ല്ല ബ​ഡ്സ് സ്കൂ​ൾ ക​ലാ​ത്സേ​വ​മാ​യ ‘ശ​ല​ഭ​ങ്ങ​ൾ 2024’ ന് ​എ​ത്തി​യ കു​ട്ടി​ക​ൾ​ക്കാ​ണ് വ്യ​ത്യ​സ്ത അ​നു​ഭ​വം തീ​ർ​ത്ത് കു​ടും​ബ​ശ്രീ അം​ഗീ​കൃ​ത പു​ന​ർ​ജീ​വ ടെ​ക്നോ​ള​ജീ​സ്. ബു​ദ്ധി​പ​ര​മാ​യും ശാ​രീ​രി​ക​പ​ര​മാ​യും വെ​ല്ലു​വി​ളി​ക​ൾ നേ​രി​ടു​ന്ന കു​ട്ടി​ക​ൾ​ക്ക് അ​വ​രു​ടെ പ​രി​മി​തി​ക​ൾ മ​റ​ന്ന് സൈ​ക്കി​ൾ ച​വി​ട്ടാ​നും നീ​ന്തി​യു​ല്ല​സി​ക്കാ​നും ക​ട​ലി​ൽ യാ​ത്ര ചെ​യ്യാ​നും വി​വി​ധ രാ​ജ്യ​ങ്ങ​ളി​ൽ സ​ഞ്ച​രി​ക്കു​ക വ​ഴി സാ​ങ്ക​ൽ​പി​ക ലോ​ക​ത്ത് എ​ത്താ​നു​മു​ള്ള അ​വ​സ​രമാണ് ഒ​രു​ക്കി​യ​ത്.

വി.​ആ​ർ ഹെ​ഡ്സെ​റ്റ് വ​ഴി​യാ​ണ് ഇ​തി​നു​ള്ള സൗ​ക​ര്യം ഒ​രു​ക്കി​യ​ത്. കൂ​ടാ​തെ കു​ട്ടി​ക​ൾ​ക്ക് ന​ൽ​കു​ന്ന പ​ര​മ്പ​രാ​ഗ​ത രീ​തി​യി​ലു​ള്ള തെ​റ​പ്പി​ക​ൾ​ക്ക് പു​തി​യ രൂ​പം ന​ൽ​കാ​ൻ ഈ ​ടെ​ക്നോ​ള​ജി​ക്ക് സാ​ധി​ക്കു​ന്നു.

കു​ട്ടി​ക​ളെ സെ​ൻ​സ​ർ ക​ണ​ക്ട് ചെ​യ്ത വി.​ആ​ർ ഗെ​യി​മു​ക​ൾ ക​ളി​പ്പി​ക്കു​മ്പോ​ൾ അ​ത് അ​വ​ർ​ക്ക് മാ​ന​സി​കോ​ല്ലാ​സം ന​ൽ​കു​ന്ന​തോ​ടൊ​പ്പം കാ​ഴ്ച​ക​ൾ ക​ണ്ടും ശ​ബ്ദ​ങ്ങ​ൾ കേ​ട്ടും അ​തു​പോ​ലെ ചെ​യ്യു​ക വ​ഴി തെ​റ​പ്പി​യു​ടെ ഫ​ല​വും ചെ​യ്യു​ന്നു. മ​ത്സ​ര​ത്തി​നെ​ത്തി​യ കു​ട്ടി​ക​ൾ​ക്കും ര​ക്ഷി​താ​ക്ക​ൾ​ക്കും കാ​ണി​ക​ൾ​ക്കും പു​ത്ത​ന​നു​ഭ​വ​മാ​യി​രു​ന്നു പു​ന​ർ​ജീ​വ ഒ​രു​ക്കി​യ​ത്.