ആലങ്കോട് പഞ്ചായത്തിലെ പേ വിഷ പ്രതിരോധ കുത്തിവെപ്പിന് നേതൃത്വം നൽകിയ അനിമൽ റെസ്ക്യൂ ഫോഴ്സ് അംഗങ്ങൾ
ചങ്ങരംകുളം: തെരുവുനായ് ആക്രമണത്തിനെതിരെ ആലങ്കോട് പഞ്ചായത്തിൽ പ്രതിരോധ പ്രവർത്തനങ്ങൾക്ക് തുടക്കംകുറിച്ചു. ആദ്യഘട്ടമായി പേ വിഷ പ്രതിരോധ കുത്തിവെപ്പ് നടന്നു. ആലങ്കോട് പഞ്ചായത്ത് പരിധിയിൽപെട്ട വിവിധ ഇടങ്ങളിലായി തെരുവുനായ് ആക്രമണം നടന്ന പശ്ചാത്തലത്തിലാണ് ഭരണ സമിതിയും മൃഗ സംരക്ഷണ വകുപ്പും സംയുക്തമായി തെരുവുനായ്ക്കൾക്ക് പേവിഷ പ്രതിരോധ കുത്തിവെപ്പ് പഞ്ചായത്തിലെ വിവിധ ഭാഗങ്ങളിലായി സംഘടിപ്പിച്ചത്.
ചങ്ങരംകുളം ബസ് സ്റ്റാൻഡ് പരിസരത്ത് നടന്ന ചടങ്ങിൽ പ്രസിഡന്റ് ആസിയ ഇബ്രാഹിം ഉദ്ഘാടനം നിർവഹിച്ചു. വൈസ് പ്രസിഡന്റ് സുബൈർ ഉദിനുപറമ്പ് അധ്യക്ഷത വഹിച്ചു. സ്റ്റാന്റിങ് കമ്മിറ്റി ചെയർമാന്മാരായ ഫവാസ് മാളിയേക്കൽ, ശാരിക മുരളീധരൻ, വാർഡ് മെംബർ സിന്ധു മോഹൻ എന്നിവർ സംസാരിച്ചു.
ചങ്ങരംകുളം മൃഗശുപത്രി സീനിയർ വെറ്റിറിനറി സർജൻ ഡോ. പാമി ടി. മാളിയേക്കൽ, ലൈവ് സ്റ്റോക്ക് ഇൻസ്പെക്ടർമാരായ ജിജി ആഗ്നസ്, വി.വി. ദീപക്, അറ്റൻഡെർ പ്രദീപ്, അനിമൽ റെസ്ക്യൂ ഫോഴ്സ് അംഗങ്ങളും ചേർന്ന് കുത്തിവെപ്പിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.