പാ​ട്ടുപാ​ടി ജ​യി​പ്പി​ക്കാം

മലപ്പുറം: തെരഞ്ഞെടുപ്പ് അടുത്തതോടെ റെക്കോഡിങ് സ്റ്റുഡിയോയിൽ നേരം പുലരും വരെ പാട്ടിന്റെ തിരക്ക്. സ്ഥാനാർഥികൾക്ക് അവർ ഇഷ്ടപ്പെടുന്ന ട്രാക്കുകളിൽ പാട്ടും അനൗൺസ്മെന്റും ഒരുക്കി കൊടുക്കുന്ന തിരക്കുകളിലാണ് റെക്കോഡിങ് സ്റ്റുഡിയോകൾ. രാവിലെ ഒമ്പതോടെ തുടങ്ങിയാൽ പുലർച്ചെ മൂന്ന്, നാല് വരെ പാട്ട് അങ്ങനെ നീളും. ഒരു ഗാനം സ്റ്റുഡിയോയിൽ പാടി എഡിറ്റ് ചെയ്ത് ലഭിക്കാൻ ഏകദേശം അര മണിക്കൂർ മുതൽ മുക്കാൽ മണിക്കൂർ വരെ സമയമെടുക്കും.

ഒന്നോ രണ്ടോ സൗണ്ട് എൻജിനീയർമാർ ഇതിനായി തന്നെ തയാറായി ഇരിപ്പാണ്. റെക്കോഡിങ് സ്റ്റുഡിയോകളെ സംബന്ധിച്ച് തദ്ദേശ തെരഞ്ഞെടുപ്പ് കാലം സീസൺ കൂടിയാണ്. ഓരോ വാർഡുകളിൽ നിന്നും വിവിധ മുന്നണികളുടെയും സ്വതന്ത്രരുടെയും അടക്കം നിരവധി ഓർഡറുകളാണ് ലഭിക്കുന്നത്. പലയിടത്തും സ്ഥാനാർഥികളുടെ അന്തിമ പട്ടിക വരാനുണ്ട്. ഇവ കൂടി എത്തുന്നതോടെ പാട്ട് തേടി വരുന്നവരുടെ എണ്ണം കൂടും. പഴയതും പുതിയതുമടക്കം എല്ലാതരം ചലച്ചിത്ര ഗാനങ്ങൾക്കും നല്ല ഡിമാന്റുണ്ട്. മാപ്പിളപ്പാട്ടുകളും ഇക്കാര്യത്തിൽ മുമ്പിൽ തന്നെ.

മികച്ച ഗാനരചയിതാവ് എഴുതിയ വരികൾക്ക് സ്ഥാനാർഥികൾ ആവശ്യപ്പെടുന്ന ഗായകരെ കൊണ്ട് പാടിച്ചാണ് പാട്ട് പുറത്തിറക്കുന്നത്. സ്ഥാനാർഥികളുടെ ഡിമാന്റുകൾക്ക് അനുസരിച്ച് സ്റ്റുഡിയോകൾക്ക് നൽകേണ്ട തുകയിലും മാറ്റമുണ്ടാകും. എ.ഐ വീഡിയോകൾക്കും നല്ല ഡിമാന്റുണ്ട്. സ്റ്റുഡിയോകളുടെ നിലനിൽപ്പിന് തെരഞ്ഞെടുപ്പ് വലിയ ആശ്വാസമാണെന്ന് കോട്ടക്കൽ ലുമിക്സ് അഡ്വാൻസ്ഡ് ഓഡിയോ ആൻഡ് മീഡിയ ഉടമയും അനൗൺസറുമായ റാഷിദ് കോട്ടക്കൽ പറഞ്ഞു.

സ്റ്റു​ഡി​യോ​ക​ൾ​ക്ക് ചാ​ക​ര​ക്കാ​ലം

മ​ഞ്ചേ​രി: തെ​ര​ഞ്ഞെ​ടു​പ്പ് കാ​ലം റെ​ക്കോ​ഡി​ങ് സ്റ്റു​ഡി​യോ​ക​ൾ​ക്കും ചാ​ക​ര​ക്കാ​ല​മാ​ണ്. സ​മൂ​ഹ​മാ​ധ്യ​മ​ങ്ങ​ൾ നി​റ​ഞ്ഞു​നി​ൽ​ക്കു​ന്ന ഇ​ക്കാ​ല​ത്ത് സ്ഥാ​നാ​ർ​ഥി​യാ​യാ​ൽ മാ​ത്രം പോ​ര. പി​ടി​ച്ച് നി​ൽ​ക്കാ​ൻ ന​ല്ല ഗാ​ന​ങ്ങ​ളും അ​നൗ​ൺ​സ്മെ​ന്‍റു​ക​ളും ഒ​പ്പം വേ​ണം.

തെ​ര​ഞ്ഞെ​ടു​പ്പ് പെ​രു​മ്പ​റ മു​ഴ​ങ്ങി​യ​തോ​ടെ മ​ഞ്ചേ​രി വാ​യ​്പ്പാ​റ​പ്പ​ടി​യി​ലെ വോ​ക്സ് സ്റ്റു​ഡി​യോ​സ് ഇ​പ്പോ​ൾ രാ​പ്പ​ക​ൽ വ്യ​ത്യാ​സ​മി​ല്ലാ​തെ 24 മ​ണി​ക്കൂ​റും പ്ര​വ​ർ​ത്തി​ക്കു​ക​യാ​ണ്. സം​ഗീ​ത സം​വി​ധാ​യ​ക​ൻ സാ​ദി​ഖ് പ​ന്ത​ല്ലൂ​രി​ന്‍റെ നേ​തൃ​ത്വ​ത്തി​ലു​ള്ള ഒ​രു​പി​ടി മി​ക​ച്ച ഗാ​യ​ക​രു​ടെ സം​ഘ​മാ​ണ് സ്റ്റു​ഡി​യോ​യി​ലെ അ​ണി​യ​റ​ക്ക് പി​ന്നി​ൽ.

സ​മൂ​ഹ മാ​ധ്യ​മ​ങ്ങ​ളി​ൽ ഹി​റ്റാ​യ ഗാ​ന​ങ്ങ​ൾ​ക്ക് പു​റ​മെ സ്വ​ന്തം നി​ല​ക്ക് പാ​ട്ടു​ക​ൾ ര​ചി​ച്ച് സം​ഗീ​തം ന​ൽ​കി​യും ഇ​വ​ർ പു​റ​ത്തി​റ​ക്കു​ന്നു. ഇ​തി​ന​കം വി​വി​ധ ജി​ല്ല​ക​ളി​ലെ സ്ഥാ​നാ​ർ​ഥി​ക​ൾ​ക്കാ​യി 400ല​ധി​കം പാ​ട്ടു​ക​ൾ ഇ​വ​ർ പു​റ​ത്തി​റ​ക്കി. സ്ഥാ​നാ​ർ​ഥി​യു​ടെ പേ​രും ചി​ഹ്ന​വും പാ​ർ​ട്ടി​യും വി​ക​സ​ന പ്ര​വ​ർ​ത്ത​ന​ങ്ങ​ളും വി​മ​ർ​ശ​ന​ങ്ങ​ളും ഉ​ൾ​പ്പെ​ടു​ത്തി​യാ​ണ് ഗാ​ന​ങ്ങ​ൾ ര​ചി​ക്കു​ന്ന​ത്.

സാ​ദി​ഖ് ത​ന്നെ​യാ​ണ് വ​രി​ക​ളും എ​ഴു​തു​ന്ന​ത്. ഇ​തി​ന് പു​റ​മെ വി​ക​സ​ന പ്ര​വ​ർ​ത്ത​ന​ങ്ങ​ൾ എ​ണ്ണി​പ്പ​റ​ഞ്ഞു​ള്ള അ​നൗ​ൺ​സ്മെ​ന്‍റു​ക​ളും ഇ​വ​ർ ത​യാ​റാ​ക്കു​ന്നു. മീ​ര മ​ഞ്ചേ​രി, ഹ​ർ​ഷ, ശി​ഹാ​ബ് പൂ​ക്കൊ​ള​ത്തൂ​ർ, ആ​യി​ഷ നി​ഹ്മ എ​ന്നി​വ​ര​ട​ങ്ങു​ന്ന സം​ഘ​മാ​ണ് ഗാ​യ​ക​രാ​യി ഉ​ള്ള​ത്. 

കെ.​ടി​യു​ടെ പാ​ട്ടു​ക​ൾ​ക്ക് അ​മ്പ​തി​ന്റെ സ്വ​ര​മാ​ധു​രി

തി​രു​നാ​വാ​യ: അ​ര​നൂ​റ്റാ​ണ്ടി​ലേ​റെ​ക്കാ​ല​മാ​യി സ്ഥാ​നാ​ർ​ഥി​ക​ൾ​ക്ക് ഇ​മ്പ​മാ​ർ​ന്ന രാ​ഷ്ട്രീ​യ ഗാ​ന​ങ്ങ​ൾ ത​യാ​റാ​ക്കി​ക്കൊ​ടു​ക്കു​ന്ന ഗാ​യ​ക​ൻ കെ.​ടി. മു​ഹ​മ്മ​ദി​ന് തെ​ര​ഞ്ഞെ​ടു​പ്പ് കാ​ലം പൂ​ക്കാ​ല​മാ​ണ്. ആ​വ​ശ്യ​പ്പെ​ടു​ന്ന ഏ​ത് രാ​ഷ്ട്രീ​യ​ക്കാ​ർ​ക്കും നി​റ​വും ത​ര​വും നോ​ക്കാ​തെ പാ​ട്ടെ​ഴു​തി ട്യൂ​ൺ​ചെ​യ്ത് റെ​ക്കോ​ഡാ​ക്കി​ക്കൊ​ടു​ക്കാ​ൻ കെ.​ടി​യു​ടെ ക​ഴി​വ് ഒ​ന്നു​വേ​റെ ത​ന്നെ​യാ​ണ്.

ക​മ്പ്യൂ​ട്ട​ർ യു​ഗം വ​ന്ന​തോ​ടെ ചു​രു​ങ്ങി​യ ചെ​ല​വി​ൽ പ​ല​രും പു​തി​യ സാ​ങ്കേ​തി​ക വി​ദ്യ​ക​ൾ തേ​ടി​പ്പോ​കു​ന്ന​തി​നാ​ൽ മു​മ്പ​ത്തെ​പ്പോ​ലു​ള്ള തി​ര​ക്കി​ല്ലെ​ന്ന് പ​ട്ട​ർ​ന​ട​ക്കാ​വി​ലെ മോ​യി​ൻ​കു​ട്ടി വൈ​ദ്യ​ർ സ്മാ​ര​ക കെ.​ടി.​എം മ്യൂ​സി​ക് സ്കൂ​ൾ ഡ​യ​റ​ക്ട​ർ കൂ​ടി​യാ​യ കെ.​ടി. മു​ഹ​മ്മ​ദ് പ​റ​യു​ന്നു.