മൊ​ഞ്ച് കൂ​ട്ടാ​ൻ മ​ല​പ്പു​റത്തിന്‍റെ ഇ​ട​നെ​ഞ്ചി​ലൊ​രു കൂ​റ്റ​ൻ പ​ന്ത്

മ​ല​പ്പു​റം: കാ​ൽ​പ​ന്തു​ക​ളി​യു​ടെ ഹൃ​ദ​യ​താ​ള​ത്തി​ല​ലി​ഞ്ഞ മ​ല​പ്പു​റം ജി​ല്ല​യു​ടെ ആ​സ്ഥാ​ന​ന​ഗ​രി​യി​ലി​താ ഒ​രു മ​നോ​ഹ​ര കാ​ഴ്ച. ഭ​ര​ണ​സി​രാ​കേ​ന്ദ്ര​മാ​യ കു​ന്നു​മ്മ​ലി​ൽ ന​ഗ​ര സൗ​ന്ദ​ര്യ​വ​ത്ക​ര​ണ ഭാ​ഗ​മാ​യി കൂ​റ്റ​ൻ പ​ന്ത് സ്ഥാ​പി​ച്ചി​രി​ക്കു​ക​യാ​ണ്. ദേ​ശീ​യ​പാ​ത​യി​ൽ ഡി.​ടി.​പി.​സി ഹാ​ളി​ന് എ​തി​ർ​വ​ശ​ത്തെ ഡി​വൈ​ഡ​റി​ൽ ഇ​തോ​ടൊ​പ്പം ഗോ​ൾ പോ​സ്​​റ്റും വ​ല​യു​മു​ള്ള കൊ​ച്ചു ട​ർ​ഫ് മാ​തൃ​ക​യും ഒ​രു​ക്കു​ന്നു​ണ്ട്.

പൊ​ലി​മ കൂ​ട്ടാ​ൻ അ​ല​ങ്കാ​ര വി​ള​ക്കു​ക​ൾ കൂ​ടി​യെ​ത്തു​ന്ന​തോ​ടെ ഇ​വി​ടം ല​ങ്കി​മ​റി​യും. ഫു​ട്ബാ​ളും മ​ല​പ്പു​റ​വും ത​മ്മി​ലെ ഇ​ഴ​പി​രി​ക്കാ​നാ​വാ​ത്ത ബ​ന്ധ​മാ​ണ് കൊ​ച്ചു ട​ർ​ഫു​ണ്ടാ​ക്കാ​ൻ ന​ഗ​ര ഭ​ര​ണ​കൂ​ട​ത്തെ പ്രേ​രി​പ്പി​ച്ച​ത്.

സ്വാ​ഗ​ത ക​മാ​ന​ങ്ങ​ൾ, പ്ര​ധാ​ന ക​വ​ല​ക​ളി​ൽ സ്ഥ​ല​സൂ​ചി​ക ബോ​ർ​ഡു​ക​ൾ, അ​ല​ങ്കാ​ര വി​ള​ക്കു​ക​ൾ, ന​വീ​ക​രി​ച്ച ബ​സ് ബേ​ക​ൾ എ​ന്നി​വ ഒ​ന്നാം ഘ​ട്ട​ത്തി​ൽ സ്ഥാ​പി​ച്ചി​രു​ന്നു. സം​സ്ഥാ​ന​പാ​ത​യി​ൽ നൂ​റ​ടി​പ്പാ​ല​ത്തി​ലും മൈ​ല​പ്പു​റ​ത്തു​മാ​ണ് ആ​ദ്യം എ​ൽ.​ഇ.​ഡി അ​ല​ങ്കാ​ര വി​ള​ക്കു​ക​ൾ പ്ര​കാ​ശി​ച്ച​ത്.

ര​ണ്ടാം ഘ​ട്ടം കു​ന്നു​മ്മ​ലി​ൽ കെ.​എ​സ്.​ആ​ർ.​ടി.​സി ബ​സ് സ്​​റ്റാ​ൻ​ഡ് മു​ത​ൽ കോ​ര​ങ്ങോ​ട് വ​രെ​യും സ്ഥാ​പി​ച്ചി​ട്ടു​ണ്ട്. മു​ണ്ടു​പ​റ​മ്പ്- കാ​വു​ങ്ങ​ൽ, മു​ണ്ടു​പ​റ​മ്പ്- മ​ച്ചി​ങ്ങ​ൽ ബൈ​പാ​സു​ക​ളി​ലും അ​ല​ങ്കാ​ര വി​ള​ക്കു​ക​ളു​ണ്ടാ​വും. സി.​സി.​ടി.​വി കാ​മ​റ​ക​ളും സ്ഥാ​പി​ച്ചു​വ​രു​ക​യാ​ണ്.