വള്ളിക്കുന്ന് വോളിഗ്രാമം പദ്ധതിയിൽ മുരളീധരൻ പാലാട്ട്, അനീഷ് എന്നിവർ പരിശീലനം നൽകുന്നു
വള്ളിക്കുന്ന്: നാളെയുടെ താരങ്ങളെ വാർത്തെടുക്കാനും വോളിബാളിൽ വള്ളിക്കുന്നിന്റെ പ്രതാപം വീണ്ടെടുക്കാനും ലക്ഷ്യമിട്ട് ആരംഭിച്ച ‘വോളിഗ്രാമം പദ്ധതി’അഞ്ച് വർഷം പിന്നിടുന്നു. വള്ളിക്കുന്നിന് പുറമെ അയൽ ജില്ലയിൽനിന്ന് വരെയുള്ളവരെ ഉൾപ്പെടുത്തിയാണ് പരിശീലനം. ഒരേസമയം തെരഞ്ഞെടുത്ത 30 ആൺകുട്ടികൾക്കും 30 പെൺകുട്ടികൾക്കും പരിശീലനം നൽകും. വള്ളിക്കുന്ന് അത്താണിക്കൽ സാന്ദീപനി സ്കൂൾ, അത്താണിക്കൽ സി.ബി ഹയർ സെക്കൻഡറി സ്കൂൾ എന്നിവിടങ്ങളിലാണ് പരിശീലനം. സ്പോർട്സ് കൗൺസിൽ, അപ്പോളോ വള്ളിക്കുന്ന് എന്നിവരുടെ സഹകരണത്തോടെയാണ് വൈകീട്ട് നാല് മുതൽ ആറു വരെയുള്ള പരിശീലന പദ്ധതി. മുൻ സ്പോർട്സ് കൗൺസിൽ പരിശീലകനായ മുരളീധരൻ പാലാട്ട്, സ്പോർട്സ് കൗൺസിൽ റൂറൽ കോച്ചിങ് സെന്ററിലെ ട്രെയിനർ പി. അനീഷ് എന്നിവരാണ് പരിശീലകർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.