കെ.എസ്​.യു ജില്ല പ്രസിഡന്‍റ്​ രാജിവെച്ചു

മലപ്പുറം: കെ.എസ്​.യു ജില്ല പ്രസിഡന്‍റ്​ ഹാരിസ്​ മുതൂർ രാജിവെച്ചു. അഞ്ച്​ വർഷം മുമ്പാണ്​ ഇദ്ദേഹം ചുമതലയേറ്റത്​. രണ്ട്​ വർഷം കൂടുമ്പോഴാണ്​ കമ്മിറ്റിയെ​ തെരഞ്ഞെടുക്കുന്നത്​. ഫേസ്​ബുക്കിലൂടെയാണ്​ രാജിക്കാര്യം അറിയിച്ചത്​. പുനഃസംഘടന നീണ്ടുപോയതിനാലാണ്​ രാജിവെക്കുന്നതെന്നും പുതിയ നേതൃത്വം വരട്ടെയെന്നും അദ്ദേഹം പറഞ്ഞു. സഹപ്രവർത്തകരുടെയും യൂത്ത് കോൺഗ്രസ്, കോൺഗ്രസ് നേതാക്കളുടെയും പ്രവർത്തകരുടെയും പ്രവാസി സുഹൃത്തുക്കളുടെയും പിൻബലത്തോടെ നിരവധി പ്രവർത്തനങ്ങൾ നടത്താൻ കഴിഞ്ഞെങ്കിലും പുനഃസംഘടന നീണ്ടുപോയതിനാൽ കഴിവുറ്റ നിരവധി പേർക്ക് നേതൃനിരയിലേക്ക് കടന്നുവരാൻ കഴിഞ്ഞിട്ടില്ലെന്നും അദ്ദേഹം പറയുന്നു.