തിരൂരങ്ങാടി: തിരൂരങ്ങാടി താലൂക്ക് ആശുപത്രിയിലേക്ക് വീൽ ചെയർ നൽകി ചെറുമുക്ക് നാട്ടുകാര്യം കൂട്ടായ്മ. താലൂക്കിന്റെ വിവിധ ഭാഗങ്ങളിൽനിന്ന് ആശുപത്രിയിലെത്തുന്ന രോഗികളുടെ എണ്ണം കൂടിയതിനാൽ വീൽ ചെയറിന്റെ കുറവുള്ളതായി ആശുപത്രി സൂപ്രണ്ട് ഡോ. ആർ. പ്രഭുദാസ് അറിയിച്ചതനുസരിച്ച് വീൽ ചെയർ നൽകുകയായിരുന്നു. പ്രസിഡന്റ് കമ്പ്ര ഹനീഫ ഹാജി അധ്യക്ഷത വഹിച്ചു. അംഗങ്ങളായ തട്ടരാട്ടിൽ ലത്തീഫ് ഹാജി, വി.പി. ഖാദർ ഹാജി, ഇ.പി. ഹബീബ്, എം.എം. സിദ്ദീഖ്, പനക്കൽ ബഷീർ, നെച്ചിക്കാട്ട് സുബൈർ, ആശുപത്രി ആർ.എം.ഒ ഹാഫിസ് റഹ്മാൻ, നഴ്സിങ് സൂപ്രണ്ട് സുമതി, പി.ആർ.ഒമാരായ രേണു, വിഗിൻ തുടങ്ങിയവർ സംസാരിച്ചു. കൂട്ടായ്മ സെക്രട്ടറി മുസ്തഫ ചെറുമുക്ക് സ്വാഗതവും ഹെൽത്ത് ഇൻസ്പെക്ടർ കിഷോർ നന്ദിയും പറഞ്ഞു. താലൂക്ക് ആശുപത്രിയിലേക്കുള്ള വീൽ ചെയർ ചെറുമുക്ക് നാട്ടുകാര്യം കൂട്ടായ്മ ഭാരവാഹികൾ ആശുപത്രി സൂപ്രണ്ടിന് കൈമാറുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.