വടകര പാർക്കോ ഇഖ്റ ആശുപത്രിക്ക് സമീപമുണ്ടായ അപകടത്തിൽ തകർന്ന ലോറി
വടകര: ദേശീയ പാതയിൽ പാർക്കോ ഇഖ്റ ആശുപത്രിക്ക് മുൻവശം കെ.എസ്.ആർ.ടി.സി ബസിന് പിറകിൽ ലോറിയിടിച്ച് നാല് പേർക്ക് പരിക്ക്. ബുധനാഴ്ച വൈകീട്ട് അഞ്ചിനാണ് അപകടം. സ്റ്റോപ്പിൽ നിർത്തി യാത്രക്കാരെ കയറ്റുന്നതിനിടയിൽ ലോറി ബസിന് പിറകിൽ ഇടിക്കുകയായിരുന്നു. ഇടിയുടെ ആഘാതത്തിൽ മുന്നോട്ടു നീങ്ങിയ ബസ് റോഡരികിൽ നിർത്തിയിട്ട രണ്ടു കാറിലും ഇടിച്ചു.
സംഭവത്തിൽ കെ.എസ്.ആർ.ടി.സിയുടെ പിൻഭാഗവും ലോറിയുടെ മുൻഭാഗവും പൂർണമായും തകർന്നു. ബസിടിച്ച രണ്ടു കാറുകൾക്കും കേടുപാടുണ്ടായി. വടകരനിന്നും കക്കട്ട്മുള്ളമ്പത്തേക്ക് പോകുകയായിരുന്നു ബസ്. ബസ് യാത്രക്കാരായ വത്സല (60), വിജയലക്ഷ്‌മി (62), സുമ (48), ജിൻഷ (33) എന്നിവരെ പരിക്കുകളോടെ ഇഖ്റ പാർക്കോ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ദേശീയപാതയിൽ ഗതാഗതം തടസ്സപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.