ബാലുശ്ശേരി: സ്വർണക്കടത്ത് കേസിൽ മുഖ്യമന്ത്രിയുടെ ഓഫിസ് ഇടപെടൽ അന്വേഷിക്കണമെന്നും മുഖ്യമന്ത്രി പിണറായി വിജയൻ രാജിവെക്കണമെന്നാവശ്യപ്പെട്ടും പ്രതിഷേധം ശക്തമാകുന്നു. ബാലുശ്ശേരിയിൽ എ.ബി.വി.പി നഗർ സമിതിയുടെയും യുവമോർച്ച നിയോജക മണ്ഡലം സമിതിയുടെയും നേതൃത്വത്തിൽ പ്രതിഷേധ പ്രകടനം നടത്തി. മുഖ്യമന്ത്രിയുടെ കോലം കത്തിച്ചായിരുന്നു പ്രതിഷേധം. എ.ബി.വി.പി പ്രതിഷേധ പരിപാടി പ്രസിഡൻറ് നന്ദകുമാർ പുതുശ്ശേരി ഉദ്ഘാടനം ചെയ്തു. അനന്തു ഉണ്ണികുളം അധ്യക്ഷത വഹിച്ചു. യുവമോർച്ച പ്രതിഷേധ പരിപാടിക്ക് നിയോജക മണ്ഡലം പ്രസിഡൻറ് ടി.കെ. നിഖിൽ കുമാർ, ജയപ്രസാദ്, ലിബിൻ ഭാസ്കർ, മിഥുൻ മോഹൻ, അഡ്വ. പ്രവീൺ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.