മ​ലാ​പ്പ​റ​മ്പ് ജ​ങ്ഷ​ൻ; വലഞ്ഞ് യാത്രക്കാർ

കോ​ഴി​ക്കോ​ട്: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി മ​ലാ​പ്പ​റ​മ്പ് ജ​ങ്ഷ​നി​ൽ നി​ർ​മി​ച്ച മേ​ൽ​പാ​ലം തു​റ​ന്നു കൊ​ടു​ത്തെ​ങ്കി​ലും സ​ർ​വി​സ് റോ​ഡി​ന്റെ നി​ർ​മാ​ണ​ത്തി​ന് ഒ​രു ഭാ​ഗം അ​ട​ച്ച​തി​ൽ വ​ല​ഞ്ഞ് യാ​ത്ര​ക്കാ​ർ. കി​ഴ​ക്കു​ഭാ​ഗ​ത്തെ സ​ർ​വി​സ് റോ​ഡി​ന്റെ നി​ർ​മാ​ണ​ത്തി​ന് വ​ശം അ​ട​ച്ച് പ​ടി​ഞ്ഞാ​റു​ഭാ​ഗ​ത്തെ സ​ർ​വി​സ് റോ​ഡി​ലൂ​ടെ രാ​മ​നാ​ട്ടു​ക​ര ഭാ​ഗ​ത്തേ​ക്കും ക​ണ്ണൂ​ർ ഭാ​ഗ​ത്തേ​ക്കും വാ​ഹ​ന​ങ്ങ​ൾ ക​ട​ത്തി​വി​ടു​ന്ന​തു​മൂ​ലം വാ​ഹ​ന​ങ്ങ​ളു​ടെ നി​ര ഏ​റെ ദൂ​ര​ത്തോ​ളം നീ​ണ്ടു. ഇ​രു​ച​ക്ര​വാ​ഹ​ന യാ​ത്ര​ക്കാ​ർ ഉ​ൾ​പ്പെ​ടെ ഏ​റെ നേ​രം പൊ​രി​വെ​യി​ലി​ൽ കു​ടു​ങ്ങി.

വ​ട​ക്കു​ഭാ​ഗം വേ​ദ​വ്യാ​സ സ്കൂ​ൾ ഭാ​ഗം വ​രെ​യും തെ​ക്കു​ഭാ​ഗം പാ​ച്ചാ​ക്കി​ൽ ഭാ​ഗം വ​രെ​യും നീ​ണ്ടു. ക​ഴി​ഞ്ഞ തി​ങ്ക​ളാ​ഴ്ച പാ​ലം തു​റ​ന്നെ​ങ്കി​ലും ട്രാ​ഫി​ക് പ​രി​ഷ്ക​ര​ണം സം​ബ​ന്ധി​ച്ച് കൂ​ടു​ത​ൽ വ്യ​ക്ത​ത​ക്കു​വേ​ണ്ടി ര​ണ്ടു ദി​വ​സം​കൂ​ടി നീ​ട്ടു​ക​യാ​യി​രു​ന്നു. വ്യാ​ഴാ​ഴ്ച രാ​വി​ലെ 11 മ​ണി​യോ​ടെ ട്രാ​ഫി​ക് അ​സി​സ്റ്റ​ന്റ് ക​മീ​ഷ​ണ​ർ കെ.​എ. സു​രേ​ഷ് കു​മാ​റി​ന്റെ നേ​തൃ​ത്വ​ത്തി​ലു​ള്ള പൊ​ലീ​സും ദേ​ശീ​യ​പാ​ത ക​രാ​ർ ക​മ്പ​നി ഉ​ദ്യോ​ഗ​സ്ഥ​രു​ടെ​യും മേ​ൽ​നോ​ട്ട​ത്തി​ലാ​ണ് നി​യ​ന്ത്ര​ണം വി​ല​യി​രു​ത്തി​യ​ത്. നി​യ​ന്ത്ര​ണം തു​ട​ങ്ങി പ​ത്തു​മി​നി​റ്റി​നു​ള്ളി​ൽ​ത​ന്നെ വാ​ഹ​ന നി​ര മീ​റ്റ​റു​ക​ളോ​ളം നീ​ളാ​ൻ തു​ട​ങ്ങി.

വ​യ​നാ​ട്- കോ​ഴി​ക്കോ​ട് പാ​ത​യി​ലും ഏ​റെ തി​ര​ക്ക​നു​ഭ​വ​പ്പെ​ട്ടു. രാ​മ​നാ​ട്ടു​ക​ര ഭാ​ഗ​ത്തേ​ക്കും ക​ണ്ണൂ​ർ ഭാ​ഗ​ത്തേ​ക്കും ദേ​ശീ​യ​പാ​ത​യു​ടെ പ​ടി​ഞ്ഞാ​റു​വ​ശ​ത്തു​കൂ​ടെ​യാ​കും ഒ​രു മാ​സ​ത്തേ​ക്ക് ഗ​താ​ഗ​തം. റീ​ട്ടെ​യി​ൻ വാ​ളി​നോ​ട് ചേ​ർ​ന്ന് കോ​ൺ​ക്രീ​റ്റ് ക​ട്ട​ക​ൾ സ്ഥാ​പി​ക്കു​ക​യും മേ​ൽ​പാ​ല​ത്തി​ന് സ​മീ​പ​ത്തെ മ​ണ്ണു​ക​ൾ നീ​ക്കം ചെ​യ്ത് ഇ​രു ഭാ​ഗ​ത്തെ​യും റോ​ഡു​ക​ൾ കൂട്ടി​യോ​ജി​പ്പി​ക്ക​ണം. ശേ​ഷം ടാ​റി​ങ് പൂ​ർ​ത്തി​യാ​ക്കു​ക​യും വേ​ണം. മ​ണ്ണെ​ടു​ത്തു​ക​ഴി​ഞ്ഞാ​ൽ ടാ​റി​ങ്ങി​നു മു​മ്പു​ത​ന്നെ വാ​ഹ​ന​ങ്ങ​ൾ ക​ട​ത്തി​വി​ടും. ഇ​തോ​ടെ ഗ​താ​ഗ​ത​ക്കു​രു​ക്ക് ഒ​ഴി​വാ​കും.

മേ​ൽ​പാ​ല​ത്തി​ന്റെ നി​ർ​മാ​ണ​ത്തി​ന് മൂ​ന്നു​മാ​സ​ത്തോ​ളം അ​ട​ച്ചെ​ങ്കി​ലും ഒ​രു ത​ര​ത്തി​ലു​ള്ള ഗ​താ​ഗ​ത​ക്കു​രു​ക്കും ഈ ​ഭാ​ഗ​ത്തു​ണ്ടാ​യി​രു​ന്നി​ല്ല. മേ​ൽ​പാ​ലം തു​റ​ന്ന​തോ​ടെ​യാ​ണ് യാ​ത്ര​ക്കാ​ർ വ​ല​യു​ന്ന​ത്. മ​ലാ​പ്പ​റ​മ്പ് ജ​ങ്ഷ​നി​ൽ റി​മോ​ട്ട് ക​ൺ​ട്രോ​ൾ സി​ഗ്ന​ൽ മു​ന്നു ദി​വ​സ​ത്തി​നു​ള്ളി​ൽ സ്ഥാ​പി​ക്കും.വ​യ​നാ​ടു ഭാ​ഗ​ത്തു​നി​ന്ന് തൊ​ണ്ട​യാ​ട്, രാ​മ​നാ​ട്ടു​ക​ര ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ പൂ​ള​ക്ക​ട​വ് ജ​ങ്ഷ​നി​ൽ​നി​ന്ന് ചേ​വ​ര​മ്പ​ലം നേ​താ​ജി ന​ഗ​ർ ജ​ങ്ഷ​നി​ലൂ​ടെ വ​ഴി​തി​രി​ച്ചു വി​ടാ​ൻ നി​ർ​ദേ​ശം ന​ൽ​കി​യെ​ങ്കി​ലും പൂ​ർ​ണ​മാ​യും ന​ട​പ്പാ​ക്കാ​ൻ പൊ​ലീ​സി​നു ക​ഴി​ഞ്ഞി​ല്ല.

ഒ​ഴി​വാ​ക്കാ​മാ​യി​രു​ന്ന ഗ​താ​ഗ​ത​ക്കു​രു​ക്ക്

മ​ലാ​പ്പ​റ​മ്പ് ജ​ങ്ഷ​ന​രി​കി​ൽ റോ​ഡി​നു കു​റു​കെ​യു​ള്ള ജ​പ്പാ​ൻ കു​ടി​വെ​ള്ള​ത്തി​ന്റെ പൈ​പ്പ് നേ​ര​ത്തേ മാ​റ്റി​യി​രു​ന്നെ​ങ്കി​ൽ നി​ല​വി​ലെ ഗ​താ​ഗ​ത നി​യ​ന്ത്ര​ണം ഒ​ഴി​വാ​ക്കാ​മാ​യി​രു​ന്നു​വെ​ന്ന് വി​ല​യി​രു​ത്ത​ൽ. മേ​ൽ​പാ​ല​ത്തി​നു തെ​ക്കു​ഭാ​ഗ​ത്തെ മ​ണ്ണ് നീ​ക്കം ചെ​യ്തി​രു​ന്നെ​ങ്കി​ൽ അ​ടി​പ്പാ​ത​യി​ലൂ​ടെ ഒ​രു വ​ശ​ത്തേ​​ക്കെ​ങ്കി​ലും വാ​ഹ​നം ക​ട​ത്തി​വി​ടാ​മാ​യി​രു​ന്നു.  ര​ണ്ടു ദി​വ​സ​മാ​യി ദ്രു​ത​ഗ​തി​യി​ലാ​ണ് രാ​ത്രി​യി​ലും പ​ക​ലും മ​ണ്ണ് നീ​ക്കം ചെ​യ്യു​ന്ന​ത്.

മ​ണ്ണ് മാ​റ്റി​യ​ശേ​ഷം കു​ടി​വെ​ള്ള​ത്തി​ന്റെ പൈ​പ്പ് മാ​റ്റും. ഇ​തി​നു​ള്ള പൈ​പ്പ് സ​മീ​പ​ത്ത് എ​ത്തി​ച്ചി​ട്ടു​ണ്ട്. മ​ണ്ണ് വേ​ഗം നീ​ക്കം ചെ​യ്ത് അ​ടി​പ്പാ​ത​യി​ലൂ​ടെ എ​ത്ര​യും വേ​ഗം വാ​ഹ​നം ക​ട​ത്തി​വി​ടാ​ൻ ന​ട​പ​ടി കൈ​ക്കാ​ള്ളാ​ൻ ട്രാ​ഫി​ക് അ​സി​സ്റ്റ​ന്റ് ക​മീ​ഷ​ണ​ർ കെ.​എ. സു​രേ​ഷ് കു​മാ​ർ ക​രാ​ർ ക​മ്പ​നി ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി. മ​ണ്ണ് നീ​ക്കം ചെ​യ്യാ​ൻ കു​റ​ച്ച് ദി​വ​സ​മെ​ടു​ക്കും. പാ​ച്ചാ​ക്കി​ൽ ഭാ​ഗ​ത്തെ കു​ടി​വെ​ള്ള പൈ​പ്പ് മാ​റ്റു​ന്ന​തി​ന്റെ പ്ര​വൃ​ത്തി​യും ആ​രം​ഭി​ച്ചു. ഇ​തി​നു​വേ​ണ്ടി മ​ലാ​പ്പ​റ​മ്പ്- മെ​ഡി​ക്ക​ൽ കോ​ള​ജ് ഭാ​ഗ​ത്തെ ഗ​താ​ഗ​ത​വും നി​രോ​ധി​ച്ചു. പൈ​പ്പു​ക​ൾ കൂ​ട്ടി​യോ​ജി​പ്പി​ക്കു​ന്ന​തി​നാ​യി ര​ണ്ടു ദി​വ​സം പൂ​ർ​ണ​മാ​യും വെ​ള്ള​വി​ത​ര​ണം മു​ട​ങ്ങും. ഈ ​മാ​സം 17, 18 തീ​യ​തി​ക​ളി​ൽ പ്ര​വൃ​ത്തി ന​ട​ത്താ​നാ​ണ് നീ​ക്കം.