കൂടരഞ്ഞിയിലെ പുലി കൂട്ടിലായി

തി​രു​വ​മ്പാ​ടി: കൂ​ട​ര​ഞ്ഞി പെ​രു​മ്പൂ​ള​യി​ൽ വ​നം വ​കു​പ്പ് സ്ഥാ​പി​ച്ച കൂ​ട്ടി​ൽ പു​ലി കു​ടു​ങ്ങി. ഒ​രു മാ​സ​മാ​യി പു​ലി​ഭീ​തി​യി​ലാ​യ നാ​ട്ടു​കാ​രു​ടെ പ്ര​തി​ഷേ​ധ​ത്തെ​ത്തു​ട​ർ​ന്ന് ജ​നു​വ​രി നാ​ലി​ന് സ്ഥാ​പി​ച്ച കൂ​ട്ടി​ലാ​ണ് പു​ലി കു​ടു​ങ്ങി​യ​ത്. ശ​നി​യാ​ഴ്ച രാ​വി​ലെ 11ഓ​ടെ പ്ര​ദേ​ശ​ത്ത് പ​രി​ശോ​ധ​ന​ക്കെ​ത്തി​യ വ​നം വ​കു​പ്പ് അ​ധി​കൃ​ത​രാ​ണ് കൂ​ട്ടി​ൽ പു​ലി​യെ ക​ണ്ട​ത്. ഉ​ച്ച​യോ​ടെ പു​ലി​യെ ആ​രോ​ഗ്യ പ​രി​ശോ​ധ​ന​ക്ക് താ​മ​ര​ശ്ശേ​രി റേ​ഞ്ച് ഫോ​റ​സ്റ്റ് ഓ​ഫി​സി​ലേ​ക്ക് കൊ​ണ്ടു​പോ​യി. പു​ലി​ക്ക് മൂ​ന്ന് വ​യ​സ്സു​ണ്ടെ​ന്നാ​ണ് നി​ഗ​മ​നം.

ര​ണ്ടു​മാ​സം മു​മ്പ് കൂ​ട​ര​ഞ്ഞി യി​ൽ നി​ന്ന് വ​ള​ർ​ത്തു മൃ​ഗ​ങ്ങ​ളെ കാ​ണാ​താ​യി​രു​ന്നു. ഇ​തോ​ടെ​യാ​ണ് നാ​ട്ടു​കാ​ർ ഭീ​തി​യി​ലാ​യ​ത്. പി​ന്നീ​ട് വ​നം വ​കു​പ്പ് ന​ട​ത്തി​യ പ​രി​ശോ​ധ​ന​യി​ൽ പ്ര​ദേ​ശ​ത്ത് പു​ലി​സാ​ന്നി​ധ്യം സ്ഥി​രീ​ക​രി​ച്ചു. ഒ​രാ​ഴ്ച മു​മ്പ് പു​ലി പി​ടി​കൂ​ടി​യ​തെ​ന്ന് ക​രു​തു​ന്ന കേ​ഴ​മാ​നി​ന്റെ അ​സ്ഥി​ക​ളും പ്ര​ദേ​ശ​ത്തു​നി​ന്ന് നാ​ട്ടു​കാ​ർക്ക് കിട്ടി​യി​രു​ന്നു. ഇ​തി​നി​ടെ, ആ​ടു​മേ​യ്ക്കാ​ൻ ഇ​റ​ങ്ങി​യ വീ​ട്ട​മ്മ പു​ലി​യെ​ന്ന് സം​ശ​യി​ക്കു​ന്ന ജീ​വി​യെ​ക്ക​ണ്ട് ഭ​യ​ന്നോ​ടി വീ​ണ് പ​രി​ക്കേ​റ്റ​തോ​ടെ നാ​ട്ടു​കാ​രു​ടെ പ്ര​തി​ഷേ​ധ​മു​യ​ർ​ന്നു.

തു​ട​ർ​ന്നാ​ണ് ജ​നു​വ​രി നാ​ലി​ന് പ്ര​ദേ​ശ​ത്ത് കൂ​ട് സ്ഥാ​പി​ച്ച​ത്. ഇ​തി​ൽ ഇ​ര​യെ കെ​ട്ടി​യി​ട്ടി​ല്ലെ​ന്ന് ചൂ​ണ്ടി​ക്കാ​ട്ടി ജ​നു​വ​രി അ​ഞ്ചി​ന് രാ​ത്രി ക​ർ​ഷ​ക കോ​ൺ​ഗ്ര​സ് കൂ​മ്പാ​റ​ ഫോ​റ​സ്റ്റ് സെ​ക്ഷ​ൻ ഓ​ഫി​സ് ഉ​പ​രോ​ധി​ച്ചു. പ്ര​തി​ഷേ​ധ​ത്തെ​ത്തു​ട​ർ​ന്ന് രാ​ത്രി ത​ന്നെ അ​ധി​കൃ​ത​ർ കൂ​ട്ടി​ൽ ഇ​ര​യെ കെ​ട്ടി. കൂ​ട​ര​ഞ്ഞി പ​ഞ്ചാ​യ​ത്ത് പ്ര​സി​ഡ​ൻ​റ് ആ​ദ​ർ​ശ് ജോ​സ​ഫ്, ഫോ​റ​സ്റ്റ് റേ​ഞ്ച് ഓ​ഫി​സ​ർ ഷി​ജു, ഫോ​റ​സ്റ്റ് സെ​ക്ഷ​ൻ ഓ​ഫി​സ​ർ പി. ​സു​ബീ​ർ, ഗ്രാ​മ​പ​ഞ്ചാ​യ​ത്തം​ഗം ജോ​ണി വാ​ളി​പ്ലാ​ക്ക​ൽ എ​ന്നി​വ​ർ സ്ഥ​ല​ത്ത് എ​ത്തി​യി​രു​ന്നു.