ഷോക്കേറ്റ് വീട്ടമ്മയുടെ മരണം; നിർണായകമായത് ഫോറൻസിക് പരിശോധന

കു​റ്റ്യാ​ടി: പ​ശു​ക്ക​ട​വ്​ കോ​ങ്ങോ​ട്​ മ​ല​യി​ൽ കാ​ട്ടു​പ​ന്നി​യെ പി​ടി​ക്കാ​ൻ സ്ഥാ​പി​ച്ച വൈ​ദ്യു​തി കെ​ണി​യി​ൽ​നി​ന്ന് ഷോ​ക്കേ​റ്റ് വീ​ട്ട​മ്മ ബോ​ബി ​മ​രി​ച്ച കേ​സി​ൽ നി​ർ​ണാ​യ​ക​മാ​യ​ത് ഫോ​റ​ൻ​സി​ക് പ​രി​ശോ​ധ​ന. അ​വി​വാ​ഹി​ത​നാ​യ പ്ര​തി ചീ​ര​മ​റ്റം ലി​നീ​ഷ് ​ജോ​സ​ഫ് വീ​ട്ടു​കാ​രു​മാ​യി അ​ക​ന്ന്​ ത​റ​വാ​ട്ടു വീ​ട്ടി​ൽ ഒ​റ്റ​ക്കാ​ണ്​ താ​മ​സം. മാ​താ​പി​താ​ക്ക​ളും സ​ഹോ​ദ​ര​ങ്ങ​ളും വേ​റെ വീ​ടു​ക​ളി​ലാ​ണ്. ലോ​ഡി​ങ്, മ​രം​മു​റി തു​ട​ങ്ങി​യ​വ​യാ​ണ്​ തൊ​ഴി​ൽ. മ​രി​ച്ച ബോ​ബി​യു​ടെ വീ​ടി​ന​ടു​ത്താ​ണ്​ ലി​നീ​ഷി​ന്റെ​യും വീ​ട്.

ബോ​ബി മ​രി​ച്ചു കി​ട​ന്ന കൊ​ക്കോ തോ​ട്ടം ലി​നീ​ഷി​ന്റെ ബ​ന്ധു​ക്ക​ടേ​താ​ണെ​ന്ന്​ നാ​ട്ടു​കാ​ർ പ​റ​ഞ്ഞു. അ​വ​ർ ക​ഴി​ഞ്ഞ മാ​സം 29 ന്​ ​ഈ പ​റ​മ്പി​ൽ കൊ​ക്കോ പെ​റു​ക്കാ​ൻ വ​ന്നി​രു​ന്നു. അ​ന്ന്​ വൈ​ദ്യു​തി കെ​ണി ശ്ര​ദ്ധ​യി​ൽ​പെ​ട്ടി​രു​ന്നി​ല്ല​ത്രെ. അ​ടു​ത്ത ദി​വ​സ​വും വ​രാ​നി​രി​ക്കു​ക​യാ​യി​രു​ന്നു. രാ​ത്രി സ്ഥാ​പി​ക്കു​ന്ന കെ​ണി പ​ക​ൽ അ​ഴി​ച്ചു​വെ​ക്കാ​റാ​ണ്​ പ​തി​വ്. സം​ഭ​വ ദി​വ​സം മ​റ​ന്ന​താ​ണ്​ ദു​ര​ന്ത​ത്തി​ന്​ കാ​ര​ണ​മാ​യ​ത്. ച​ക്ക തി​ന്നാ​ൻ വ​രു​ന്ന കാ​ട്ടു പ​ന്നി​ക​ളെ ഷോ​ക്കോ​ൽ​പി​ക്കാ​നാ​ണ് ഇ​യാ​ൾ വൈ​ദ്യു​തി ലൈ​നി​ൽ​നി​ന്ന്​ മു​ള​കൊ​ണ്ടു​ള്ള തോ​ട്ടി ഉ​പ​യോ​ഗി​ച്ച്​ ക​മ്പി കൊ​ളു​ത്തി കെ​ണി​​െയാ​രു​ക്കു​ന്ന​ത്.

എ​ന്നാ​ൽ, ച​ക്ക​യു​ടെ മ​ണം പി​ടി​ച്ചെത്തി​യ പ​ശു ഷോ​ക്കേ​റ്റ്​ ചാ​വു​ക​യും പ​ശു​വി​നെ തേ​ടി​യെ​ത്തി​യ ബോ​ബി​ക്കും ഷോ​ക്കേ​റ്റെ​ന്നാ​ണ്​ പൊ​ലീ​സി​ന്റെ അ​നു​മാ​നം. വി​വ​രം അ​റി​ഞ്ഞെത്തി​യ ലി​നീ​ഷ്​ കെ​ണി​ക​ളും ക​മ്പി​ക​ളും സം​ഭ​വ സ്ഥ​ല​ത്തു​നി​ന്ന്​ മാ​റ്റു​ക​യാ​യി​രു​ന്ന​ത്രെ. തോ​ട്ടി​യും മ​റ്റും ഇ​യാ​ളൂ​ടെ വീ​ട്ടി​ൽ നി​ന്നും ക​ണ്ടെ​ടു​ത്തു. ധിറു​തി​യി​ൽ ക​മ്പി​ക​ൾ വ​ലി​ച്ചു മാ​റ്റു​ന്ന​തി​നി​ട​യി​ൽ ഇ​യാ​ളു​ടെ കൈ​ക്ക്​ മു​റി​വേ​റ്റു.

എ​ന്നാ​ൽ, ജോ​ലി​ക്കി​ട​യി​ൽ മു​റി​വേ​റ്റെ​ന്നാ​ണ്​ ഇ​യാ​ൾ പൊ​ലീ​സി​നോ​ട്​ പ​റ​ഞ്ഞ​ത്. ഇ​തേ​തു​ട​ർ​ന്ന് മു​റി​വ്​ ഫോ​റ​ൻ​സി​ക് പ​രി​ശോ​ധ​ന​ക്ക്​ വി​ധേ​യ​മാ​ക്കി. മു​മ്പ്​ തോ​ക്കു കേ​സി​ൽ ഇ​യാ​ളെ പൊ​ലീ​സ്​ തേ​ടി വ​ന്ന​പ്പോ​ൾ വീ​ടി​ന്റെ മു​ക​ളി​ൽ ​ക​യ​റി ഒ​ളി​ക്കു​ക​യും താ​ഴേ​ക്ക്​ ചാ​ടു​ന്ന​തി​നി​ടെ പൊ​ലീ​സ്​ പി​ടി​യി​ലാ​വു​ക​യു​മാ​യി​രു​ന്നെ​ന്ന്​ നാ​ട്ടു​കാ​ർ പ​റ​ഞ്ഞു. നാ​യാ​ട്ടി​നാ​ണ്​ തോ​ക്ക്​ ഉ​പ​യോ​ഗി​ച്ചി​രു​ന്ന​തെ​ന്നും അ​വ​ർ വെ​ളി​പ്പെ​ടു​ത്തി.