തോ​രാമ​ഴ... മാ​റാ​തെ ദു​രി​തം

കോ​ഴി​ക്കോ​ട്: പ​ര​ക്കെ ദു​രി​ത​വും നാ​ശ​വും വി​ത​ച്ച് ജി​ല്ല​യി​ൽ അ​തി​തീ​വ്ര മ​ഴ തു​ട​രു​ന്നു. നാ​ലു​ദി​വ​സ​മാ​യി തു​ട​രു​ന്ന മ​ഴ​യി​ൽ മ​ണ്ണി​ടി​ഞ്ഞും മ​ര​ങ്ങ​ൾ മു​റി​ഞ്ഞു​വീ​ണും വ്യാ​പ​ക നാ​ശ​മാ​ണ് പ​ല​ഭാ​ഗ​ത്തു​മു​ണ്ടാ​യി​രി​ക്കു​ന്ന​ത്. ശ​ക്ത​മാ​യ കാ​റ്റും മ​ല​യി​ടി​ച്ചി​ൽ ഭീ​ഷ​ണി​യും തു​ട​രു​ന്ന ജി​ല്ല​യി​ൽ റെ​ഡ് അ​ല​ർ​ട്ടും തു​ട​രു​ക​യാ​ണ്.

മ​ല​യോ​ര മേ​ഖ​ല​ക​ളി​ല​ട​ക്കം പു​ഴ​ക​ൾ നി​റ​ഞ്ഞു ക​വി​യു​ന്ന​ത് ആ​ശ​ങ്ക​ക്കി​ട​യാ​ക്കു​ന്നു​ണ്ടെ​ങ്കി​ലും മു​ൻ​ക​രു​ത​ൽ ന​ട​പ​ടി സ്വീ​ക​രി​ച്ച് ജി​ല്ല ഭ​ര​ണ​കൂ​ടം ആ​ശ​ങ്ക അ​ക​റ്റു​ന്നു​ണ്ട്. അ​ഗ്നി​ര​ക്ഷാ സേ​ന​യും പൊ​ലീ​സും ​ദു​ര​ന്ത​നി​വാ​ര​ണ​സേ​ന​യും ജാ​ഗ​രൂ​ക​രാ​യി സ​ജീ​വ​മാ​യി രം​ഗ​ത്തു​ണ്ട്. മ​ര​ങ്ങ​ൾ ക​ട​പു​ഴ​കി വൈ​ദ്യു​തി ക​മ്പി​ക​ളി​ൽ വീ​ണ് മി​ക്ക പ്ര​ദേ​ശ​ങ്ങ​ളി​ലും വൈ​ദ്യു​തി നി​ല​ച്ചു.

ക​ന​ത്ത​മ​ഴ​യി​ൽ ആ​യ​ഞ്ചേ​രി പൈ​ങ്ങോ​ട്ടാ​യി പു​ല​ച്ചാ​ർ​ക്ക​ണ്ടി മാ​തു​വി​ന്റെ വീ​ട് ത​ക​ർ​ന്നു. തി​രു​വ​ള്ളൂ​ർ കോ​ട്ട​പ്പ​ള്ളി പ​ള്ളി​മു​ക്കി​ൽ വാ​യേ​രി ന​സു​റു​ദ്ദീ​ന്റെ വീ​ടി​നു മു​ക​ളി​ൽ മ​രം ക​ട​പു​ഴ​കി ഭാ​ഗി​ക​മാ​യി ത​ക​ർ​ന്നു. മ​രു​തോ​ങ്ക​ര​യി​ൽ മൂ​ന്നി​ട​ങ്ങ​ളി​ൽ റോ​ഡി​ൽ മ​രം പൊ​ട്ടി​വീ​ണ് ഹൈ​ടെ​ൻ​ഷ​ൻ വൈ​ദ്യു​തി ലൈ​നു​ക​ൾ ത​ക​ർ​ന്നു. ജ​ന​കീ​യ ദു​ര​ന്ത നി​വാ​ര​ണ സേ​ന​യും നാ​ട്ടു​കാ​രും ര​ക്ഷാ പ്ര​വ​ർ​ത്ത​നം ന​ട​ത്തി.

ഞാ​യ​റാ​ഴ്ച രാ​ത്രി ക​ക്ക​ട്ടി​ൽ വ​ട്ടോ​ളി​യി​ൽ ക​നാ​ലി​ൽ നി​യ​ന്ത്ര​ണം​വി​ട്ട് കാ​ർ വീ​ണു. യാ​ത്ര​ക്കാ​ർ ര​ക്ഷ​പ്പെ​ട്ടു. ക​ന​ത്ത മ​ഴ​യി​ലും കാ​റ്റി​ലും താ​ഴെ പ​ട​നി​ല​ത്ത് കൂ​റ്റ​ൻ പ​ര​സ്യ ബോ​ർ​ഡ് റോ​ഡി​ലേ​ക്ക് വീ​ണ് ഏ​റെ​നേ​രം പ​ട​നി​ലം-​പി​ലാ​ശ്ശേ​രി റോ​ഡി​ൽ ഗ​താ​ഗ​തം മു​ട​ങ്ങി. പ്ര​ദേ​ശ​ത്ത് വൈ​ദ്യു​തി വി​ത​ര​ണം ത​ട​സ്സ​പ്പെ​ട്ടു.

വ​ട​ക​ര ഭാ​ഗ​ത്ത് 20ഓ​ളം വീ​ടു​ക​ളി​ൽ വെ​ള്ളം ക​യ​റി. ക​ക്കോ​ടി, ചേ​ള​ന്നൂ​ർ, എ​ല​ത്തൂ​ർ ഭാ​ഗ​ങ്ങ​ളി​ൽ വെ​ള്ള​ക്കെ​ട്ടു​മൂ​ലം ജ​ന​ങ്ങ​ൾ ദു​രി​ത​ത്തി​ലാ​യി. ത​ല​ക്കു​ള​ത്തൂ​രി​ൽ മ​ര​ങ്ങ​ൾ വീ​ണ് വീ​ടു​ക​ൾ​ക്ക് നാ​ശ​മു​ണ്ടാ​യി. ​ചാ​ലി​യാ​റും ചെ​റു​പു​ഴ​യും ക​ര​ക​വി​ഞ്ഞ​തി​നെ​ത്തു​ട​ർ​ന്ന് മാ​വൂ​രി​ൽ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​യി.

വീ​ടു​ക​ളി​ൽ വെ​ള്ളം ക​യ​റി​യ​തി​നെ​ത്തു​ട​ർ​ന്ന് മൂ​ന്ന് കു​ടും​ബ​ങ്ങ​ളെ ഒ​ഴി​പ്പി​ച്ചു. മാ​വൂ​ർ ഗ്രാ​മ​പ​ഞ്ചാ​യ​ത്ത് 14ാം വാ​ർ​ഡി​ൽ ക​ച്ചേ​രി​ക്കു​ന്ന് അ​ബ്ദു​ൽ ല​ത്തീ​ഫ്, പു​ലി​യ​പ്പു​റം സ​ത്യ​ൻ, പു​ലി​യ​പ്പു​റം ശ്രീ​ധ​ര​ൻ എ​ന്നി​വ​രു​ടെ വീ​ടു​ക​ളി​ലാ​ണ് വെ​ള്ളം ക​യ​റി​യ​ത്. കോ​ഴി​ക്കോ​ട്- മു​ക്കം റോ​ഡി​ൽ വെ​സ്റ്റ് മാ​മ്പ​റ്റ​യി​ൽ കു​റ്റ​ൻ മ​രം ക​ട​പു​ഴ​കി വീ​ണ് ഗ​താ​ഗ​തം ത​ട​സ്സ​പ്പെ​ട്ടു.

ഇ​രു​വ​ഴി​ഞ്ഞി ക​ര​ക​വി​ഞ്ഞ​തി​നെ​ത്തു​ട​ർ​ന്ന് കൊ​ടി​യ​ത്തൂ​രി​ലെ താ​ഴ്ന്ന റോ​ഡു​ക​ളെ​ല്ലാം വെ​ള്ള​ത്തി​ന​ടി​യി​ലാ​യി. കൊ​ടി​യ​ത്തൂ​ർ കാ​രാ​ട്ട് റോ​ഡ്, എ​ള്ള​ങ്ങ​ൾ വെ​സ്റ്റ് കൊ​ടി​യ​ത്തൂ​ർ റോ​ഡ് എ​ന്നി​വ വെ​ള്ള​ത്തി​ന​ടി​യി​ലാ​യി. ന​ടു​വ​ണ്ണൂ​രി​ൽ രാ​മ​ൻ പു​ഴ ക​ര​ക​വി​ഞ്ഞൊ​ഴു​കു​ന്നു.

12ാം വാ​ർ​ഡി​ൽ രാ​മ​ൻ പു​ഴ​യോ​ര​ത്ത് കു​നി​യി​ൽ​താ​ഴെ പ്ര​ദേ​ശ​ത്ത് വെ​ള്ളം ക​യ​റി അം​ഗ​ൻ​വാ​ടി വെ​ള്ള​ത്തി​ന​ടി​യി​ലാ​യി. കാ​ട്ടി​ല പീ​ടി​ക കൈ​ര​ളി എം.​എ​സ്.​എ​സ് സ്കൂ​ളി​നു മു​ൻ​വ​ശം കി​ണ​ർ ഇ​ടി​ഞ്ഞു​താ​ഴ്ന്നു. ബാ​ലു​ശ്ശേ​രി​യി​ൽ വെ​ള്ളം ക​യ​റി പ​ത്തോ​ളം കു​ടും​ബ​ങ്ങ​ളെ മാ​റ്റി പാ​ർ​പ്പി​ച്ചു. ഏ​ഴാം വാ​ർ​ഡി​ൽ​പ്പെ​ട്ട ആ​റാ​ള​ക്ക​ൽ​താ​ഴം, എ​ട​പ്പാ​ടി താ​ഴം ഓ​ച്ച​ത്ത് താ​ഴം എ​ന്നി​വി​ട​ങ്ങ​ളി​ലാ​ണ് വെ​ള്ളം ക​യ​റി​യ​ത്.

മൂ​ന്ന് ദു​രി​താ​ശ്വാ​സ ക്യാ​മ്പു​ക​ള്‍ തു​റ​ന്നു

മ​ഴ​യെ​ത്തു​ട​ര്‍ന്ന് കോ​ഴി​ക്കോ​ട് താ​ലൂ​ക്കി​ല്‍ ര​ണ്ട് ദു​രി​താ​ശ്വാ​സ ക്യാ​മ്പും വ​ട​ക​ര​യി​ല്‍ ഒ​രു ക്യാ​മ്പും തു​റ​ന്നു. 24 കു​ടും​ബ​ങ്ങ​ളി​ല്‍ നി​ന്നാ​യി 37 സ്ത്രീ​ക​ളും 31 പു​രു​ഷ​ന്മാ​രും 20 കു​ട്ടി​ക​ളു​മു​ള്‍പ്പെ​ടെ 88 പേ​രാ​ണ് ക്യാ​മ്പു​ക​ളി​ൽ ക​ഴി​യു​ന്ന​ത്.

കോ​ഴി​ക്കോ​ട് താ​ലൂ​ക്കി​ല്‍ തു​റ​ന്ന ര​ണ്ട് ക്യാ​മ്പു​ക​ളി​ലാ​യി ആ​റ് കു​ടും​ബ​ങ്ങ​ളി​ലെ 17 സ്ത്രീ​ക​ളും ഒ​മ്പ​ത് പു​രു​ഷ​ന്മാ​രു​മും നാ​ല് കു​ട്ടി​ക​ളു​മു​ൾ​പ്പെ​ടെ 30 പേ​രാ​ണ് ക​ഴി​യു​ന്ന​ത്. വ​ട​ക​ര താ​ലൂ​ക്കി​ല്‍ തു​റ​ന്ന ക്യാ​മ്പി​ല്‍ 18 കു​ടും​ബ​ങ്ങ​ളി​ല്‍ നി​ന്നാ​യി 20 സ്ത്രീ​ക​ളും 22 പു​രു​ഷ​ന്മാ​രും 16 കു​ട്ടി​ക​ളു​മു​ള്‍പ്പെ​ടെ 58 പേ​ര്‍ ക​ഴി​യു​ന്നു​ണ്ട്.

ജാ​ഗ്ര​ത നി​ർ​ദേ​ശ​ങ്ങ​ൾ

• മ​ല​യോ​ര മേ​ഖ​ല​യി​ൽ മ​ണ്ണി​ടി​ച്ചി​ൽ, ഉ​രു​ൾ​പൊ​ട്ട​ൽ, മ​ല​വെ​ള്ള​പ്പാ​ച്ചി​ൽ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ലു​ള്ള​വ​ർ സു​ര​ക്ഷി​ത​മാ​യ സ്ഥ​ല​ത്തേ​ക്ക് മാ​റി താ​മ​സി​ക്ക​ണം.
• സ്ഥി​ര​മാ​യി വെ​ള്ള​ക്കെ​ട്ട് രൂ​പ​പ്പെ​ടാ​റു​ള്ള താ​ഴ്ന്ന പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​ർ സാ​ഹ​ച​ര്യം വി​ല​യി​രു​ത്തി ത​യാ​റാ​ക്ക​പ്പെ​ടു​ന്ന ക്യാ​മ്പു​ക​ളി​ലേ​ക്ക് മാ​റ​ണം.
• അ​ട​ച്ചു​റ​പ്പി​ല്ലാ​ത്ത വീ​ടു​ക​ളി​ൽ താ​മ​സി​ക്കു​ന്ന​വ​രും മേ​ൽ​ക്കൂ​ര ശ​ക്ത​മ​ല്ലാ​ത്ത വീ​ടു​ക​ളി​ൽ താ​മ​സി​ക്കു​ന്ന​വ​രും പ്ര​ത്യേ​കം ജാ​ഗ്ര​ത പാ​ലി​ക്കു​ക.
• അ​പ​ക​ടാ​വ​സ്ഥ മു​ന്നി​ൽ കാ​ണു​ന്ന​വ​ർ അ​ധി​കൃ​ത​രു​മാ​യി ബ​ന്ധ​പ്പെ​ട്ട് സു​ര​ക്ഷി​ത​മാ​യ സ്ഥ​ല​ങ്ങ​ളി​ലേ​ക്ക് മാ​റി താ​മ​സി​ക്ക​ണം.
• അ​പ​ക​ടാ​വ​സ്ഥ​യി​ലു​ള്ള മ​ര​ങ്ങ​ൾ /പോ​സ്റ്റു​ക​ൾ /ബോ​ർ​ഡു​ക​ൾ, മ​തി​ലു​ക​ൾ തു​ട​ങ്ങി​യ​വ സു​ര​ക്ഷി​ത​മാ​ക്കേ​ണ്ട​തും അ​പ​ക​ടാ​വ​സ്ഥ​ക​ൾ അ​ധി​കൃ​ത​രു​ടെ ശ്ര​ദ്ധ​യി​ൽ പെ​ടു​ത്തേ​ണ്ട​തു​മാ​ണ്.
• ഒ​രു കാ​ര​ണ​വ​ശാ​ലും ന​ദി​ക​ൾ മു​റി​ച്ചു ക​ട​ക്കാ​നോ, ന​ദി​ക​ളി​ലോ മ​റ്റ് ജ​ലാ​ശ​യ​ങ്ങ​ളി​ലോ കു​ളി​ക്കാ​നോ മീ​ൻ​പി​ടി​ക്കാ​നോ മ​റ്റ് ആ​വ​ശ്യ​ങ്ങ​ൾ​ക്കോ ഇ​റ​ങ്ങാ​ൻ പാ​ടു​ള്ള​ത​ല്ല.
• അ​ത്യാ​വ​ശ്യ​മ​ല്ലാ​ത്ത യാ​ത്ര​ക​ൾ പ​ര​മാ​വ​ധി ഒ​ഴി​വാ​ക്കു​ക. വെ​ള്ള​ച്ചാ​ട്ട​ങ്ങ​ൾ, ജ​ലാ​ശ​യ​ങ്ങ​ൾ, മ​ല​യോ​ര മേ​ഖ​ല​ക​ൾ എ​ന്നി​വി​ട​ങ്ങ​ളി​ലേ​ക്കു​ള്ള വി​നോ​ദ യാ​ത്ര​ക​ൾ മ​ഴ മു​ന്ന​റി​യി​പ്പ് മാ​റു​ന്ന​തു​വ​രെ ഒ​ഴി​വാ​ക്ക​ണം.
• ജ​ലാ​ശ​യ​ങ്ങ​ളോ​ട് ചേ​ർ​ന്ന റോ​ഡു​ക​ളി​ലൂ​ടെ​യു​ള്ള യാ​ത്ര​ക​ളി​ൽ പ്ര​ത്യേ​ക ജാ​ഗ്ര​ത പാ​ലി​ക്കു​ക.
• ക​ട​ലാ​ക്ര​മ​ണം ശ​ക്ത​മാ​കാ​ൻ സാ​ധ്യ​ത​യു​ള്ള​തി​നാ​ൽ ജാ​ഗ്ര​ത പാ​ലി​ക്ക​ണം.
• മ​ല​യോ​ര മേ​ഖ​ല​യി​ലേ​ക്കു​ള്ള രാ​ത്രി സ​ഞ്ചാ​രം പൂ​ർ​ണ​മാ​യി ഒ​ഴി​വാ​ക്കു​ക.
• വൈ​ദ്യ​തി ലൈ​നു​ക​ൾ പൊ​ട്ടി​വീ​ണു​ള്ള അ​പ​ക​ട​ങ്ങ​ൾ​ക്ക് സാ​ധ്യ​ത​യു​ണ്ട്. അ​തി​നാ​ൽ ഇ​ട​വ​ഴി​ക​ളി​ലും ന​ട​പ്പാ​ത​ക​ളി​ലും വെ​ള്ള​ക്കെ​ട്ടു​ക​ളി​ൽ ഇ​റ​ങ്ങു​ന്ന​തി​ന് മു​ന്നേ വൈ​ദ്യു​തി അ​പ​ക​ട സാ​ധ്യ​ത ഇ​ല്ല എ​ന്ന് ഉ​റ​പ്പാ​ക്ക​ണം.