തൊഴിലുറപ്പ് പദ്ധതിയിൽ ജി.എസ്.ടി വെട്ടിപ്പ്

കോ​ഴി​ക്കോ​ട്: മ​ഹാ​ത്മാ ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യി​ൽ നി​കു​തി​യി​ന​ത്തി​ലും വെ​ട്ടി​പ്പ്. തൊ​ഴി​ലു​റ​പ്പ് പ​ദ്ധ​തി​യി​ൽ വി​വി​ധ​ത​രം ഫ​ണ്ട് ത​ട്ടി​പ്പു​ക​ളു​ടെ​യും അ​ഴി​മ​തി​ക​ളു​ടെ​യും വാ​ർ​ത്ത​ക​ൾ പു​റ​ത്തു​വ​ന്നു​കൊ​ണ്ടി​രി​ക്കു​ന്ന​തി​നി​ട​യി​ലാ​ണ് കേ​ന്ദ്ര -സം​സ്ഥാ​ന സ​ർ​ക്കാ​റു​ക​ൾ​ക്ക് ല​ഭി​ക്കേ​ണ്ട ജി.​എ​സ്.​ടി​യി​ൽ ന​ട​ക്കു​ന്ന ത​ട്ടി​പ്പി​നെ​ക്കു​റി​ച്ച് സം​സ്ഥാ​ന ഓ​ഡി​റ്റ് വി​ഭാ​ഗ​ത്തി​ന്റെ റി​പ്പോ​ർ​ട്ട് വി​ര​ൽ ചൂ​ണ്ടു​ന്ന​ത്.

ജി.​എ​സ്.​ടി ര​ജി​സ്ട്രേ​ഷ​നു​ള്ള വെ​ണ്ട​ർ​മാ​ർ​ക്ക് മാ​ത്ര​മേ മെ​റ്റീ​രി​യ​ൽ വ​ർ​ക്കു​ക​ൾ​ക്ക് അ​സം​സ്കൃ​ത വ​സ്തു​ക്ക​ൾ വി​ത​ര​ണം ചെ​യ്യാ​ൻ ടെ​ൻ​ഡ​ർ എ​ടു​ക്കാ​ൻ പാ​ടു​ള്ളൂ. റ​ഗു​ല​ർ സ്കീം ​ര​ജി​സ്ട്രേ​ഷ​നും കോ​മ്പ​സി​റ്റ് സ്കീം ​ര​ജി​സ്ട്രേ​ഷ​നു​മാ​ണ് ജി.​എ​സ്.​ടി ഇ​ന​ത്തി​ൽ ഉ​ള്ള​ത്. റ​ഗു​ല​ർ സ്കീ​മി​ൽ ര​ജി​സ്ട്രേ​ഷ​ൻ ഉ​ള്ള​വ​ർ​ക്കു മാ​ത്ര​മേ സാ​ധ​ന​മോ സേ​വ​ന​മോ വാ​ങ്ങു​ന്ന​വ​രി​ൽ​നി​ന്ന് ജി.​എ​സ്.​ടി ഇൗ​ടാ​ക്കാ​നും ടാ​ക്സ് ഇ​ൻ​വോ​യ്സ് ന​ൽ​കാ​നും പാ​ടു​ള്ളു.

കോ​മ്പ​സി​റ്റ് സ്കീം ​ര​ജി​സ്ട്രേ​ഷ​ൻ ഉ​ള്ള​വ​ർ​ക്ക് സാ​ധ​നം ന​ൽ​കു​ന്ന​വ​രി​ൽ​നി​ന്ന് ജി.​എ​സ്.​ടി സ്വീ​ക​രി​ക്കാ​ൻ പാ​ടി​ല്ല. ഇ​വ​ർ വി​റ്റു​വ​ര​വി​ൽ​നി​ന്ന് ഒ​രു ശ​ത​മാ​നം ജി.​എ​സ്.​ടി ഒ​ടു​ക്കു​ക​യാ​ണ് ചെ​യ്യു​ക. ടാ​ക്സ് ഇ​ൻ​വോ​യ്സ് ന​ൽ​കാ​നും പാ​ടി​ല്ല. ഈ ​പ​ഴു​ത് മു​ത​ലാ​ക്കി കോ​മ്പ​സി​റ്റ് ടാ​ക്സ് ര​ജി​സ്ട്രേ​ഷ​നു​ള്ള വെ​ണ്ട​ർ​മാ​ർ തൊ​ഴി​ലു​റ​പ്പ് മെ​റ്റീ​രി​യ​ൽ വ​ർ​ക്കു​ക​ൾ​ക്ക് സാ​ധ​നം ന​ൽ​കു​ക​യും ഇ​തി​ന് വ്യാ​ജ ടാ​ക്സ് ഇ​ൻ​വോ​യ്സ് ന​ൽ​കി ജി.​എ​സ്.​ടി ആ​യി വ​ൻ​തു​ക​ക​ൾ കൈ​പ്പ​റ്റു​ക​യും ചെ​യ്ത​താ​യി ഓ​ഡി​റ്റ് വി​ഭാ​ഗം ക​ണ്ടെ​ത്തി.

ഈ ​തു​ക സ​ർ​ക്കാ​ർ ഖ​ജ​നാ​വി​ലേ​ക്ക് എ​ത്തു​ക​യി​ല്ല. ഇ​തി​ലൂ​ടെ വ​ൻ തു​ക​യു​ടെ നി​കു​തി വെ​ട്ടി​പ്പാ​ണ് സം​സ്ഥാ​ന​ത്ത് ന​ട​ക്കു​ന്ന​ത്. റ​ഗു​ല​ർ ടാ​ക്സ് സ്കീ​മി​ൽ ര​ജി​സ്ട്രേ​ഷ​നു​ള്ള വെ​ണ്ട​ർ​മാ​ർ സാ​ധ​നം ന​ൽ​കു​മ്പോ​ൾ അ​വ​രി​ൽ​നി​ന്ന് ഗ്രാ​മ​പ​ഞ്ചാ​യ​ത്ത് ജി.​എ​സ്.​ടി ഈ​ടാ​ക്കി വ​കു​പ്പി​ലേ​ക്ക് ഒ​ടു​ക്ക​ണ​മെ​ന്ന് നി​ര​വ​ധി ഉ​ത്ത​ര​വു​ക​ൾ ഉ​ണ്ടെ​ങ്കി​ലും പ​ല പ​ഞ്ചാ​യ​ത്തു​ക​ളും വ്യ​ത്യ​സ്ത കാ​ര​ണ​ങ്ങ​ൾ നി​ര​ത്തി ഈ ​തു​ക ഈ​ടാ​ക്കാ​തെ ജി.​എ​സ്.​ടി ഉ​ൾ​പ്പെ​ടെ​യു​ള്ള തു​ക വെ​ണ്ട​ർ​മാ​ർ​ക്ക് ന​ൽ​കു​ക​യാ​ണ് ചെ​യ്യു​ന്ന​തെ​ന്ന് ഓ​ഡി​റ്റ് റി​പ്പോ​ർ​ട്ടി​ൽ പ​റ​യു​ന്നു.

ഗ്രാ​മ​പ​ഞ്ചാ​യ​ത്തി​ലെ തൊ​ഴി​ലു​റ​പ്പ് മെ​റ്റീ​രി​യ​ൽ വ​ർ​ക്ക് ഫ​യ​ലു​ക​ളി​ൽ സൂ​ക്ഷി​ച്ചി​രി​ക്കു​ന്ന വെ​ണ്ട​ർ​മാ​രു​ടെ ബി​ല്ലു​ക​ൾ ജി.​എ​സ്.​ടി വ​കു​പ്പ് പ​രി​ശോ​ധി​ച്ചാ​ൽ കോ​ടി​ക്ക​ണ​ക്കി​ന് രൂ​പ​യു​ടെ നി​കു​തി വെ​ട്ടി​പ്പ് ക​ണ്ടെ​ത്താ​ൻ ക​ഴി​യു​മെ​ന്ന സൂ​ച​ന​യാ​ണ് ഓ​ഡി​റ്റ് റി​പ്പോ​ർ​ട്ട് ന​ൽ​കു​ന്ന​ത്.