ഒളവണ്ണ പഞ്ചായത്തിലെ പെരിങ്കൊല്ലൻതോട്
മലിനമായനിലയിൽ
പന്തീരാങ്കാവ്: മാമ്പുഴയുടെ കൈവഴിയായ പെരിങ്കൊല്ലൻ തോട്ടിലേക്ക് മാലിന്യമൊഴുക്കുന്നു. തോടിന് സമീപത്തെ സ്വകാര്യ സ്ഥാപനങ്ങളിൽ നിന്നാണ് ദുർഗന്ധമുള്ള കറുപ്പ് നിറത്തിലുള്ള മാലിന്യം ഒഴുക്കുന്നത്.
മഴക്ക് തൊട്ടുമുമ്പ് കഴിഞ്ഞ വർഷങ്ങളിലെല്ലാം ഇത്തരം സംഭവങ്ങൾ ആവർത്തിച്ചിട്ടുണ്ട്. കഴിഞ്ഞ ദിവസം മഴ പ്രതീക്ഷിച്ചാവാം മാലിന്യമൊഴുക്കിയതെന്ന് നാട്ടുകാർ പറയുന്നു. തോട് മുഴുവൻ കെട്ടിനിന്ന് ദുർഗന്ധം പരന്നതോടെയാണ് ഇത് നാട്ടുകാരുടെ ശ്രദ്ധയിൽ പെട്ടത്.
കിണറുകളടക്കം മുഖ്യ കുടിവെള്ള സ്രോതസ്സാണ് പെരിങ്കൊല്ലൻ തോട്. ഇത് മലിനമാക്കിയിട്ടും ഗ്രാമപഞ്ചായത്ത് അധികൃതർ മൗനം പാലിക്കുകയാണെന്ന ആക്ഷേപം ശക്തമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.