ഫൈസാൻ ഖാൻ
പന്തീരാങ്കാവ് : ഗൾഫ് രാജ്യങ്ങളിലേക്ക് ലഹരി കയറ്റി അയക്കുന്ന ‘കുവൈറ്റ് ഭായ്ജാൻ’ എന്നറിയപ്പെടുന്ന ഉത്തർപ്രദേശ് സ്വദേശി ഫൈസാൻ ഖാൻ (28) എക്സൈസ് പിടിയിൽ. ഗൾഫിൽ ജയിലിൽ ശിക്ഷ അനുഭവിച്ച ഇയാൾ 23 ഗ്രാമോളം എം.ഡി.എം.എയുമായി കോഴിക്കോട് പന്തീരാങ്കാവിൽ വെച്ചാണ് പിടിയിലായത്.
ഓപറേഷൻ തണ്ടറിന്റെ ഭാഗമായി എക്സൈസ് ഇൻസ്പെക്ടർ എസ്. ശരതിന്റെ നേതൃത്വത്തിലുള്ള കോഴിക്കോട് എക്സൈസ് എൻഫോഴ്സ്മെന്റ് ആൻഡ് ആന്റി നർക്കോട്ടിക് സ്പെഷൽ സ്ക്വാഡ് സംഘവും, കോഴിക്കോട് ഡെപ്യൂട്ടി എക്സൈസ് കമീഷണർ സ്ക്വാഡ് അംഗങ്ങളും സംയുക്തമായി നടത്തിയ ഓപറേഷന്റെ ഭാഗമായാണ് ഇയാൾ പിടിയിലായത്. കെ. പ്രവീൺകുമാർ. പ്രിവന്റിവ് ഓഫിസർ ദീൻദയാൽ, സി.പി. ജിഷ്ണു, കെ. വൈശാഖ്, പി.പി. ജിത്തു, പി. അജിത്ത്, അഷിൽദ്, ഡ്രൈവർ കെ.പി. ശ്രീജിത്ത് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.