ദേ​ശീ​യ​പാ​ത നി​ർ​മാ​ണം തോ​ന്നും​പോ​ലെ: പാ​ലോ​ളി​പ്പാ​ല​ത്ത് ത​മ്മി​ൽ ബ​ന്ധ​മി​ല്ലാ​തെ മൂ​ന്ന് ഓവുചാലുക​ൾ

വ​ട​ക​ര: ദേ​ശീ​യ​പാ​ത നി​ർ​മാ​ണ​ത്തി​ൽ പ​രാ​തി​ക​ളു​ടെ പ്ര​ള​യം പ​രി​ഹ​രി​ക്കാ​ൻ ന​ട​പ​ടി​യി​ല്ല. പാ​ലോ​ളി പാ​ലം മ​ണ​ൽ​ത്താ​ഴ കു​ള​ത്തി​നോ​ട് ചേ​ർ​ന്ന് ത​മ്മി​ൽ ബ​ന്ധ​മി​ല്ലാ​തെ മൂ​ന്ന് ഓവുചാലുക​ൾ. നേ​ര​ത്തേ ഇ​വി​ടെ ഒ​രു ഓവുചാൽ പാ​തി​വ​രെ നി​ർ​മി​ച്ചി​രു​ന്നു. പി​ന്നാ​ലെ വീ​ണ്ടും മ​റ്റൊ​ന്ന് നി​ർ​മി​ക്കു​ക​യു​ണ്ടാ​യി.

ഇ​വ ര​ണ്ടും ത​മ്മി​ൽ ബ​ന്ധ​മി​ല്ലാ​താ​യ​തോ​ടെ മൂ​ന്നാ​മ​താ​യി മ​റ്റൊ​ന്നു​കൂ​ടി നി​ർ​മി​ക്കു​ക​യാ​യി​രു​ന്നു. ഒ​രു ഓവുചാൽ മ​ണ്ണി​ട്ട് മൂ​ടാ​നാ​ണ് പ​ദ്ധ​തി. മ​ണ്ണി​ട്ട് മൂ​ടി​യാ​ലും ത​മ്മി​ൽ ബ​ന്ധ​മു​ണ്ടാ​വി​ല്ല. ഇ​ത​ര​സം​സ്ഥാ​ന തൊ​ഴി​ലാ​ളി​ക​ൾ യാ​തൊ​രു മേ​ൽ​നോ​ട്ട​വു​മി​ല്ലാ​തെ​യാ​ണ് ഈ ​ഭാ​ഗ​ങ്ങ​ളി​ൽ പ്ര​വൃ​ത്തി ന​ട​ത്തു​ന്ന​ത്. പാ​ലോ​ളി പാ​ല​ത്ത് മ​ണ​ൽ താ​ഴെ കു​ള​ത്തി​ന​രി​കി​ൽ ര​ണ്ടു​വ​ർ​ഷം മു​മ്പ് പാ​തി വ​ഴി​യി​ലാ​ക്കി​യാണ് ഇ​പ്പോ​ൾ കു​ഴി​ച്ചു​മൂ​ടു​ന്ന​ത്.

ഓവുചാലുക​ൾ നി​ർ​മി​ക്കു​മ്പോ​ൾ ആ​സൂ​ത്ര​ണ​മി​ല്ലാ​ത്ത​തി​നാ​ൽ ദേ​ശീ​യ​പാ​ത​യോ​രം ഇ​ടി​യു​ന്ന​തും കു​ടി​വെ​ള്ള പൈ​പ്പു​ക​ൾ ത​ക​രു​ന്ന​തും പ​തി​വാ​ണ്. ജ​ല​അ​തോ​റി​റ്റി​ക്ക് വ​ൻ സാ​മ്പ​ത്തി​ക ന​ഷ്ട​മാ​ണ് ഇ​തു​വ​ഴി ഉ​ണ്ടാ​വു​ന്ന​ത്. പ്ര​തി​ഷേ​ധം ഉ​യ​രു​ന്ന​തി​നാ​ൽ പൊ​ട്ടി​യ പൈ​പ്പു​ക​ൾ ജ​ല​അ​തോ​റി​റ്റി പെ​ട്ടെ​ന്ന് അ​റ്റ​കു​റ്റ​പ്പ​ണി ചെ​യ്യു​മ്പോ​ൾ ക​രാ​ർ ക​മ്പ​നി തോ​ന്നി​യ​തു​പോ​ലെ പ്ര​വൃ​ത്തി​യു​മാ​യി മു​ന്നോ​ട്ട് പോ​കു​ക​യാ​ണ്.

വ​ട​ക​ര പു​തി​യ സ്റ്റാ​ൻ​ഡ് മു​ത​ൽ അ​ട​ക്കാ​തെ​രു​വ് വ​രെ​യു​ള്ള ഭാ​ഗ​ങ്ങ​ളി​ൽ നി​ർ​മാ​ണം പൂ​ർ​ത്തി​യാ​യ ഡ്രൈ​നേ​ജു​ക​ൾ ഗു​ണ​നി​ല​വാ​ര​മി​ല്ലാ​ത്ത​തി​നാ​ൽ പ​ല​യി​ട​ങ്ങ​ളി​ലും ത​ക​ർ​ന്ന് കി​ട​ക്കു​ക​യാ​ണ്. ത​ക​ർ​ന്ന് കി​ട​ക്കു​ന്ന സ്ലാ​ബു​ക​ൾ മാ​റ്റി​സ്ഥാ​പി​ക്കാ​ൻ ന​ട​പ​ടി​ക​ൾ ഉ​ണ്ടാ​വാ​ത്ത​തി​നാ​ൽ അ​പ​ക​ടം ക്ഷ​ണി​ച്ച് വ​രു​ത്തു​ക​യാ​ണ്.