കൊടിയത്തൂർ: ഗ്രാമപഞ്ചായത്തിൽ 2022-2023 വർഷം 17 കോടി രൂപയുടെ ബജറ്റ്. 17,18,18,696 വരവും 16,61,36,900 രൂപ ചെലവും 56,81,796 രൂപ മിച്ചവും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് കരീം പഴങ്കൽ അവതരിപ്പിച്ചത്. കാർഷിക, കുടിവെള്ള, വിദ്യാഭ്യാസ മേഖലക്ക് മുൻഗണന നൽകുന്നതാണ് ബജറ്റ്. ചെറുവാടി പുഞ്ചപ്പാടത്ത് നെൽകൃഷി വർധിപ്പിക്കുന്നതിന് പദ്ധതി ആവിഷ്കരിക്കും. കാർഷിക മേഖലയിൽ യന്ത്രവത്കരണത്തിനും കല്ലൻതോട് ജലസേചന പദ്ധതിക്കും തുക വകയിരുത്തി. തോട്ടുമുക്കത്ത് കൃഷിഭവൻ സബ് സെന്റർ സ്ഥാപിക്കുന്നതിനും ആരോഗ്യ കേന്ദ്രം പുനർനിർമിക്കാനും കൊടിയത്തൂർ മാക്കൽ കുടുംബാരോഗ്യ ആശുപത്രിയുടെ അടിസ്ഥാന സൗകര്യ വികസനത്തിനും ഹോമിയോ ആയുർവേദ ആശുപത്രികളുടെ ആധുനികവത്കരണത്തിനും തുക വകയിരുത്തിയിട്ടുണ്ട്. വിധവകൾക്കായി ആട് ഗ്രാമം പദ്ധതി, ഇരുവഴിഞ്ഞി തീരത്ത് ബാംബു ഗാർഡൻ, മിനി ടർഫ് എന്നിവയും പ്രധാന പദ്ധതികളാണ്. ഗ്രാമപഞ്ചായത്ത് പ്രസിഡന്റ് വി. ഷംലൂലത്ത് അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.