മുക്കം: അംഗൻവാടി ഹെൽപർ, വർക്കർ, നിയമനത്തിൽ അഴിമതിയും പക്ഷപാതിത്വവും ആരോപിച്ച് മുക്കം നഗരസഭയിലെ യു.ഡി.എഫ് കൗൺസിലർമാർ മുക്കം ഐ.സി.ഡി.എസ് ഓഫിസ് ഉപരോധിച്ചു. പ്രമോഷൻ ലിസ്റ്റിൽനിന്നും 25 ശതമാനം നിയമനം നടത്തണമെന്ന സർക്കാർ ഉത്തരവ് കാറ്റിൽ പറത്തി സ്വന്തക്കാരെ തിരുകിക്കയറ്റുകയാണുണ്ടായതെന്നും സീനിയോറിറ്റി ലിസ്റ്റ് നിലനിൽക്കെ സെലക്ഷൻ ലിസ്റ്റ് ഉണ്ടാക്കിയതിലും രാഷ്ട്രീയ പരിഗണന മാത്രമായിരുന്നു മാനദണ്ഡം എന്നും കൗൺസിലർമാർ ആരോപിച്ചു. ഇന്റർവ്യൂ ബോർഡിലിരുന്ന ക്ഷേമകാര്യ സ്റ്റാൻഡിങ് കമ്മിറ്റി അധ്യക്ഷ സ്വയംനിയമിക്കപ്പെട്ടത് ഓഫിസിനെതിരെ ജനരോഷത്തിന് കാരണമായിരുന്നു. ലിസ്റ്റ് സംബന്ധിച്ച് ഉയർന്ന പരാതികൾ ജില്ല ഓഫിസർ പരിശോധിച്ച ശേഷം തിങ്കളാഴ്ചയോടെ മാനദണ്ഡങ്ങൾ പ്രകാരം പുതിയ ലിസ്റ്റ് പ്രസിദ്ധീകരിക്കുമെന്ന ഉറപ്പ് ലഭിച്ചതിന്റെ അടിസ്ഥാനത്തിലാണ് ഉപരോധം അവസാനിപ്പിച്ചത്. സമരത്തിന് കൗൺസിലർമാരായ വേണു കല്ലുരുട്ടി, അബു മുണ്ടുപാറ, എം. മധു മാസ്റ്റർ, എം.കെ. യാസർ, കൃഷ്ണൻ വടക്കയിൽ, റുബീന, റംല, ബിന്നി മനോജ്, സക്കീന, വസന്തകുമാരി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.