മുക്കത്തുതാഴം ചീർപ്പ് പാലം ഇഴഞ്ഞുനീങ്ങുന്നു; ആശങ്കയിൽ പ്രദേശവാസികൾ

മുക്കത്തുതാഴം ചീർപ്പ് പാലം നിർമാണം ഇഴഞ്ഞുനീങ്ങുന്നു; ആശങ്കയിൽ പ്രദേശവാസികൾ തലക്കുളത്തൂർ: മുക്കത്തുതാഴം ചീർപ്പ് പാലം നിർമാണം വൈകുന്നതിനാൽ ദുരിതത്തിലായി നാട്ടുകാർ. ചേളന്നൂർ- തലക്കുളത്തൂർ പഞ്ചായത്തുകളെ ബന്ധിപ്പിക്കുന്ന മുക്കത്തുതാഴം ചീർപ്പ് പാലം (വി.സി.ബി കം ബ്രിഡ്ജ്) നിർമാണം പൈലിങ്​ പ്രവർത്തനങ്ങളിൽ കുടുങ്ങിയാണ്​ പ്രവൃത്തി വൈകുന്നത്​. മൂന്നു മാസത്തിലേറെയായി പ്രവൃത്തി തുടങ്ങിയിട്ടും പൈലിങ് പൂർത്തിയാക്കാൻ കഴിഞ്ഞിട്ടില്ല. പ്രവൃത്തി മന്ദഗതിയിലായതോടെ ദുരിതമനുഭവിക്കുന്നത് മുക്കത്തുകുന്ന്, പൊങ്ങിലോടിപ്പാറ പ്രദേശവാസികളാണ്. കാലവർഷത്തിനുമുമ്പ്​ പ്രവൃത്തി പൂർത്തിയാക്കിയില്ലെങ്കിൽ ഏറെ പ്രയാസം അനുഭവിക്കേണ്ടിവരുമെന്നാണ്​ പ്രദേശവാസികൾ പറയുന്നത്​.തെങ്ങിൻ കുറ്റികൾ സ്ഥാപിക്കുമ്പോൾ പാറ കണ്ടതോടെ പ്രവൃത്തിക്ക്​ ഫണ്ട്​ പോരെന്നു കാണിച്ച് പണി നിർത്തിയിരുന്നു. പൈലിങ് നടത്താൻ യന്ത്രങ്ങൾ എത്തിയെങ്കിലും ഇവിടെ ഇറക്കാൻ പറ്റാത്ത സ്ഥിതിയുണ്ടായി. അടിക്കടിയുണ്ടാവുന്ന വേലിയേറ്റവും ചളിയുമുള്ളതിനാൽ പൈലിങ് ഉദ്ദേശിച്ച രീതിയിൽ ചെയ്യാൻ കഴിയുന്നില്ലെന്നാണ് കരാറുകാരൻ പറയുന്നത്. f/sat/cltpho/thalakulathoor നിർമാണം മന്ദഗതിയിലായ മുക്കത്തുതാഴം ചീർപ്പ് പാലം നിർമാണം