കുറ്റ്യാടി: പണിമുടക്കിന് പമ്പുകൾ തുറക്കാൻ കലക്ടർ പൊലീസ് സംരക്ഷണം വാഗ്ദാനം ചെയ്തപ്പോൾ കുറ്റ്യാടിയിലും പരിസരത്തും മിക്ക പമ്പുകളിലും എണ്ണയില്ലാതായി. ടൗണിലെ ഒരു പമ്പിൽ തിങ്കളാഴ്ച ഉച്ചവരെ എണ്ണ ഉണ്ടായിരുന്നു. മറ്റു ചില പമ്പുകളിൽ പണിമുടക്കിനു മുമ്പെ എണ്ണ തീർന്നിരുന്നു. അടുക്കത്ത് പമ്പിൽ മാത്രമാണ് എണ്ണയുണ്ടായിരുന്നത്. ഉച്ചവരെ എണ്ണവിതരണം തുടർന്നതോടെ പണിമുടക്ക് അനുകൂലികൾ വന്ന് അടപ്പിച്ചു. പൊലീസുണ്ടായിട്ടും തുറക്കാൻ സമ്മതിച്ചില്ലെന്നാണ് ബന്ധപ്പട്ടവർ പറഞ്ഞത്. ഇതോടെ ദീർഘദൂരം സഞ്ചരിച്ച് തൊട്ടിൽപാലം ഭാഗങ്ങളിലെ പമ്പുകളിൽനിന്നാണ് അത്യാവശ്യക്കാർ എണ്ണ നിറച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.