ചാത്തമംഗലം: 'മതവിരുദ്ധ കമ്യൂണിസം, മാനവവിരുദ്ധവും' എന്ന പ്രമേയത്തിൽ നിയോജകമണ്ഡലം മുസ്ലിം യൂത്ത് ലീഗ് കമ്മിറ്റി പ്രഖ്യാപിച്ച 'ചുവട്' ശാഖസംഗമങ്ങളുടെ ചാത്തമംഗലം പഞ്ചായത്തുതല ഉദ്ഘാടനം ഡോ. എം.കെ. മുനീർ എം.എൽ.എ നിർവഹിച്ചു. മലയമ്മയിൽ നടന്ന സംഗമത്തിൽ യൂത്ത് ലീഗ് പഞ്ചായത്ത് പ്രസിഡന്റ് സജീർ മാസ്റ്റർ പാഴൂർ അധ്യക്ഷതവഹിച്ചു. പി. മൊയ്തു ഹാജി പതാക ഉയർത്തി. ജംഷീറലി ഹുദവി കിഴിശ്ശേരി മുഖ്യപ്രഭാഷണം നടത്തി. ചുവട് വിശദീകരണം മണ്ഡലം യൂത്ത് ലീഗ് ജന. സെക്രട്ടറി കുഞ്ഞിമരക്കാർ മലയമ്മ നിർവഹിച്ചു. അബൂബക്കർ ഫൈസി മലയമ്മ ശിഹാബ് തങ്ങൾ അനുസ്മരണ പ്രഭാഷണം നടത്തി. കെ.എ. ഖാദർ മാസ്റ്റർ, എൻ.പി. ഹംസ മാസ്റ്റർ എന്നിവർ സംസാരിച്ചു. എൻ.എം. ഹുസൈൻ, അഹമ്മദ് കുട്ടി അരയങ്കോട്, ഹഖീം മാസ്റ്റർ കളൻതോട്, സിറാജ് മാസ്റ്റർ ഈസ്റ്റ് മലയമ്മ, എൻ.പി. ഹമീദ് മാസ്റ്റർ, റസാഖ് പുള്ളനൂർ, പി. മൊയ്തുഹാജി, എ.കെ. ഇബ്രാഹിം ഹാജി, പി. മൊയ്തീൻ മാസ്റ്റർ, പി. കരീം ഹാജി, മൊയ്തു പീടികക്കണ്ടി, പി. ഹമീദ് ഹാജി, അഹമ്മദ് കുട്ടി എലത്തൂർ, പി.പി. റിയാസ്, സി.കെ. അലി ജൗഹർ, അഷ്മിൻ തമീമി, അസീസ് മുസ്ലിയാർ, മൊയ്തീൻ കുട്ടി ദാരിമി എന്നിവർ സംബന്ധിച്ചു. സലാം പരപ്പാറക്കൽ സ്വാഗതവും എം.ടി. റഊഫ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.