കനാൽ വെള്ളം ഉടൻ തുറന്നുവിടണം-സി.പി.ഐ കൊയിലാണ്ടി: കുറ്റ്യാടി ജലസേചന പദ്ധതിയുടെ കനാൽ ജലം ഉടൻ തുറന്നുവിടണമെന്ന് സി.പി.ഐ മുചുകുന്ന് ബ്രാഞ്ച് കമ്മിറ്റി ആവശ്യപ്പെട്ടു. ജലം മുചുകുന്ന് ഭാഗത്ത് എത്താത്തതു കാരണം കൃഷി നശിക്കുന്നു. പച്ചക്കറി, വാഴ, നെല്ല്, എന്നിവ കൃഷി ചെയ്യുന്ന കർഷകർ കനാൽ വെള്ളമെത്താത്തതു കാരണം പ്രയാസം അനുഭവിക്കുന്നു. കടുത്ത ജലക്ഷാമമാണ് എല്ലായിടത്തും. പല സ്ഥലത്തും വയലും കിണറും വറ്റിവരണ്ടു. പി. ഉണ്ണികൃഷ്ണൻ അധ്യക്ഷത വഹിച്ചു. ലോക്കൽ സെക്രട്ടറി സന്തോഷ് കുന്നുമ്മൽ, എ.ടി. വിനീഷ്, എ.ടി. രവി, പി.കെ. മനോജ്, രജീഷ് കുന്നുമ്മൽ, പി.കെ. യൂസുഫ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.