കുറ്റ്യാടി ചെറുപുഴപ്പാലം അറ്റകുറ്റപ്പണി പുരോഗമിക്കുന്നു

കുറ്റ്യാടി: കൈവരികൾ തകർന്ന്​ അപകടാവസ്ഥയിലായ കുറ്റ്യാടി-ചെറുപുഴപ്പാലം അറ്റകുറ്റപ്പണി പുരോഗമിക്കുന്നു. മൂന്നുവർഷം മുമ്പ്​ അജ്ഞാത വാഹനം തട്ടിയാണ് കൈവരികൾ തകർന്നത്. നന്നാക്കാൻ പൊതുമരാമത്ത്​ വകുപ്പ്​ അധികൃതർ നടപടിയെടുക്കാത്തതിനാൽ നാട്ടുകാർ താൽക്കാലിക കൈവരി കെട്ടിയിരുന്നു. അത്​ പിന്നീട്​ നശിപ്പിക്കുകയും ബാക്കി കൈവരികൾ കൂടി തകരുകയും ചെയ്തതോടെ ജനപ്രതിനിധികൾ ഇടപെടുകയും പാലം നന്നാക്കാൻ യുദ്ധകാലാടിസ്​ഥാനത്തിൽ നടപടിയെടുക്കുകയുമായിരുന്നു. പുതിയ കൈവരികളാണ്​ ഘടിപ്പിക്കുന്നത്​. എന്നാൽ, ഒരുഭാഗത്ത്​ മാത്രമാണ്​ കൈവരി നന്നാക്കുന്നത്​. എതിർഭാഗത്തേതും തകർച്ചയിലാണ്​.