നാദാപുരം: സ്വന്തമായി സ്ഥലവും കെട്ടിടവും ഇല്ലാത്ത കല്ലാച്ചി മലയിൽ ലക്ഷം വീട് അംഗൻവാടിയിലെ ഇരുപത്തഞ്ചോളം വരുന്ന കുട്ടികളുടെ സ്വപ്നം പൂവണിയുന്നു. മുൻ ഗ്രാമ പഞ്ചായത്ത് മെമ്പർ വി. കുമാരനും ചാലിൽ രാജീവനും ചേർന്ന് നൽകിയ നാല് സെന്റ് സ്ഥലത്ത് നിർമിക്കുന്ന അംഗൻവാടിക്ക് ഗ്രാമ പഞ്ചായത്ത് പ്രസിഡന്റ് വി.വി. മുഹമ്മദലി കുറ്റിയടിച്ചു. ഗ്രാമ-ബ്ലോക്ക്-ജില്ലാ പഞ്ചായത്ത് അനുവദിച്ച 25 ലക്ഷം രൂപ ഉപയോഗിച്ചാണ് കെട്ടിടം നിർമിക്കുന്നത്. ചടങ്ങിൽ മെമ്പർ പി.പി. ബാലകൃഷ്ണൻ അധ്യക്ഷത വഹിച്ചു. വി. കുമാരൻ, കെ. ബാലൻ, ഷൈമ എന്നിവർ സംസാരിച്ചു. പടം: CLKZndm 6: മുൻ ഗ്രാമ പഞ്ചായത്ത് മെമ്പർ വി. കുമാരനും ചാലിൽ രാജീവനും ചേർന്ന് നൽകിയ നാല് സെന്റ് സ്ഥലത്ത് നിർമിക്കുന്ന അംഗൻവാടിക്ക് ഗ്രാമ പഞ്ചായത്ത് പ്രസിഡന്റ് വി.വി. മുഹമ്മദലി കുറ്റിയടിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.