ബാലചന്ദ്രൻ പാറച്ചോട്ടിൽ സ്കൗട്ട് സ്​റ്റേറ്റ് കമീഷണർ

പേരാമ്പ്ര: ബാലചന്ദ്രൻ പാറച്ചോട്ടിൽ ഭാരത് സ്കൗട്ട്സ് ആൻഡ്​ ഗൈഡ്സ് സ്​റ്റേറ്റ് കമീഷണർ (അഡൽറ്റ് റിസോഴ്​സ് ) ആയി ചുമതലയേറ്റു. ദേശീയ കാര്യാലയത്തി​ൻെറ പുതിയ നിയമാവലി അനുസരിച്ച് സംസ്ഥാന തലത്തിലുള്ള സ്കൗട്ട് പ്രവർത്തനങ്ങളുടെ പ്രധാന ഉത്തരവാദിത്തം സ്​റ്റേറ്റ് ചീഫ് കമീഷണർ കൂടിയായ പൊതുവിദ്യാഭ്യാസ ഡയറക്ടർക്കാണ്. അധികാര വികേന്ദ്രീകരണത്തി​ൻെറ ഭാഗമായി അദ്ദേഹത്തോട് നേരിട്ട് ഉത്തരവാദിത്തമുള്ള പദവിയിലേക്കാണ് ബാലചന്ദ്രൻ നിയമിക്കപ്പെട്ടത്. കേരളത്തിലെ 14 റവന്യു ജില്ലകളുടെയും 46 വിദ്യാഭ്യാസ ജില്ലകളുടെയും ചുമതലയാണ് ബാലചന്ദ്രനിൽ നിക്ഷിപ്തമായിട്ടുള്ളത്. മുമ്പ് അസിസ്​റ്റൻറ് സ്​റ്റേറ്റ് കമീഷണറായി ഒരു ദശവർഷത്തോളം ബാലചന്ദ്രൻ സേവനമനുഷ്ഠിച്ചിട്ടുണ്ട്. ദേശീയ അധ്യാപക അവാർഡ്, സ്കൗട്ടിങ്​ രംഗത്തെ ദേശീയ പരമോന്നത പുരസ്കാരമായ സിൽവർ എലിഫൻറ്​ എന്നിവ നേടിയിട്ടുണ്ട്. ഇന്ത്യയിലും വിദേശങ്ങളിലുമായി നിരവധി സ്കൗട്ടിങ്​ പരിശീലന ക്യാമ്പുകൾക്ക് നേതൃത്വം നൽകിയിട്ടുണ്ട്. 2018ൽ നടുവണ്ണൂർ ഹയർ സെക്കൻഡറി സ്കൂൾ പ്രധാനാധ്യാപകനായി ഔദ്യോഗിക പദവിയിൽനിന്ന് വിരമിച്ചു. ഇന്ത്യയിൽതന്നെ ആദ്യമായി നടുവണ്ണൂർ കേന്ദ്രമാക്കി ഫോർമൽ സ്കൗട്ട് ഫോറം രൂപം നൽകുന്നതിൽ പ്രധാന പങ്കുവഹിച്ച ബാലചന്ദ്രൻ പേരാമ്പ്ര സ്വദേശിയാണ്. സ്കൗട്ട് ഫോറത്തി​ൻെറ രക്ഷാധികാരികൂടിയാണ്. ഗാന്ധിയനും സർവോദയ പ്രവർത്തകനുമായ പരേതനായ പഴങ്കാവിൽ നാരായണ മാരാരുടെ മകനാണ്. ബാലചന്ദ്രൻ പാറച്ചോട്ടിലിനെ ഡിസംബർ 20ന് രാവിലെ 10 മണിക്ക് പേരാമ്പ്ര സഹൃദയ വേദി ആദരിക്കുമെന്ന് ഭാരവാഹികൾ അറിയിച്ചു. photo: ബാലചന്ദ്രൻ പാറച്ചോട്ടിൽ