ഇളവി​‍െൻറ ആശ്വാസത്തിൽ വ്യാപാര മേഖല

ഇളവി​‍ൻെറ ആശ്വാസത്തിൽ വ്യാപാര മേഖല കോഴിക്കോട്​: ലോക്​ഡൗൺ ഇളവിൽ നഗരവും നാട്ടിൻപുറവും നേരിയ ഉണർവിൽ. 23 ദിവസമായി അടഞ്ഞുകിടന്ന വ്യാപാര, വ്യവസായ സ്ഥാപനങ്ങൾ തിങ്കളാഴ്​ച തുറന്നു. തുണിക്കടകളും ചെരിപ്പ്​ കടകളും ജ്വല്ലറികളും സ്​കൂൾ വസ്​തുക്കൾവിൽക്കുന്ന കടകളും തുറന്നതോടെ നഗരത്തിന്​ പാതി ജീവനായി. പ്രധാന വ്യാപാരകേന്ദ്രമായ മിഠായിത്തെരുവിൽ വീണ്ടും ആളനക്കമായി. ഫാൻസി കടകൾ തുറന്നെങ്കിലും സെക്​ടറൽ മജിസ്​ട്രേറ്റ്​ എത്തി അടപ്പിച്ചു. പെരുന്നാളിന്​ വിൽക്കാൻ വൻതോതിൽ വസ്​തുക്കൾ ശേഖരിച്ചിരിക്കെയാണ്​ തുണിക്കടകൾക്ക്​ ലോക്​ വീണത്​. ചെരിപ്പുകടകളും അങ്ങനെതന്നെ. മാവൂർ റോഡിൽ കെ.എസ്​.ആർ.ടി.സിക്ക്​ സമീപം തുറന്ന ചെരിപ്പുകട വെള്ളപ്പെക്കത്തിൽ കുതിർന്ന അവസ്ഥയിലായിരുന്നു. കഴിഞ്ഞ ദിവസം പെയ്​ത കനത്തമഴയിലാണ്​ കടയിൽ വെള്ളം കയറിയത്​. ഇൻവർട്ടർ ഉൾപ്പെടെ നശിച്ചു. വെള്ളപ്പൊക്കം പ്രതീക്ഷിക്കാത്തതിനാൽ ഉടമകൾ പരിശോധിക്കാൻ എത്തിയിരുന്നില്ല. മിഠായിത്തെരുവിലെയും മേലെ പാളയത്തെയും കടകളിൽ രാവിലെ മുതൽ നേരിയ തോതിൽ ഉപഭോക്താക്കൾ എത്തി. ചെരിപ്പും കുടയുമാണ്​ കാര്യമായി വിറ്റുപോയത്​. സ്​കൂൾ തുറക്കുന്നതിനാൽ നോട്ട്​ ബുക്കുകൾക്കും നല്ല ചെലവുണ്ടായി. പാളയത്തേക്ക്​ തിങ്കളാഴ്​ചയും വാഹനങ്ങൾക്ക്​ അനുമതി നൽകിയില്ല. കണ്ണട റിപ്പയറിങ്ങിനും പുതിയത്​ വാങ്ങാനും രാവിലെതന്നെ ആളുകളെത്തി. എങ്കിലും കച്ചവടം വളരെ കുറവായിരു​െന്നന്ന്​ വ്യാപാരി വ്യവസായി ഏകോപനസമിതി ജില്ല സെക്രട്ടറി കെ. സേതുമാധവൻ പറഞ്ഞു. തിങ്കളാഴ്​ച തുറന്ന കടകൾ ഇനി ബുധനാഴ്​ചയേ തുറക്കാൻ പറ്റൂ. ഇളവുകളുടെ ദിനം ആരംഭിച്ചതോടെ രാവിലെയും വൈകീട്ടും ഗതാഗതത്തിരക്കും അനുഭവപ്പെട്ടു. സ്വകാര്യവാഹനങ്ങൾ ധാരാളം റോഡിലിറങ്ങി. പൊലീസ്​ ചെക്​പോസ്​റ്റുകൾ വാഹന പരിശോധന തുടർന്നു. അതിനിടെ അതിഗുരുതര കോവിഡ്​ വ്യാപനത്തി​‍ൻെറ പേരിൽ കർശന നിയന്ത്രണമുണ്ടായിരുന്ന പഞ്ചായത്തുകളിൽ കടകൾ തുറക്കാൻ അനുമതി നൽകിയില്ല എന്ന പരാതി ഉയർന്നു. photos vj bk